Wuj Richin ri Chojmirisabelri'il 27:34 - Kaqchiquel Bible

³⁴ Ja ronojel k'a pixa' re' ri xuya' ri Jehová chire ri Moisés ri chiri' pa ruwi' ri Sinaí, richin chi kan tikitaqej ri ruwinaq, ri e rijatzul kan ri Israel.

Wuj Richin ri Chojmirisabelri'il 27:34 ပူးပေါင်းရင်းမြစ်များ

Wuj Richin ri Chojmirisabelri'il 26:46

Ja k'a ronojel ruwech pixa' re' ri xuya' ri Jehová chire ri Moisés richin xuya' chike ri ruwinaq israelita ri chiri' pa ruwi' ri juyu' Sinaí.

Wuj Richin ri Chojmirisabelri'il 7:38

Jare' ri ruchojmilal ri xuya' ri Jehová chire ri Moisés pa ruwi' ri juyu' Sinaí pa tz'iran ruwach'ulew, ri q'ij toq ri Moisés xuya' ri pixa' chike ri ruwinaq israelita richin tikik'uaj-apo ri kisipanik chire ri Jehová.

Wuj Richin ri Q'axanri'il 1:1

Ri e rijatzul kan ri Israel xe'el-pe chiri' pa ruwach'ulew Egipto y xe'apon pa tz'iran ruwach'ulew rubini'an Sinaí. Y chupan ri nabey q'ij richin ri ruka'n ik' chire ri ruka'n juna' ri ke'el-pe pan Egipto, jari' toq xch'on-pe ri Jehová chupan ri rachoch richin molojri'il y xubij chire ri Moisés:

Wuj Richin ri Q'axanri'il 28:6

Re' kan jantape' k'a xtiporoj chinuwech, achi'el xsuj ri chiri' pa ruwi' ri juyu' Sinaí richin xjubulin chinuwech yin Jehová.

Wuj Richin ri Q'axanri'il 3:1

Jare' k'a ri rucholajen ri kijatzul ri Aarón y ri Moisés toq ri Jehová xch'on rik'in ri Moisés, pa ruwi' ri juyu' rubini'an Sinaí.

Wuj Richin ri Q'axanri'il 36:13

Jare' ri ruchojmilal ri xuya' ri Jehová chire ri Moisés, richin tubij chike ri ruwinaq pa taq'aj richin ri Moab chuchi' ri raqen-ya' Jordán chuwech-pe ri tinamit Jericó.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Deut 1:3

Y chupan k'a ri kawineq juna' richin ke'el-pe ri israelita pan Egipto, chupan ri nabey q'ij chire ri ik' julajuj, jari' toq ri Moisés xch'on kik'in ri ruwinaq y xukamuluj ronojel achi'el ri rubin ri Jehová richin nikiben.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Deut 4:45

Ri pixa' richin ruchojmilal, ri pixa' ri ya'on chire ri tinamit, ri pixa' ri richin re q'ij re', y ri xubij ri Moisés chike ri israelita toq xe'el-pe pan Egipto.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.