Wuj Richin ri Chojmirisabelri'il 9:23 - Kaqchiquel Bible

²³ K'ari' ri Moisés y ri Aarón xe'ok-apo chupan ri rachoch ri Dios richin molojri'il y toq rije' xe'el-pe, xekurtisaj chik ri winaqi' y jari' toq ri ruk'ojlemal ri Jehová xuk'ut-ri' chikiwech konojel ri winaqi'.

Wuj Richin ri Chojmirisabelri'il 9:23 ပူးပေါင်းရင်းမြစ်များ

2 Crón 7:1

Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

Ex 16:10

Y ri Aarón kan xubij k'a chike ri kiwinaq chi kepe konojel, y ketzu'un k'a apo akuchi k'o-wi ri tz'iran ruwach'ulew y jari' toq ri ruk'ojlen ri Jehová xbek'ulun-pe chupan ri sutz' ri'.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Wuj Richin ri Chojmirisabelri'il 9:4

Tikik'ama-pe jun achij wákix y jun achij karne'l richin kamelabel richin nikiq'alajirisaj chi nijunamatej-kiwech rik'in ri Dios richin nisuj chire, y chuqa' tikik'ama-pe jun sipanik richin k'ej ri banon rik'in jalajoj ruwech ixin ri ya'on aceite rik'in. Re' kan xtikiben roma ri Jehová kan xtuk'ut ri' chikiwech wakami, xcha' ri Moisés chire ri Aarón.

Wuj Richin ri Chojmirisabelri'il 9:6

K'ari' ri Moisés xubij: Jare' k'a ri rubin-pe ri Jehová ri k'o chi niben, richin keri' yixtikir nitz'et ri nimalej rusaqil rija', xcha'.

Wuj Richin ri Q'axanri'il 14:10

Y kan jari' toq konojel ri winaqi' ri kimolon-ki' chiri', xkich'ob richin yekikamisaj chi abej, y kan jari' toq ri Jehová xuk'ut-ri' rik'in ruq'ij-ruk'ojlen pa ruwi' ri rachoch ri richin molojri'il chikiwech konojel rije'.

Wuj Richin ri Q'axanri'il 16:19

Y toq ri Coré e rumolon chik k'a ri e 250 rachibil y e pa'el chik chiri', jari' toq xorepero' ri rusaqil ri ruk'ojlemal ri Jehová chikiwech konojel rije'.

Wuj Richin ri Q'axanri'il 16:42

Jak'a toq ri winaqi' xkimol-ki' richin yeyakatej chikij ri Moisés y ri Aarón, kan jari' xebe-apo chuchi' ri rachoch ri Jehová. Y kan jari' toq ri achi'el sutz' xumatzej rij ri jay ri' y xorepero' k'a ri rusaqil ri ruk'ojlemal ri Jehová.