Wuj Richin ri Chojmirisabelri'il 9:3 - Kaqchiquel Bible

³ Y k'ari' tabij k'a chike ri qawinaq israelita chi tikik'ama-pe jun achij tzuntzun richin kuyubel imak, jun nima-alaj achij wákix y jun nima-alaj karne'l ri k'o jun kijuna', re' k'o chi e tz'aqet richin yeporox.

Wuj Richin ri Chojmirisabelri'il 9:3 ပူးပေါင်းရင်းမြစ်များ

Wuj Richin ri Esdras 6:17

Y chupan ri nimaq'ij ri' toq xk'achoj ri rachoch ri Dios, xkisuj k'a wok'al nima-alaji' achija' taq wákix, 200 achija' taq karne'l y 400 alaji' achija' taq karne'l. Y richin kuyubel-mak, xkisuj kablajuj achija' taq tzuntzun richin chikijujunal ri tzobaj richin ri tinamit Israel.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Wuj Richin ri Chojmirisabelri'il 4:23

toq xtunabej chi kan makuwineq, k'o chi nuk'uaj-apo chinuwech jun achij tzuntzun ri kan tz'aqet.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

Wuj Richin ri Chojmirisabelri'il 23:12

Chupan ri q'ij ri', toq nisiloj ri q'etaj, ja chuqa' ri' nisuj jun achij karne'l ri k'o jun rujuna', y kan tz'aqet, richin niporox chinuwech.

Wuj Richin ri Chojmirisabelri'il 16:15

Y chirij re' ri Aarón xtukamisaj ri achij tzuntzun ri xkik'en-pe ri winaqi', richin nikuyutej kimak. Y xtuk'uaj-apo ri kik' chirij ri tzieq ri tasbel rupan ri wachoch. Y k'ari' xtuben achi'el xuben rik'in ri rukik'el ri wákix; xtuchikaj k'a chuwech-pe ri káxa y pa ruwi' ri tz'apebel.

Wuj Richin ri Chojmirisabelri'il 16:5

Y ri awinaq israelita k'o chi nikik'en-pe ka'i' achija' tzuntzun y nikijech chire ri Aarón, richin kamelabel richin nikuyutej kimak, y jun achij karne'l richin niporox chijun.

Wuj Richin ri Chojmirisabelri'il 14:10

Y ri ruka'n q'ij, toq napon ri ruwaqxaq q'ij, ri wineq nuk'en-pe ka'i' alaj taq achija' karne'l ri kan e tz'aqet y chuqa' nuk'en-pe jun ti ixoq karne'l ri k'o jun rujuna' ri kan tz'aqet, nuk'en-pe wo'o' libra k'ej ri xolon aceite rik'in, y jun qumbel nojineq chi aceite olivo.

Wuj Richin ri Chojmirisabelri'il 12:6

Toq nik'is ri q'ij richin nich'ajch'ojir roma xalex ri ti ral, stape' ti xten o ti ala', k'o chi nuk'uaj-apo jun ti alaj achij karne'l richin jun kamelabel richin niporox chijun, y k'o chuqa' chi nuk'uaj-apo jun paloma nim o ti ko'ol ri niporox richin kuyubel-mak. Re' yeruya' pa ruq'a' ri sacerdote chuchi' ri wachoch.

Ex 12:5

Ri ti chikop ri' k'o chi jun rujuna', achij y kan tz'aqet ri rubanik; xabachike k'a ri utz nikusaj, wi jun ti karne'l o jun ti tzuntzun.

Wuj Richin ri Rutikeribel 37:31

K'ari' rije' xkikamisaj jun ti alaj tzuntzun y xbekik'ama-pe ri nim raqen rutziaq ri José y xkiju' chupan ri rukik'el ri ti chikop ri'.

Wuj Richin ri Chojmirisabelri'il 9:2

Y rija' xubij k'a chire ri Aarón: Tik'ama-pe jun nima-alaj achij wákix, richin kamelabel richin kuyubel-mak y chuqa' tik'ama-pe jun achij karne'l richin niporoj. Y re ka'i' chikopi' re' kan k'o chi e tz'aqet richin yesuj chire ri Jehová.

Wuj Richin ri Chojmirisabelri'il 9:4

Tikik'ama-pe jun achij wákix y jun achij karne'l richin kamelabel richin nikiq'alajirisaj chi nijunamatej-kiwech rik'in ri Dios richin nisuj chire, y chuqa' tikik'ama-pe jun sipanik richin k'ej ri banon rik'in jalajoj ruwech ixin ri ya'on aceite rik'in. Re' kan xtikiben roma ri Jehová kan xtuk'ut ri' chikiwech wakami, xcha' ri Moisés chire ri Aarón.

Wuj Richin ri Chojmirisabelri'il 10:16

K'ari' ri Moisés xuk'utuj achike kibanon chire ri achij tzuntzun ri richin kamelabel richin kuyubel-mak, y xretamaj k'a chi xa xporox yan ronojel y roma ri' janila k'a xyakatej royowal chikij ri Eleazar y ri Itamar y xubij k'a chike:

Wuj Richin ri Chojmirisabelri'il 4:3

Wi ta ri nimakun ja ri nimalej sacerdote, ri mak ri' niqaqa pa ruwi' ri tinamit. Y roma ri' k'o chi nusuj jun nima-alaj achij wákix ri kan tz'aqet richin kuyubel-mak.