Wuj Richin ri Chojmirisabelri'il 5:6 - Kaqchiquel Bible

⁶ Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Wuj Richin ri Chojmirisabelri'il 5:6 ပူးပေါင်းရင်းမြစ်များ

Ez 40:39

Y toq yatel-pe pa ruwa-jay y choj yabe pa jay richin nok pa corredor, chiri' k'o kaji' mesa y kaka' pa taq ruxikin. Y chuwech ri' nikichojmirisaj-wi ri jalajoj kiwech kamelabel.

Ez 42:13

K'ari' ri achin xubij chuwe chi ri jay ri ek'o pa xaman y ri ek'o pa xokon chire ri ruwa-jay ri k'o chuwech ri rachoch ri Dios, re' kan e ch'aron kichin ri sacerdote. Kan chiri' xtikitej-wi ri sipanik ri ch'aron chire ri Jehová, nel chi tzij ri sipanik ri jalajoj ruwech ixin, ri kamelabel richin kuyubel-mak y ri kamelabel richin ch'a'oj, roma re jay re' kan e ch'aron chire rija'.

Ez 44:27

Y ri q'ij toq nok chik apo ri pa ruwa-jay ri k'o chunaqaj ri wachoch richin chi nuben chik ri nusamaj, pa nabey k'o chi nusuj jun kamelabel richin kuyubel-mak.

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Chojmirisabelri'il 4:28

toq xunabej chi kan makuwineq k'o chi nuk'uaj-apo chinuwech jun ixoq tzuntzun, ri kan tz'aqet.

Wuj Richin ri Chojmirisabelri'il 4:31

Chuqa' nrelesaj ronojel ri ruq'anal richin ri chikop achi'el niban chire ri chikop ri nisuj richin nijunamatej-ruwech wik'in, y xtuporoj pa ruwi' ri porobel ri kan nijubulin chinuwech yin. Keri' ri sacerdote xtusuj ri kamelabel richin nikuyutej rumak ri wineq ri', y k'ari' nink'en chik ruwech.

Wuj Richin ri Chojmirisabelri'il 4:32

Wi ri wineq ri' nuk'en-pe jun karne'l richin kuyubel-mak, k'o chi nuk'en-pe jun ixoq karne'l ri kan tz'aqet.

Wuj Richin ri Chojmirisabelri'il 4:35

Chuqa' nrelesaj ronojel ri ruq'anal ri karne'l achi'el niban chire ri karne'l ri nisuj richin nuq'alajirisaj chi nijunamatej-ruwech wik'in, y xtuporoj pa ruwi' ri porobel. Keri' ri sacerdote xtusuj ri kamelabel richin nikuyutej rumak ri wineq ri', y kan xtikuyutej k'a; y k'ari' nink'en chik ruwech.

Wuj Richin ri Q'axanri'il 6:12

Y k'o chi nuchop chik jun bey ri janipe' q'ij ri rusujun chi nujech-ri' chuwe yin y chuqa' k'o chi nuk'en-pe jun alaj karne'l richin chi nok kamelabel richin nikuyutej rumak. Ri q'ij ri rubanon chik pe richin rujachon-ri' chuwe yin man jun xuq'ajuj roma xa xok man ch'ajch'oj ta.