Wuj Richin ri Chojmirisabelri'il 4:32 - Kaqchiquel Bible

³² Wi ri wineq ri' nuk'en-pe jun karne'l richin kuyubel-mak, k'o chi nuk'en-pe jun ixoq karne'l ri kan tz'aqet.

Wuj Richin ri Chojmirisabelri'il 4:32 ပူးပေါင်းရင်းမြစ်များ

Wuj Richin ri Chojmirisabelri'il 4:28

toq xunabej chi kan makuwineq k'o chi nuk'uaj-apo chinuwech jun ixoq tzuntzun, ri kan tz'aqet.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

1 Pedro 2:22

Rija' kan man jun bey xmakun, ni man jun bey xeruq'ol ri winaqi'.

Apocalipsis 5:6

Y k'ari' yin xintz'et chi chiri' chunaqaj ri tz'uyubel richin q'atbel-tzij, ri sutin-kij koma ri kaji' ri k'o kik'aslen y chikikojol ri achi'a' ri k'o kiq'ij, pa'el jun achi'el Karne'l ri kan xkamisex y wakami k'es. K'o wuqu' ruk'a' y wuqu' runaq'-ruwech, ri nuk'exewachuj ri wuqu' Espíritu richin ri Dios ri e taqon chuwech ri ruwach'ulew.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

San Juan 1:36

Jari' k'a toq rija' xutz'et chi ri Jesús niq'ax-el ri keri'. Rija' xubij k'a: Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel, xcha'.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Wuj Richin ri Isaías 53:7

Rija' kan janila xtz'ilox, y kan janila xpoqonatej, jak'a kan man jun ri xubij. Xkik'uaj-el pa kamik, achi'el jun karne'l toq niyuqex-el richin nibekamisex, jak'a man xsik'in ta, ni man jun xubij, achi'el jun karne'l toq nuk'uex-el richin nisokex ri rusumal.

Wuj Richin ri Chojmirisabelri'il 5:6

Y richin chi nikuyutej ri rumak roma jun ch'a'oj ri xuben, xtuk'en k'a pe jun ixoq karne'l o jun ixoq tzuntzun richin kamelabel richin nikuyutej rumak. Ri sacerdote xtusuj re kamelabel re' chinuwech, y k'ari' nink'en chik ruwech ri wineq ri'.

Ex 12:5

Ri ti chikop ri' k'o chi jun rujuna', achij y kan tz'aqet ri rubanik; xabachike k'a ri utz nikusaj, wi jun ti karne'l o jun ti tzuntzun.

Ex 12:3

Chuqa' tabij re jun ruchojmilal re' chike konojel ri iwinaq israelita: Chupan ri q'ij lajuj chire re ik' re', chikijujunal chike ri achi'a' tikicha' chikikojol ri kawej jun ti alaj achij karne'l richin junan nikitej kik'in ri aj pa kachoch.

Wuj Richin ri Chojmirisabelri'il 1:3

Wi k'o ta jun wineq ri nusuj jun wákix richin niporox chijun, k'o chi jun achij ri kan tz'aqet, y k'o chi xtusuj chiri' chuchi' ri wachoch,