Wuj Richin ri Chojmirisabelri'il 3:17 - Kaqchiquel Bible

¹⁷ Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.

Wuj Richin ri Chojmirisabelri'il 3:17 ပူးပေါင်းရင်းမြစ်များ

Wuj Richin ri Rutikeribel 9:4

Y ja k'a ri ti'ij ri k'a k'o na kik' ruk'uan man titej, roma chiri' k'o-wi ri k'aslen.

2 Crón 29:35

Y pa kiwi' chik ri chikopi' richin yeporox chijun, chuqa' k'o pa ruk'iyal ri kiq'anal chikopi' richin ri sipanik ri nuq'alajirisaj chi junan kiwech rik'in ri Jehová, y chuqa' ri sipanik richin vino ri xya'ox chikij ri poron chikopi'. Kan keri' k'a xbanatej toq xtikeribex chik el jun bey ri rusamajixik ri Jehová richin niya'ox ruq'ij pa rachoch.

Wuj Richin ri Nehemías 8:10

Y xeri' yin xinbij chike: Kixbiyin y tibetija' ti'ij y tibequmu' vino y tisipaj juba' chike ri man jun k'o kik'in richin nikitej, roma re q'ij re' kan ch'aron chire ri Jehová. Man jun tibison, xa kan kixkikot k'a chi'iwonojel, roma ri kikoten ri nuya' ri Jehová jari' ri quchuq'a', xicha'.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Ez 33:25

Jak'a yin ninbij chi rije' nikitej ti'ij ri k'a ruk'uan na kik', nikiya' kiq'ij wachibel y yekamisan. Man rik'in ri' nikajo' richin nok kan kichin ri ruwach'ulew ri'.

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Ez 44:7

Rix niben chire ri wachoch chi maneq rejqalen. Chuqa' niya' q'ij chike ri man e iwinaq ta richin ye'ok-apo chupan ri wachoch, winaqi' ri maneq ketal richin ri nujikibel-tzij ri nubanon iwik'in y ni ta k'o ketal pa taq kánima richin niq'alajin chi e wichin yin. Xiben chire chi maneq rejqalen ri wachoch, roma xisuj q'en y kik' kichin ri kamelabel chiri'. Chuqa' xixolq'otij ruwi' ri nujikibel-tzij ri nubanon iwik'in, roma xiben itzel taq banobel ri kan man utz ta nintz'et yin.

Wuj Richin ri Chojmirisabelri'il 10:15

K'o chi xke'ik'en-pe ri tzan-racheq y ri ruwa-ruk'u'x ri chikop toq niporoj ri q'en, richin jun sipanik chuwech ri Dios. Re' kan xtok awichin rat y kichin ri awalk'ual. Y jare' ri pixa' ri ruya'on ri Dios, xcha'.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

Wuj Richin ri Chojmirisabelri'il 16:29

Jak'a ruchojmilal re' ri xinya' chiwe richin jantape' niben y xtiben chupan ri q'ij lajuj chire ri ik' wuqu'. Chupan ri q'ij ri' man k'a yixsamej ta, nichajij-iwi' y man k'a yixwa' ta, roma ri q'ij ri' kan janila rejqalen, keri' niben rix y keri' chuqa' ri man e iwinaq ta ri ek'o chi'ikojol.

Wuj Richin ri Chojmirisabelri'il 16:34

Jare' k'a ri ninya' chiwe rix re wakami y nok k'a jun ruchojmilal richin q'asen. Kan xtisuj k'a jun kamelabel jun bey pa jun juna' roma ri imak, richin nink'en chik iwech, xcha' ri Jehová chire ri Moisés. Y ri Moisés kan xuben k'a achi'el ri xubij ri Jehová chire.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Wuj Richin ri Chojmirisabelri'il 19:26

Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz.

Wuj Richin ri Chojmirisabelri'il 23:14

Pa nabey, k'o chi nisuj ri sipanik ri', y k'ari' utz niben kaxlan-wey chire o niwotz'otz'ij pa q'aq' richin nitej. Chuqa' utz nitej choj keri' toq isujun chik ri q'etaj. Re ruchojmilal re' kan jun pixa' richin jantape' ri nuya'on chiwe rix, y xabakuchi ta ixk'o-wi.

Wuj Richin ri Chojmirisabelri'il 23:21

Chupan k'a ri q'ij ri', rix kan xtiben k'a jun nimaq'ij richin niya' nuq'ij y kan man xtiben ta k'a samaj achi'el nikiben ri samajela' ri e yuqul pa samaj, re' kan jun pixa' ri nuya'on chiwe richin q'asen, kan xtikiben ri iwijatzul xabakuchi ek'o-wi.

Wuj Richin ri Chojmirisabelri'il 24:3

Ri Aarón y ri nimalej sacerdote ri xtik'oje' kan pa ruk'exel, ja rije' ri xkechojmirisan ri candil richin chijun aq'a' yek'at chinuwech yin chupan ri wachoch ri juk'an-pe chire ri tasbel rupan ri jay. Re' kan jun pixa' ri nuya'on chiwe rix richin q'asen y chike ri iwijatzul.

Wuj Richin ri Chojmirisabelri'il 24:9

Re kaxlan-wey re' xtok kichin ri Aarón y ri rijatzul roma re' kan jun sipanik poron ri ch'aron chuwe. Y k'o chi nitej ri akuchi cha'on-wi. Y re' kan jun ruchojmilal chiwe rix tibe-q'ij tibe-seq.

Wuj Richin ri Chojmirisabelri'il 3:16

Y ri sacerdote xtuporoj ronojel re' pa ruwi' ri porobel, y re' kan nijubulin chinuwech: Ri sipanik ri' xtisuj chinuwech yin achi'el jun q'utun. Ronojel q'en kan wichin yin.

Wuj Richin ri Chojmirisabelri'il 4:1

Ri Jehová xch'on chik k'a rik'in ri Moisés y xubij chi

Wuj Richin ri Chojmirisabelri'il 6:15

Y k'ari' xtuchop jun moq' chire ri k'ej ri xolon aceite rik'in y ri jun chuyaj pom ri k'o pa ruwi' ri k'ej. K'ari' nuporoj pa ruwi' ri porobel; jari' ri retal richin ronojel. Y re' jun sipanik poron richin nijubulin chinuwech yin Jehová.

Wuj Richin ri Chojmirisabelri'il 6:18

Konojel k'a ri achi'a' ri e rijatzul ri Aarón kan utz xtikitej, y xaxe rije' k'o kiq'a' chire. Y xabachike k'a ri xtichapo, kan k'o k'a ri nuk'en-pe chire. Y re' kan jun pixa' richin jantape' ri ninya' kan chiwe, xcha' ri Jehová.

Wuj Richin ri Chojmirisabelri'il 6:22

Ronojel ri sipanik ri' kan xtiporox k'a. Kere' k'a xtuben ri achin ri xtok nimalej sacerdote pa ruk'exel ri Aarón. Re' kan jun pixa' ri ninya' chire ri tinamit, richin xtikiben ri e rijatzul ri Aarón richin jantape'.

Wuj Richin ri Chojmirisabelri'il 7:23

tubij chike ri ruwinaq: Man titej ri ruq'anal ri wákix, ni ruq'anal ri karne'l y ni ri ruq'anal ri tzuntzun.

Wuj Richin ri Chojmirisabelri'il 7:34

Ri ra' ri nik'en-pe chire ri sacerdote y ri ruwa-ruk'u'x ri nisiloj chinuwech, ri ti'ij ri' ri nubin chik chi ninya' chike ri Aarón y ri e ruk'ajol. Re' kan nok k'a pixa' richin jantape' pa ruwi' ri tinamit, xcha' ri Dios.

Wuj Richin ri Chojmirisabelri'il 7:36

Chupan ri q'ij ri' ri Jehová xuya' ri pixa' ri' pa kiwi' ri qawinaq, y xubij k'a chike ri kan k'o chi nikiya' chike ri sacerdote richin yekito', chi kan keri' tikibana-apo ri winaqi' ri chi sol chi sol ri yebe-apo.

Wuj Richin ri Q'axanri'il 19:21

Re' kan xtok k'a jun ruchojmilal richin jantape' chiwe rix. Y ri nichikan ri ya' richin ch'ajch'ojirisanik k'o chi nuch'ej chuqa' ri rutziaq. Y xabachike ri xtichapo ri ya' ri' kan xtok man ch'ajch'oj ta k'a toq xtok na qa ri aq'a'.

San Mateo 16:24

K'ari' xubij k'a chike konojel ri rutijoxela': Wi k'o jun nrajo' nitzeqeliben wichin, tuqasaj-ri', man tupoqonaj-ri' richin nuk'owisaj tijoj-poqonal y kirutzeqelibej.

San Mateo 26:28

Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o'. Y ri nukik'el xtibiyin iwoma rix, richin nikuyutej ri imak.

Hechos 15:29

chi man yekitej ri xa man utz ta richin nitij roma ya'on chik chikiwech ch'aqa' chik dios. Man chuqa' tikitej ti'ij kichin ri chikopi' ri xejiq', ni man k'a chuqa' tikitej kik'. Chuqa' ri winaqi' e k'ulan man tikikanola-ki' richin yemakun. Wi ronojel k'a re' xtinimaj, utz k'a xkixbiyin. Dios k'a xtichajin iwichin, xecha-el.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

Deut 12:16

Jak'a ri kik' man titej, xa kan titixa-el pan ulew achi'el niben rik'in ri ya'.

Deut 12:23

Jak'a man titej ri kik' roma jari' ri kik'aslen ri chikopi'; roma ri' man titej ri ti'ij ri k'a ruk'uan na kik',

Deut 12:24

xa kan titixa' k'a el pan ulew achi'el niben rik'in ri ya'.

Deut 15:23

Xaxe k'a man titej ri rukik'el ri ti chikop ri', xa kan titixa' pan ulew achi'el nitix ri ya'.

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.

1 Timoteo 4:4

Ronojel ri ruk'iytisan ri Dios, kan e utz wi, roma ri' man jun tibin chi k'o ri man ta utz richin yetij. Xaxe nik'atzin chi nimatioxix chire ri Dios ronojel.