Wuj Richin ri Chojmirisabelri'il 9:22 - Kaqchiquel Bible

²² Y toq rusujun chik k'a kan ri kamelabel richin kuyubel-mak, ri kamelabel ri niporox ronojel y ri jun chik sipanik richin nuq'alajirisaj chi junan kiwech rik'in ri Dios, jari' toq ri Aarón xutzeqej k'a ri ruq'a' pa kiwi' ri winaqi' y xerurtisaj. K'ari' xqaqa-pe chiri' ri akuchi k'o-wi ri porobel.

Wuj Richin ri Chojmirisabelri'il 9:22 ပူးပေါင်းရင်းမြစ်များ

1 Rey 8:55

Toq pa'el chik xerurtisaj k'a konojel ri ruwinaq israelita, y rik'in ronojel uchuq'a' xch'on y xubij chike:

1 Crón 23:13

Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.

2 Crón 6:3

K'ari' ri Salomón xupiskolij-ri' y xerutzu' ri ruwinaq ri e pa'el-apo chiri', y xroyoj k'a urtisanik pa kiwi' konojel rije', ri e rijatzul kan ri Israel.

Wuj Richin Bix Chire ri Dios 72:17

Ri rubi' ri rey xtik'oje' jantape'; ri utzilej rutzijol kan man xtik'is ta, achi'el ri q'ij man nik'is ta. Konojel tzobaj winaqi' richin re ruwach'ulew xtikik'ul urtisanik pa ruq'a' rija', konojel xtikibij chi rija' kan jebel ruwa-ruq'ij.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Wuj Richin ri Q'axanri'il 6:22

Ri Jehová xuya' chik k'a re jun ruchojmilal re' chire ri Moisés richin nuq'axaj chike ri Aarón y ri e ruk'ajol richin nikiya' urtisanik pa kiwi' ri winaqi'. Jare' ri urtisanik:

Marcos 10:16

Rija' xeruch'elela' y xuyala' ri ruq'a' pa kiwi' ri ak'uala' richin xerurtisaj.

San Lucas 24:50

Chirij ri' ri Jesús xeruk'uaj-el ri rutijoxela' k'a pa tinamit Betania. Ri chiri', rija' xutzeqej ri ruq'a' chikaj, y xerurtisaj kan.

Hechos 3:26

Roma ri' ri Dios xuteq-pe ri Jesús ri ruk'ajol richin yojrurtisaj. Xuben ronojel re' richin keri' chiqajujunal niqaya' ta kan rubanik ri mak, xcha' ri Pedro.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Deut 21:5

Ri sacerdote ek'o chiri' richin nikitz'et ronojel, roma ja rije' ri e rucha'on kan ri Jehová ri qa-Dios, richin nikisamajij y richin nikiya' urtisanik pa rubi' rija' y ja ri kich'abel rije' ri nibanatej, pa ruwi' ronojel oyowal o ch'ojinik.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.