Wuj Richin ri Chojmirisabelri'il 8:13 - Kaqchiquel Bible

¹³ K'ari' ri Moisés xuben k'a chike ri e ruk'ajol ri Aarón chi kejel-apo, xuya' k'a chikij jujun nim raqen kitziaq, ri ximibel-kipan y ri kuchubel-kijolon ri retal kisamaj. Kan achi'el ri rubin ri Jehová chire chi tubana'.

Wuj Richin ri Chojmirisabelri'il 8:13 ပူးပေါင်းရင်းမြစ်များ

Wuj Richin Bix Chire ri Dios 132:9

Ri e a-sacerdote kan xtikiben ta pa ruchojmilal ronojel richin jantape', y chuqa' kan ta xkekikot k'a konojel ri kan e awichin rat.

Ex 40:13

K'ari' xtawiq ri Aarón rik'in ri tzieq richin ri rusamaj y xtaqasaj aceite pa ruwi', richin nok nu-sacerdote y utz chik richin chi yirusamajij.

Ex 40:16

Ri Moisés kan xuben k'a ronojel ri xbix chire roma ri Jehová.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Isaías 61:6

Ri aj-Sión kan xtikibini'aj k'a samajel y sacerdote richin ri Jehová. Kan xkewa' k'a rik'in ri jebelej taq wey kichin ri ch'aqa' chik ruwach'ulew, y rik'in k'a ri kibeyomel rije' xtikilij-wi-ki'.

Ez 42:14

Toq ri e sacerdote ye'ok-apo pa rachoch ri Dios richin nibekibana' ri rusamaj rija', man chik ye'el ta pe chuwa-jay roma kikusan kitziaq richin rusamaj ri Dios, roma ri tzieq ri' kan ch'aron. Y richin chi ye'el-el ri akuchi ek'o-wi ri winaqi' kan k'o chi nikikusaj jun chik kitziaq.

Wuj Richin ri Chojmirisabelri'il 10:5

Y rije' xejel-apo y xekitzeqej k'a el chi kitziaq ri kaminaqi' y keri' xekelesaj-el ri kich'akul k'a chirij-el ri akuchi ek'o-wi-qa, kan achi'el ri xubij ri Moisés chike.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.