Wuj Richin ri Chojmirisabelri'il 6:17 - Kaqchiquel Bible

¹⁷ Ri sipanik ri' kan ch'aron chuwe yin, junan rik'in ri kamelabel ri niporox richin kuyubel-mak y chuqa' ri kamelabel toq k'o jun ri nitzolix ri ruk'exel. Re' kan ch'aron chuwe yin roma niya' ronojel chuwe richin niporox. Jak'a re juba' ri man xporox ta, re' ninya' chike ri e ruk'ajol ri Aarón richin nok kichin, y kan jantape' xtiban keri'.

Wuj Richin ri Chojmirisabelri'il 6:17 ပူးပေါင်းရင်းမြစ်များ

Wuj Richin ri Chojmirisabelri'il 6:25

tubij chire ri Aarón y chike ri e ruk'ajol ri rubanik ri kamelabel richin nikuyutej ri mak. Re sipanik re' kan ch'aron xaxe chuwe yin, y roma ri' toq nisuj ri sipanik ri', kan niqupix k'a ri ruqul ri chikop ri akuchi yekamisex-wi ri chikopi' richin kamelabel ri kan yeporox jumul.

Wuj Richin ri Chojmirisabelri'il 2:11

Ronojel ri sipanik ri nisuj chuwe yin banon rik'in ri jalajoj ruwech ixin richin niporox man jun ch'amilej-q'or k'o ta rik'in, ni ta ri kab ri nikiya' taq chikopi'.

Wuj Richin ri Chojmirisabelri'il 2:3

Y ri nik'oje' kan chire ri sipanik ri man xporox ta, xtok kichin ri e sacerdote. Y re' kan jun sipanik ch'aron roma xelesex-el juba' chire richin xporox chinuwech yin.

Wuj Richin ri Chojmirisabelri'il 7:1

Y jare' ri ruchojmilal ri kamelabel ri k'o chi nibe pa ruwi' ri ruk'exel ri sachineq; y re' kan ch'aron xaxe chuwe yin.

Wuj Richin ri Chojmirisabelri'il 6:29

Re jun kamelabel re' kan janila rejqalen, y kan xaxe ri sacerdote y ri achi'a' ri e kach'alal-ki' ri utz yetijo.

1 Pedro 2:22

Rija' kan man jun bey xmakun, ni man jun bey xeruq'ol ri winaqi'.

Wuj Richin ri Chojmirisabelri'il 7:6

Re jun kamelabel re' kan janila rejqalen, y roma ri' xaxe ri sacerdote y ri achi'a' ri e kach'alal-ki' ri utz yetijo.

Ex 40:10

Xtaya' chuqa' aceite pa ruwi' ri porobel richin niporox chikop y ronojel ri samajibel ri yek'atzin chire. Keri' kan xtajech k'a chuwe yin y xtok ch'ajch'oj.

Ex 29:37

Chi wuqu' q'ij k'a xtaporoj ri kamelabel ri', richin keri' ri porobel kan xtok k'a wichin yin. Y roma ri' toq re porobel re' nutun ta apo ri' rik'in xabachike, kan nuben chire chi chuqa' nok richin ri Dios.

Wuj Richin ri Chojmirisabelri'il 6:26

Jak'a ri sacerdote ri nisamajin ri porobel, utz nuk'en ti'ij chire ri sipanik ri' richin nutej. Y re' xtutej ri akuchi cha'on-wi chire ri ruwa-jay richin ri wachoch.

Wuj Richin ri Chojmirisabelri'il 7:7

Kan achi'el k'a ruchojmilal ri jujun chike ri kamelabel ri nisuj richin kuyubel-mak, kan keri' chuqa' ri ruchojmilal ri kamelabel ri nisuj roma jun ch'a'oj. Ri ruch'akul ri chikop ri nisuj pa ruwi' ri porobel kan nok k'a richin ri sacerdote ri nisuju-apo ri kamelabel.

Wuj Richin ri Chojmirisabelri'il 10:16

K'ari' ri Moisés xuk'utuj achike kibanon chire ri achij tzuntzun ri richin kamelabel richin kuyubel-mak, y xretamaj k'a chi xa xporox yan ronojel y roma ri' janila k'a xyakatej royowal chikij ri Eleazar y ri Itamar y xubij k'a chike: