Wuj Richin ri Chojmirisabelri'il 5:15 - Kaqchiquel Bible

^15-16 Wi k'o jun chiwe rix ri xtumestaj ta chi k'o chi nuya' jun sipanik chuwe yin, y toq xtunabej chi xa xmestan, xtuk'en k'a pe jun achij karne'l o jun achij tzuntzun e tz'aqet, richin nok ruk'exel ri mestan. Y keri' ri rubanik richin xtitoj ri sipanik ri xtimestex. Y chiri' xtikiya' k'a jun rajel ri chikop richin ruk'exel. Y pa ruwi' ri chikop ri nuya', k'o chik chi nuya' juba' méro ri ruk'exewach ri ro' chire ri rajel ri xtz'et chirij ri chikop. Y re méro re' xtujech k'a pa ruq'a' ri sacerdote. Y ri chiri' pa wachoch, chiri' k'o-wi ri qitzij etabel richin ri k'o chi nutoj kan. K'ari' ri sacerdote xtusuj ri chikop richin jun kamelabel roma ri ch'a'oj ri'. Y kan xtikuyutej k'a ri rumak, y nink'en chik ruwech ri wineq.

Wuj Richin ri Chojmirisabelri'il 5:15 ပူးပေါင်းရင်းမြစ်များ

2 Rey 12:16

Jak'a ri méro ri xkik'en-pe roma ri kimak y richin nikuyutej kimak, man xkik'uaj ta apo chiri' roma kan nok kan kichin ri e sacerdote.

Ex 30:13

Jak'a méro re' ri k'o chi nikiya' chikijujunal ri xke'ajlex; k'o chi niya' richin sipanik, jubama nik'aj onza saqipueq richin rutojbal ri kik'aslen chuwe yin. Y ri etabel richin ri sipanik achi'el ri etabel ri nikusex chupan ri jay wichin yin.

Ez 40:39

Y toq yatel-pe pa ruwa-jay y choj yabe pa jay richin nok pa corredor, chiri' k'o kaji' mesa y kaka' pa taq ruxikin. Y chuwech ri' nikichojmirisaj-wi ri jalajoj kiwech kamelabel.

Wuj Richin ri Chojmirisabelri'il 1:10

Wi ta nuk'en-pe jun karne'l o jun tzuntzun, k'o chi achij ri kan tz'aqet.

Wuj Richin ri Chojmirisabelri'il 1:3

Wi k'o ta jun wineq ri nusuj jun wákix richin niporox chijun, k'o chi jun achij ri kan tz'aqet, y k'o chi xtusuj chiri' chuchi' ri wachoch,

Wuj Richin ri Chojmirisabelri'il 14:12

K'ari' ri sacerdote nuk'en-pe jun chike ri achija' karne'l richin kamelabel richin nikuyutej rumak roma jun ch'a'oj, junan rik'in ri aceite; xtuyakala-q'anej richin jun sipanik yakon chinuwech.

Wuj Richin ri Chojmirisabelri'il 27:3

Wi jun achin ri najowex nikol-el y ri achin ri' k'o chik juwineq rujuna' y man jani titz'aqet oxk'al rujuna', rija' xtutoj juwineq onza saqipueq;

Wuj Richin ri Chojmirisabelri'il 4:2

tubij chike ri ruwinaq chi wi k'o ta jun wineq ri nuq'ej ruwi' ri pixa' richin jantape' y man ruch'obon ta richin keri' nuben; kan kere' k'a ri xtuben:

Wuj Richin ri Chojmirisabelri'il 5:14

Ri Jehová xch'on chik jun bey rik'in ri Moisés y xubij:

Wuj Richin ri Chojmirisabelri'il 5:18

Y roma ri' k'o chi nuk'en-pe jun achij karne'l o jun achij tzuntzun y kan e tz'aqet ri chikopi' richin kamelabel roma ri ch'a'oj. Y chiri' xtikiya' k'a jun rajel ri chikop, kan achi'el ri qitzij etabel ri k'o chiri' pa wachoch. Y ri sacerdote xtusuj k'a ri chikop richin kamelabel richin xtikuyutej ri rumak ri wineq ri', y keri' nink'en chik ruwech.

Wuj Richin ri Chojmirisabelri'il 7:1

Y jare' ri ruchojmilal ri kamelabel ri k'o chi nibe pa ruwi' ri ruk'exel ri sachineq; y re' kan ch'aron xaxe chuwe yin.

Wuj Richin ri Chojmirisabelri'il 7:6

Re jun kamelabel re' kan janila rejqalen, y roma ri' xaxe ri sacerdote y ri achi'a' ri e kach'alal-ki' ri utz yetijo.

Wuj Richin ri Q'axanri'il 15:24

Y wi kan qitzij chi rix imestan ri pixa' ri' y kan chi'iwonojel rix man iwetaman ta chi mak ri xiben, kan k'o k'a chi nisuj jun nima-alaj achij wákix richin jun sipanik ri niporox chijun. Y re' kan xtijubulin k'a chinuwech. Y kan k'atzinel chi rik'in ri sipanik ri', niya' ri sipanik richin k'ej y ri vino achi'el nubij chupan ri ruchojmilal. Chuqa' k'o chi nisuj jun achij tzuntzun richin nikuyutej ri imak.

Wuj Richin ri Q'axanri'il 5:5

Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij:

Wuj Richin ri Q'axanri'il 5:8

Jak'a wi ri wineq ri achoq chire xban-wi ri ch'a'oj xa xken y man jun ach'alalri'il ri achoq chire ta niya-wi ri ruk'exel, ronojel re' xtok wichin yin y pa ruwi' re' k'o chi nuya-pe ri karne'l richin nink'en chik ruwech. Ronojel re' nukusaj-qa ri sacerdote.

Deut 12:26

Jak'a ronojel sipanik ri ich'aron chire ri Jehová, re' kan xtik'uaj k'a el ri akuchi rucha'on-wi rija'.

1 Sam 6:3

Y rije' xkibij: Wi niteq-el ri káxa richin ri rujikibel-tzij ri Dios kichin ri aj-Israel, k'o chi niya' jun sipanik chire richin nitoj ri kuyubel-mak chire ri Dios. K'ari' xkixbek'achoj y xtibeq'ax chiwech achike roma ya'on re jun q'axo'n re' pan iwi', xecha'.