Wuj Richin ri Chojmirisabelri'il 7:31 - Kaqchiquel Bible

³¹ Y xeri' ri sacerdote xtuben chi xtik'at ri q'en ri' pa ruwi' ri porobel, jak'a ri ti'ij richin ri ruwa-ruk'u'x ri chikop xtok richin ri Aarón y kichin ri e ruk'ajol.

Wuj Richin ri Chojmirisabelri'il 7:31 ပူးပေါင်းရင်းမြစ်များ

Ex 29:26

Chirij re', rat xtak'en k'a ri ruwa-ruk'u'x ri ti achij karne'l, ri kamelabel richin ri Aarón roma nok kan pa samaj. Xtasiloj k'a chinuwech yin, kan achi'el jun sipanik ri keri' rubanik. Y re ti'ij re' xtasuj awoma rat.

Wuj Richin ri Chojmirisabelri'il 3:11

Y ri sacerdote xtuporoj ronojel re' pa ruwi' ri porobel; ri sipanik ri xtisuj chinuwech yin achi'el jun q'utun.

Wuj Richin ri Chojmirisabelri'il 3:16

Y ri sacerdote xtuporoj ronojel re' pa ruwi' ri porobel, y re' kan nijubulin chinuwech: Ri sipanik ri' xtisuj chinuwech yin achi'el jun q'utun. Ronojel q'en kan wichin yin.

Wuj Richin ri Chojmirisabelri'il 3:5

K'ari' ri e sacerdote ri e rijatzul ri Aarón xtikiporoj ronojel re' pa ruwi' ri porobel richin jun sipanik poron; y re' kan nijubulin chinuwech yin.

Wuj Richin ri Chojmirisabelri'il 5:13

Keri' xtuben ri sacerdote, y yin xtink'en chik ruwech ri wineq, y kan xtikuyutej xabachike chike ri mak ri'. Ri xtitotej kan chire ri sipanik xtok kan richin ri sacerdote richin nutej, keri' chuqa' rik'in ri sipanik richin jalajoj ruwech ixin, xcha' ri Jehová.

Wuj Richin ri Chojmirisabelri'il 6:16

Y ri k'ej ri nik'oje' kan chire ri sipanik ri man xporox ta, niban kaxlan-wey chire, xaxe k'a man niya' ta ch'amilej-q'or rik'in, y jari' ri nikitej ri Aarón y ri e ruk'ajol; y k'o chi nikitej ri chiri' chuwa-jay richin ri wachoch ri akuchi cha'on-wi.

Wuj Richin ri Chojmirisabelri'il 6:26

Jak'a ri sacerdote ri nisamajin ri porobel, utz nuk'en ti'ij chire ri sipanik ri' richin nutej. Y re' xtutej ri akuchi cha'on-wi chire ri ruwa-jay richin ri wachoch.

Wuj Richin ri Chojmirisabelri'il 7:34

Ri ra' ri nik'en-pe chire ri sacerdote y ri ruwa-ruk'u'x ri nisiloj chinuwech, ri ti'ij ri' ri nubin chik chi ninya' chike ri Aarón y ri e ruk'ajol. Re' kan nok k'a pixa' richin jantape' pa ruwi' ri tinamit, xcha' ri Dios.

Wuj Richin ri Chojmirisabelri'il 8:29

Chirij k'a re' ri Moisés xberuk'ama-pe ri ruwa-ruk'u'x ri achij karne'l ri' y xusiloj chuwech ri Jehová. Y ri juba' chire ri karne'l richin ri kamelabel richin ri k'amoj samaj xok k'a richin ri Moisés, kan achi'el ri rubin ri Jehová chire chi tubana'.

Wuj Richin ri Q'axanri'il 18:11

Chuqa' ri sipanik ri xtok awichin rat, ja ri ch'aqa' chik sipanik ri nikiya' ri awinaq: Ri sipanik ri niyak chikaj y ri nisilox chinuwech. Re' kan awichin-wi rat y kichin ri awalk'ual ri k'a ek'o na awik'in. Konojel k'a ri ek'o pan awachoch ri kan e ch'ajch'oj, utz chuqa' nikitej. Re' kan kere' k'a xtuben-apo richin jantape'.

Wuj Richin ri Q'axanri'il 18:18

Jak'a ri kich'akul ri chikopi' ri' ri yesilox chinuwech yin, nok k'a awichin rat, achi'el ri ruwa-ruk'u'x y ri ra' ri k'o pa kijkiq'a' ri chikopi' ri' ri yesuj chuwe yin, kan ye'ok chuqa' awichin rat.

1 Corintios 9:13

Jak'a wi ta xqak'utuj, man ta itzel chuqa', roma keri' nikiben ri yesamej pa rachoch ri Dios chiri' pa Jerusalem. Ri yesamej chiri' nikitej k'a juba' chire ri yesuj pa ruwi' ri porobel.

Deut 18:3

Toq xtisuj ri iwawej richin kamelabel, ri sacerdote k'o chi xtikik'ul ri rij ruwi', ri rukaxtate'*f4* y ri rupan.