San Lucas 1:60 - Kaqchiquel Bible

⁶⁰ Jak'a ri te'ej xubij: Ni, man keri' ta, re ak'ual xa kan xtubini'aj Juan.

နောက်ထပ်ဗားရှင်းများ

Kaqchikel Santo Domingo (Xenacoj)

⁶⁰ Pero ri ruteꞌ ri chꞌuti alaꞌ xubꞌij chake ri wineq: Ma ja ta riꞌ rubꞌiꞌ ndiyoꞌox. Ri wal, Juan ndubꞌiniꞌaj.

Kaqchikel Santa Maria de Jesus

⁶⁰ Pero ri rutieꞌ xuꞌej: Man xtubꞌinaj ta incheꞌl rubꞌeꞌ ri rutataꞌ; xa xtubꞌinaj Juan.

Kaqchikel Central Guatemala

⁶⁰ Jac'a ri rute' ri ac'ual chanin xubij: Re ac'ual man xtuc'uaj ta ri rubi' ri rutata', roma re ac'ual re' xtubini'aj Juan.

Re C'ac'a Testamento pa Kach'abal

⁶⁰ Pero re te'ej xubij: Re ac'ual man xtubini'aj-ta ancha'l rube' re rutota', re ac'ual re' xtubini'aj Juan.

Kaqchikel Western Solola

⁶⁰ Yac'a ri rute' ri ac'al chanin xubij: Re ac'al re' ma xtubini'aj ta achi'el rubi' ri rutata', ruma re ac'al re' xtubini'aj Juan.

San Lucas 1:60 ပူးပေါင်းရင်းမြစ်များ

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

Wuj Richin ri Isaías 8:3

Chirij k'a ronojel re', yin xik'oje' rik'in ri wixjayil ri chuqa' q'alajirisey ruch'abel ri Dios, y rija' xyawej kan chirij jun ak'ual y xk'oje' jun ti ala'. K'ari' ri Jehová xubij chuwe ri rubi' ri ti nuk'ajol ri xtinya' ja ri Maher-salal-hasbaz.

San Mateo 1:25

Jak'a man xk'oje' ta rik'in, k'a toq xalex na ri nabey ti ral ri María. Y toq xalex ri ak'ual, ri José xuya' rubi', y Jesús ri rubi' xuya'.

San Lucas 1:13

Jak'a ri ángel xubij chire: Man taxibij-awi'. Ri Dios xrak'axaj ri ach'owen ri abanon rik'in. Roma ri' ri Elisabet xtik'oje' jun ti ral, y re ak'ual re', Juan ri rubi' ri xtaya'.

San Lucas 1:61

Xkik'utuj k'a chire: ¿Achike roma toq nawajo' chi re ak'ual nubini'aj Juan? Roma man jun chike ri e awach'alal rubini'an ta keri'.

San Lucas 1:63

K'ari' ri Zacarías xuk'utuj jun tz'alem ri yekikusaj richin yetz'iban. Chuwech k'a ri tz'alem ri' xutz'ibaj: Ri ak'ual xtubini'aj Juan, xcha'. Y konojel k'a ri ek'o chiri', kan janila xkimey-qa.