Wuj Richin ri Chojmirisabelri'il 7:16 - Kaqchiquel Bible

¹⁶ Jak'a ri kamelabel ri rusujun chi nuben o jun kamelabel richin ri nalex-pe pa ránima jun wineq, utz nitij ri ti'ij chupan ri q'ij toq nisuj, y wi man nik'is ta, utz nitij ri jun chik q'ij.

Wuj Richin ri Chojmirisabelri'il 7:16 ပူးပေါင်းရင်းမြစ်များ

Wuj Richin Bix Chire ri Dios 116:14

Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

Wuj Richin Bix Chire ri Dios 66:13

Yin kan xkinok k'a chupan ri awachoch, kan xtinporoj k'a chikop chawech, y xtinya' k'a apo ri nusujun chawe.

Ex 35:29

Konojel k'a ri winaqi' ri xkina' rayibel richin xeto'on rik'in sipanik, kan xkiya' k'a pe richin chi xban ronojel ri xubij ri Jehová chire ri Moisés.

Wuj Richin Etamabel-Tzij 7:14

Re wakami, yin kan k'o na k'a chi xinya' ri sipanik richin chi xjunamatej-nuwech rik'in ri Dios, kan xinben yan k'a ronojel ri nusujun chire chi ninben,

Ez 46:12

Toq ri q'atoy-tzij nalex-pe pa ránima richin nuya' jun sipanik chuwe richin niporox jumul o richin niq'alajin chi junan ruwech wik'in, xtijaq k'a ri okibel ri k'o pa relebel-q'ij. Rija' k'o chi nok-apo ri chiri' y xtuya' k'a ri sipanik achi'el rubanik ri niban chire ri nuya' pa taq q'ij richin uxlanen. Y toq rija' nel chik el ri chiri', jari' toq nitz'apex chik kan ri okibel ri'.

Wuj Richin ri Chojmirisabelri'il 22:23

Wi nalex-pe pan iwánima jun sipanik, ninya' k'a q'ij chiwe richin nisuj jun chikop xotoxik. Jak'a wi niwajo' nisuj jun sipanik roma ibin chi niben, kan man ninya' ta k'a q'ij richin nisuj ri chikop ri', roma man xtink'ul ta chiwech.

Wuj Richin ri Chojmirisabelri'il 22:29

Y toq nisuj jun sipanik richin matioxinik chinuwech yin, kan tibana' k'a pa ruchojmilal richin kan xtink'ul chiwech.

Wuj Richin ri Chojmirisabelri'il 23:38

Pa ruwi' ronojel ri sipanik ri' k'o chi nisuj ri sipanik richin ri q'ij richin uxlanibel, ri sipanik roma ri ibin chi niben y ri sipanik richin matioxinik ri nalex-pe pan iwánima richin niya' chuwe.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:17

Chuqa' man titej chupan ri itinamit ri jun chire ri lajuj chire ri jalajoj ruwech ixin, ri vino, ri aceite, ni ri nabey kal ri iwawej, ni man jun chire ronojel ruwech sipanik, ni ri sipanik ri yakon-q'anej chikaj.

Deut 12:26

Jak'a ronojel sipanik ri ich'aron chire ri Jehová, re' kan xtik'uaj k'a el ri akuchi rucha'on-wi rija'.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.