Wuj Richin ri Chojmirisabelri'il 8:22 - Kaqchiquel Bible

²² Chirij ri' ri Moisés xuk'en-apo ri jun chik achij karne'l ri nik'atzin richin ri k'amoj samaj. Y ri Aarón y ri e ruk'ajol xkiya' k'a kiq'a' pa ruwi' ri rujolon ri chikop ri'.

Wuj Richin ri Chojmirisabelri'il 8:22 ပူးပေါင်းရင်းမြစ်များ

Wuj Richin ri Chojmirisabelri'il 7:37

Kere' ri kibanik ri kichojmilal ri kamelabel ri yeporox chijun ri taq chikopi', ri sipanik richin jalajoj ruwech ixin, ri kamelabel richin nikuyutej mak, ri kamelabel roma jun ch'a'oj, ri sipanik richin nikijech-ki' pa rusamaj ri Dios y ri sipanik richin nuq'alajirisaj chi junamatajineq-ruwech rik'in.

Wuj Richin ri Chojmirisabelri'il 8:2

Ke'ak'ama-pe ri Aarón y ri e ruk'ajol pa wachoch richin molojri'il. Y chuqa' tak'ama-pe ri kitziaq richin sacerdote; tak'ama-pe ri aceite richin cha'onri'il; y tak'ama-pe jun nima-alaj achij wákix richin jun kamelabel richin nikuyutej kimak. Tak'ama-pe chuqa' ri ka'i' achija' taq karne'l, y ri chakech ri ek'o kaxlan-wey chupan ri maneq ch'amilej-q'or kik'in; y ronojel re' nasuj toq jun nok pa samaj richin sacerdote.

Wuj Richin ri Chojmirisabelri'il 8:29

Chirij k'a re' ri Moisés xberuk'ama-pe ri ruwa-ruk'u'x ri achij karne'l ri' y xusiloj chuwech ri Jehová. Y ri juba' chire ri karne'l richin ri kamelabel richin ri k'amoj samaj xok k'a richin ri Moisés, kan achi'el ri rubin ri Jehová chire chi tubana'.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

Efesios 5:25

Y rix achi'a' kan ruk'amon-wi k'a chi ye'iwajo' ri iwixjayilal, achi'el ri Cristo xerajo' ri tzobaj nimanela', y man xupoqonaj ta xuya-ri' pa kamik.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.