Wuj Richin ri Chojmirisabelri'il 8:23 - Kaqchiquel Bible

²³ Y ri Moisés xuqupij k'a ri ruqul ri achij karne'l ri' y xuchop-el juba' rukik'el ri chikop y xuya' chutza'n-qa ri ruxikin ri Aarón, ri ruxikin ri k'o pa rijkiq'a'. Y chuqa' xuya' juba' kik' chirij ri nim rupan ruwi-ruq'a' y ri nim rupan ruwi-raqen ri ek'o pa rijkiq'a'.

Wuj Richin ri Chojmirisabelri'il 8:23 ပူးပေါင်းရင်းမြစ်များ

Ex 29:20

Xtakamisaj k'a y xtachop juba' ri rukik'el y xtiya' chutza'n ri ruxikin ri Aarón ri k'o pa rijkiq'a', chirij ri nim rupan ruwi-ruq'a' y ri nim rupan ruwi-raqen ri k'o pa rijkiq'a'. Chuqa' keri' niben chike ri e ruk'ajol. Y juba' chire ri kik' xtachikaj k'a chi kaji' ruxikin ri porobel.

Wuj Richin ri Chojmirisabelri'il 14:17

Y rik'in ri juba' chik chire ri aceite ri man xk'is ta, ri k'o pa ruq'a' ri sacerdote, xtuyala' chik chirij ri akuchi xuyala-wi ri kik' chirij ri wineq ri nuch'ajch'ojirisaj-ri'.

Wuj Richin ri Chojmirisabelri'il 14:14

Xeri', ri sacerdote nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Filipenses 2:17

Ri kuqubabel-ik'u'x y ri isamaj kan achi'el jun sipanik ri niya-apo chire ri Dios. Y rik'in juba' k'o ta chi xtibiyin nukik'el achi'el nitix ri kik' pa ruwi' ri sipanik ri'. Wi ta keri' nibanatej, yin roma ri' xkikikot, y xkikikot chuqa' iwik'in rix.

Filipenses 1:20

Kan nurayibel wi k'a chi ninya' ruq'ij ri Cristo, nik'oje' ta wuchuq'a' richin nik'is ri rusamaj y man ta yik'ixbitej roma man nink'is ta y rik'in ri' ninya' ruq'ij ri Cristo, rik'in ri nuk'aslen o rik'in ri nukamik.

1 Corintios 6:20

Rix kan xixloq' yan k'a roma ri Dios. Roma ri' kan tiya' ruq'ij-ruk'ojlen rik'in ri ich'akul y rik'in ri i-espíritu ri kan e richin chik rija'.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Romanos 6:19

K'ayew richin chi niq'ax chiwech ronojel re', y roma ri' xinkusaj ri k'ambel-tzij ri'. Toq rubanon kan, rix xiya' q'ij chi xok ri mak iwik'in, richin niben ronojel ruwech mak. Jak'a re wakami kan tijacha-iwi' richin yixukusex roma ri Dios chubanik ri choj; richin keri' kan ch'ajch'oj ri ik'aslen chuwech rija'.

Romanos 6:13

Toq rubanon kan oj kamineq chupan ri mak, jak'a re wakami qak'uan chik jun k'ak'a' k'aslen. Roma ri' tiqajacha-qi' pa ruq'a' ri Dios richin niqaben ri choj ri nrajo' rija'. Man tiqaya' q'ij richin nok ri mak qik'in y yeqaben ri man e choj ta.

Wuj Richin ri Chojmirisabelri'il 14:28

Y rik'in ri juba' chik chire ri aceite ri man xk'is ta, ri k'o pa ruq'a' ri sacerdote, xtuyala' chik chirij ri akuchi xuyala-wi ri kik' chirij ri wineq ri nuch'ajch'ojirisaj-ri'.

Hebreos 5:8

Y ri Cristo, stape' kan Ruk'ajol ri Dios, rik'in ri tijoj-poqonal xretamaj xunimaj tzij.

Hebreos 2:10

Richin chi konojel ri ralk'ual ri Dios nik'oje' kiq'ij-kik'ojlen, ruk'amon chi ri ajaw Dios, ri xtz'ukun ronojel, xuben chire ri Jesús chi xutej poqon richin chi xok jun kolonel ri kan ruk'amon.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

Ex 29:21

Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Wuj Richin ri Chojmirisabelri'il 7:37

Kere' ri kibanik ri kichojmilal ri kamelabel ri yeporox chijun ri taq chikopi', ri sipanik richin jalajoj ruwech ixin, ri kamelabel richin nikuyutej mak, ri kamelabel roma jun ch'a'oj, ri sipanik richin nikijech-ki' pa rusamaj ri Dios y ri sipanik richin nuq'alajirisaj chi junamatajineq-ruwech rik'in.

Wuj Richin ri Chojmirisabelri'il 14:25

K'ari' ri sacerdote nuqupij ri ruqul ri chikop richin kamelabel richin ch'a'oj, y nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.