San Lucas 1:79 - Kaqchiquel Bible

⁷⁹ Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

နောက်ထပ်ဗားရှင်းများ

Kaqchikel Santo Domingo (Xenacoj)

⁷⁹ Ri Jun riꞌ nduqaqa chin nduruyikꞌaj kikꞌaslen Ri ekꞌo pa qꞌequꞌ y chuxeꞌ ruchuqꞌaꞌ ri kamik, Y nduqaqa chuqaꞌ chin ndukꞌuaj bꞌey chiqawech Chin ndiqil uxlanen pa qánima, xchajeꞌ ri Zacarías.

Kaqchikel Santa Maria de Jesus

⁷⁹ Ri Jun ri nalruyaꞌ sakil, xtuyaꞌ sakil chica ri icꞌo pa kꞌakuꞌn y ri icꞌo pa rumuchꞌuchꞌil ri camic, y xkojrucꞌuaj chupan ri bꞌay richin paz.

Kaqchikel Central Guatemala

⁷⁹ Ri Jun c'a ri nosakirisan, xquerusakirisaj ri ec'o pa k'eku'n y ri ec'o pa rumujal ri camic, y xkojruyukej c'a chupan ri bey richin uxlanen.

Re C'ac'a Testamento pa Kach'abal

⁷⁹ Re Jun re ne'sekresan-ka, xque'ruya' pa sakil re vinak re jec'o pa k'oko'm, re c'o chic re rumuch'uch'il re camic pa quive', roma manak qui-esperanza chin ye'colotaj-ta, y xkojruc'uaj chupan re bey re anche' otz nuna' re avánma. Quire' xubij re Zacarías.

Kaqchikel Western Solola

⁷⁹ Ri Jun c'a ri nosakirisan, xquerusakirisaj ri yec'o pa k'eku'm y ri yec'o pa rumujal ri camic, y xkojruc'uaj c'a chupan ri bey riche (rixin) uxlanibel c'u'x. Quecáre' ri chábel ri xerubij ri Zacarías.

San Lucas 1:79 ပူးပေါင်းရင်းမြစ်များ

Wuj Richin ri Achin Job 10:22

Ri chiri' kan nik'o chik ruwi' ri rubanik ri q'equ'm. Kan q'equ'm-q'equ'm, kan nik'o ruwi' ri q'equ'm ri'. Xa junan rik'in toq k'o saqil kan seq k'a ri', jak'a ri chiri' ri q'equ'm kan q'equ'm jumul, xcha' ri Job.

Wuj Richin ri Achin Job 3:5

Jebel ta ri', xa ta ri q'ij ri' xqa' ta q'equ'm y muj pa ruwi', kan ta xmuqutej ri q'ij ri' roma ri q'equ'm; y ri rumujal ri ik' xuk'en ta pe xibinri'il pa ruwi' ri q'ij ri'.

Wuj Richin Bix Chire ri Dios 107:10

Ek'o chik ch'aqa' winaqi' ri ek'o pa q'equ'm; e ximon rik'in cadena y nikitej janila poqon.

Wuj Richin Bix Chire ri Dios 107:14

Xerelesaj k'a chupan ri q'equ'm y chuwech ri rumach'ach'il ri kamik ri koyoben. Y xuwulaj k'a ri ximonri'il ri akuchi e tz'apen-wi.

Wuj Richin Bix Chire ri Dios 23:4

Stape' k'o chi yiq'ax chupan jun bey ri janila q'equ'm, kan man xtinxibij ta wi', roma rija' kan beneq wik'in. Yiruyuqej k'a rik'in ri ruch'ame'y y yirukol k'a rik'in ri ruch'aybal, re' kan nuben chuwe chi kan ninkuquba' nuk'u'x.

Wuj Richin Bix Chire ri Dios 25:12

Ri nikixibij-ki' chawech kan xtiketamaj ri bey ri k'o chi nikik'uaj.

Wuj Richin Bix Chire ri Dios 44:19

Man rik'in ri', rat xojaq'ututej; xojaya' akuchi yek'oje-wi ri k'uxunela' taq chikopi'. Y ri kamik kan niqaqa yan k'a pa qawi'.

Wuj Richin Etamabel-Tzij 3:17

Ri na'oj kan nuben-wi k'a chire ri k'aslen chi kan k'o ruki'il, y ronojel bey ri akuchi yeruk'uaj-wi ri winaqi' kan k'o-wi uxlanen.

Wuj Richin Etamabel-Tzij 8:20

Ri bey ri nuk'uan yin kan jun bey richin ruchojmilal, chuqa' ri nubey yin kan pa rubeyal k'a.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Isaías 42:7

Xkatinteq richin chi xtajeq ri runaq' ta kiwech ri man yetzu'un ta, richin xke'awelesaj-el konojel ri ek'o pa cárcel, y xke'akol ri ek'o pa q'equ'm.

Wuj Richin ri Isaías 48:17

Ri Jehová nubij: Ja yin ri in ikolonel rix, y kan xaxe yin ri in i-Dios. Ja yin Jehová ri nink'ut chiwech ri más jebel chiwe rix, y yin yik'utu chiwech ri utzilej bey, ri akuchi ruk'amon richin yixbe.

Wuj Richin ri Isaías 48:22

Jak'a chike ri e banoy taq etzelal, kan man xtinya' ta uxlanibel-k'u'x. Yin Jehová ri yibin.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Wuj Richin ri Isaías 49:9

Xtibij chike ri ek'o pa cárcel, chi ke'el-pe, y chike ri ek'o pa q'equ'm, chi tikik'utu-pe-ki'. Y rokik e tzolejineq-pe chupan ri kibey, xtikil ri kiway. Rokik e peteneq chupan ri tz'iran ruwach'ulew, kan k'o ri xtikitej.

Wuj Richin ri Isaías 59:8

Man iwetaman ta k'a achike ri' ri bey richin uxlanibel-k'u'x, y ri ibanobal kan maneq ruchojmilal. Ri bey ri itzeqeliben, xa kan e xotoxeq, y ri xketzeqeliben ri bey ri' kan man xtikil ta uxlanibel-k'u'x.

Wuj Richin ri Isaías 9:2

Ri qawinaq ri ek'o pa jun nimalej q'equ'm, kan xtikitz'et jun nimalej saqil. Ri xek'ase' chupan jun ruwach'ulew ri kan xkitz'et ruwech kikamik, jak'a re wakami ri saqil kan xkerusaqirisaj.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

San Mateo 4:16

Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.

San Juan 1:9

Y kan xoqaqa ri qitzij saqil ri' chuwech chijun re ruwach'ulew richin nusaqirisaj ri kik'aslen ri winaqi'.

San Juan 12:46

Roma yin ri saqil, xipe chuwech re ruwach'ulew richin chi achike k'a ri xtukuquba' ruk'u'x wik'in, man xtik'oje' ta kan chupan jun q'equ'm k'aslen.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

San Juan 9:5

Re q'ij re k'a ink'o na chuwech re ruwach'ulew, ja yin ri yisaqirisan kik'aslen konojel winaqi', xcha'.

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Romanos 3:17

Man ketaman ta k'a achike ri' ri bey richin uxlanibel-k'u'x.

Efesios 5:8

Toq rubanon kan, rix ixk'o pa jun q'equ'm. Jak'a re wakami saqirisan chik ri ik'aslen roma ri Dios. Tik'uaj k'a ri ik'aslen achi'el ruk'amon.