Wuj Richin ri Chojmirisabelri'il 8:17 - Kaqchiquel Bible

¹⁷ Ronojel ri xk'oje' kan chire ri nima-alaj achij wákix, ri rutz'umal, ri ruch'akul y chuqa' ri nupamaj, xuporoj k'a chirij-el ri akuchi ek'o-wi-qa, kan achi'el ri rubin ri Jehová chire chi tubana'.

Wuj Richin ri Chojmirisabelri'il 8:17 ပူးပေါင်းရင်းမြစ်များ

Ex 29:14

Jak'a ri ruch'akul, ri rusale'y y ri rutz'ilol rupan ri chikop, xtabeporoj kan k'a chuchi-el ri akuchi ixk'o-wi-qa. Keri' rubanik xtaben chire roma re' jun kamelabel richin nikuyutej ri mak.

Ez 43:21

Xeri' xtak'uaj-el ri ruch'akul ri wákix ri richin kuyubel-mak chuwa-jay richin ri wachoch akuchi ch'aron-wi richin niporox.

Wuj Richin ri Chojmirisabelri'il 16:27

Y ri ti'ij, ri kitz'umal y ri kipan ri wákix y ri tzuntzun, ri xukusex ri kikik'el richin ri kuyubel-mak, k'o chi nuk'uex k'a chirij-el ri akuchi ek'o-wi-qa ri winaqi' y chiri' niporox-wi richin xukusex akuchi k'o-wi ri káxa, richin chi nink'en chik kiwech.

Wuj Richin ri Chojmirisabelri'il 4:21

Y ri nik'oje' kan chire ri wákix nrelesaj-el chirij ri akuchi ek'o-wi-qa, y chiri' xtikiporoj achi'el ri kiporon nabey. Rik'in ri' xtikuyutej ri kimak ri tinamit.

Wuj Richin ri Chojmirisabelri'il 6:30

Jak'a ri kamelabel richin kuyubel-mak ri kan nuk'uex-apo ri rukik'el ri pa wachoch, ri richin nink'en chik ruwech ri wineq, re ti'ij re' man jun xtitijo, xa kan xtiporox k'a ronojel.

Wuj Richin ri Chojmirisabelri'il 9:11

Y jak'a ri ti'ij y ri rutz'umal xebeporox k'a chirij-el ri akuchi ek'o-wi-qa.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*