Wuj Richin ri Chojmirisabelri'il 6:27 - Kaqchiquel Bible

²⁷ Y wi k'o ta jun chik nichapo ri ruch'akul ri chikop, kan k'o k'a ri man utz ta nuk'en-pe chire. Y wi k'o jun nitzopin ri kik' chirij ri rutziaq, k'o chi xtuch'ej ri akuchi cha'on-wi.

Wuj Richin ri Chojmirisabelri'il 6:27 ပူးပေါင်းရင်းမြစ်များ

Ex 29:37

Chi wuqu' q'ij k'a xtaporoj ri kamelabel ri', richin keri' ri porobel kan xtok k'a wichin yin. Y roma ri' toq re porobel re' nutun ta apo ri' rik'in xabachike, kan nuben chire chi chuqa' nok richin ri Dios.

2 Corintios 7:11

Xaxe tich'obo' rij ri xuben pa taq ik'aslen ri bis ri xuya' ri Dios chiwe. Kan xuben chiwe chi xichojmirisaj ronojel. Kan man xqa' ta k'a chiwech ri rubanon ri jun, chi qajineq pa mak. Kan xixibij-iwi' roma xich'ob chi rik'in juba' ek'o ch'aqa' chik ri xkebanon keri'. Roma ri' rix kan xiwajo' chi yin ink'o ta apo iwik'in, y kan xiya' chiwech chi niya' ri rutojbalil-mak pa ruwi' ri xmakun. Ronojel k'a re' pa ruch'ajch'ojil xiben chire.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

San Mateo 9:21

roma ri ixoq ri' kan rubin k'a pe pa ránima chi xa rik'in ta nuchop-el juba' ruchi-rutziaq ri Jesús, kan xtik'achoj.

Wuj Richin ri Hageo 2:12

Wi k'o ta jun ri nuk'uaj chupan ri rutziaq, juba' ti'ij ri kan ch'aron chik y ri tzieq ri' chaq k'ate' xik'o-el rik'in jun kaxlan-wey, o jun q'utun chaq'arisan, ri vino, ri aceite, o xabachike na jun chik ri nitij, ronojel re', ¿xke'ok kami ch'aron chuqa'? Y ri sacerdote xkibij chi man keri' ta.

Wuj Richin ri Chojmirisabelri'il 11:32

Y chuqa' achoq pa ruwi' xtitzaq-wi ri ruch'akul jun chike re chikopi' re' xtok man ch'ajch'oj ta; wi ta xtitzaq-qa pa ruwi' jun samajibel ri banon rik'in che', o chirij jun tzieq, o chirij jun tz'um, o chirij jun costal o chirij xabachike k'ojelibel o samajibel, re' xtiya' k'a pa ya' richin nich'ajch'ojirisaj. Y man rik'in ri' man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 6:18

Konojel k'a ri achi'a' ri e rijatzul ri Aarón kan utz xtikitej, y xaxe rije' k'o kiq'a' chire. Y xabachike k'a ri xtichapo, kan k'o k'a ri nuk'en-pe chire. Y re' kan jun pixa' richin jantape' ri ninya' kan chiwe, xcha' ri Jehová.

Ex 30:29

Rik'in k'a re' xke'ajech pa nusamaj ri samajibel. Y wi re samajibel re' nikitun ta apo ki' rik'in xabachike, kan nikiben chire chi chuqa' nok wichin yin.

San Mateo 14:36

Y re yawa'i' re' kan nikik'utula' k'a utzil chire ri Jesús chi tuya' q'ij chike chi stape' xaxe ta ri ruchi-rutziaq nikichop richin yek'achoj. Y kan keri' wi k'a ri xbanatej. Konojel ri xechapo ri ruchi-rutziaq ri Jesús xek'achoj chire ri kiyabil.

Wuj Richin ri Chojmirisabelri'il 7:19

Jak'a ri ti'ij ri kan utz richin nitij, xa rik'in ninaq juba' roma xabachike ri man ch'ajch'oj ta, kan man utz ta chik k'a richin nitij; xa k'o chi niporox. Xabachike k'a wineq ri kan ch'ajch'oj chinuwech yin, kan utz k'a chi nutej ri ti'ij ri utz richin nitij.

Ez 44:19

Y toq ye'el-el chuwa-jay ri k'o chirij el ri akuchi ek'o-wi kan ri winaqi', k'o chi nikelesaj kan ri tzieq ri xkikusaj chupan ri samaj richin ri wachoch y nikikusaj chik el jun kitziaq richin chi man nipe ta jun ruk'ayewal pa kiwi' ri winaqi' ri'.