Wuj Richin ri Chojmirisabelri'il 4:12 - Kaqchiquel Bible

¹² Ronojel ri nik'oje' kan chire ri wákix, nrelesaj-el chirij ri akuchi ek'o-wi-qa, ri akuchi cha'on-wi richin niya'ox ri chaj, y chiri' xtuporoj-wi.

Wuj Richin ri Chojmirisabelri'il 4:12 ပူးပေါင်းရင်းမြစ်များ

Ex 29:14

Jak'a ri ruch'akul, ri rusale'y y ri rutz'ilol rupan ri chikop, xtabeporoj kan k'a chuchi-el ri akuchi ixk'o-wi-qa. Keri' rubanik xtaben chire roma re' jun kamelabel richin nikuyutej ri mak.

Ez 43:21

Xeri' xtak'uaj-el ri ruch'akul ri wákix ri richin kuyubel-mak chuwa-jay richin ri wachoch akuchi ch'aron-wi richin niporox.

Wuj Richin ri Chojmirisabelri'il 13:46

Y rokik k'a xtik'oje' ri yabil ri' chikij ri winaqi' ri', man k'a e ch'ajch'oj ta; k'o chi yek'oje' kiyon y nej chire ri akuchi ek'o-wi-qa.

Wuj Richin ri Chojmirisabelri'il 16:27

Y ri ti'ij, ri kitz'umal y ri kipan ri wákix y ri tzuntzun, ri xukusex ri kikik'el richin ri kuyubel-mak, k'o chi nuk'uex k'a chirij-el ri akuchi ek'o-wi-qa ri winaqi' y chiri' niporox-wi richin xukusex akuchi k'o-wi ri káxa, richin chi nink'en chik kiwech.

Wuj Richin ri Chojmirisabelri'il 4:21

Y ri nik'oje' kan chire ri wákix nrelesaj-el chirij ri akuchi ek'o-wi-qa, y chiri' xtikiporoj achi'el ri kiporon nabey. Rik'in ri' xtikuyutej ri kimak ri tinamit.

Wuj Richin ri Chojmirisabelri'il 6:23

Ri sipanik richin jalajoj ruwech ixin, ri kan richin jun sacerdote, ri nusuj chuwe yin, kan xkeruporoj jumul y man jun xketijo, xcha' ri Jehová.

Wuj Richin ri Chojmirisabelri'il 6:30

Jak'a ri kamelabel richin kuyubel-mak ri kan nuk'uex-apo ri rukik'el ri pa wachoch, ri richin nink'en chik ruwech ri wineq, re ti'ij re' man jun xtitijo, xa kan xtiporox k'a ronojel.

Wuj Richin ri Chojmirisabelri'il 6:4

Wi ta k'o jun wineq nuben jun chike re mak re', k'o chi nutzolij ri ruk'amon-qa.

Wuj Richin ri Chojmirisabelri'il 8:17

Ronojel ri xk'oje' kan chire ri nima-alaj achij wákix, ri rutz'umal, ri ruch'akul y chuqa' ri nupamaj, xuporoj k'a chirij-el ri akuchi ek'o-wi-qa, kan achi'el ri rubin ri Jehová chire chi tubana'.

Wuj Richin ri Chojmirisabelri'il 9:11

Y jak'a ri ti'ij y ri rutz'umal xebeporox k'a chirij-el ri akuchi ek'o-wi-qa.

Wuj Richin ri Q'axanri'il 15:35

Y ri Jehová xch'on k'a pe rik'in ri Moisés y xubij chire: Ri achin ri xilitej-pe ri nuben rusi' chupan ri q'ij richin uxlanen, tikamisex k'a chi abej koma ri winaqi' israelita, chuchi-el ri akuchi ixk'o-wi-qa, xcha' ri Jehová.

Wuj Richin ri Q'axanri'il 19:3

Y re ixoq wákix re', nijech chire ri sacerdote Eleazar. Y rija' nuk'uaj-el k'a chuchi' ri akuchi ixk'o-wi-qa; y ri wákix ri' kan chuwech k'a ri Eleazar xtikamisex-qa.

Wuj Richin ri Q'axanri'il 19:5

Y rokik k'a k'o na ri Eleazar chiri', niporox kan chijun ri wákix: Niporox ri rutz'umal, ri ruch'akul, ri rukik'el y chuqa' ri rupan.

Hebreos 13:11

Chuqa' ri pixa' nubij chi ri nimalej sacerdote nuk'uaj k'a ri kikik'el ri chikopi' y nok-apo ri akuchi janila loq'olej, richin nusuj. Y ri kich'akul ri chikopi' ye'elesex el chirij-el ri tinamit richin yeporox.