Wuj Richin ri Chojmirisabelri'il 27:28 - Kaqchiquel Bible

²⁸ Jak'a ek'o ri kan e jachon chik chuwe yin, ri kan man jun xtitikir xtikolon ni ta xtik'ayin kichin, wi ta wineq, chikop, o ulew; kan ronojel wi k'a ri e jachon chik chuwe yin kan pa nuq'a' k'a yin ek'o-wi.

Wuj Richin ri Chojmirisabelri'il 27:28 ပူးပေါင်းရင်းမြစ်များ

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Wuj Richin ri Chojmirisabelri'il 27:21

Y roma ri' kan maneq chik k'a banel, chi toq napon ri juna' ri', kan xtok wi kan wichin yin Jehová, ri ulew ri', y ri sacerdote kan xke'ichinan-wi wik'in yin.

Deut 25:19

Roma ri' toq ri Jehová ri qa-Dios xtuya' uxlanen chiwe pa kiq'a' ri e etzelanel qichin ri ek'o chupan ri ruwach'ulew ri xtuya' chiwe richin xtiwichinaj kan, jari' toq xtiyoj jumul ri rubi' ri Amalec chuwech ri ruwach'ulew. Man k'a timestaj chi k'o chi keri' niben.

1 Sam 15:18

Ri Jehová xaruteq richin naben re jun samaj re' y xubij chawe chi kabiyin, tabana' oyowal kik'in ri amalecita y ke'ak'isa' kan jumul, xcha' chawe.

Wuj Richin ri Josúe 7:1

K'o k'a jun achin rubini'an Acán ruk'ajol ri Carmí, rumam kan ri Zabdí, ruxikin rumam kan ri achin rubini'an Zérah, richin ri tzobaj Judá. Ri Acán man xunimaj ta tzij y xuk'en-pe juba' chire ri kan banon chire richin nik'is jumul. Y roma ri' ri Jehová xyakatej royowal chikij konojel ri e rijatzul kan ri Israel.

Wuj Richin ri Josúe 6:26

Chupan k'a ri q'ij ri' ri Josué xuben k'a jun ya'on-tzij y xubij: Wi k'o ta jun achin ri xtuyek chik q'anej re tinamit Jericó, kan itzel k'a ruwa-ruq'ij, roma toq xtuya-qa ri ruxe' ri tz'aq, jari' toq xtiken ri nabey ruk'ajol; y toq xtuya' ri ruchi' ri tz'aq, jari' toq xtiken ri ruk'isibel ruk'ajol, xcha' ri Josué.

Wuj Richin ri Q'axanri'il 18:14

Ronojel k'a ri nikiya' ri awinaq ri kan ch'aron chuwe yin, kan xtok chuqa' awichin rat.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

1 Corintios 16:22

Y wi k'o jun ri man najowan ta richin ri ajaw Jesucristo, tiqaqa k'a itzel oyonik pa ruwi'. ¡Kan katanpe k'a, ajaw!

Romanos 9:3

Yin kan ninya-wi' richin yinelesex-el rik'in ri Cristo y niqa' ruk'ayewal pa nuwi' richin ta yento'.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

Wuj Kichin ri To'onela' 21:18

Jak'a roj man yojtikir ta niqaya' ri qami'al chike richin ye'ok kixjayilal, roma kan qabanon jun jikibel-tzij richin man yeqaya' ta ri qami'al chike ri aj-Benjamín y kere' qabin: Itzel xtiqaqa pa ruwi' ri xtiya'on rumi'al chike ri aj-Benjamín, xojcha'.

Wuj Kichin ri To'onela' 21:11

jak'a ri xtani' man yekikamisaj ta kan. Konojel k'a ri achi'a' y ri ixoqi' ri e k'ulan chik k'o chi yekikamisaj kan.

Wuj Kichin ri To'onela' 21:5

y xkibij k'a chikiwech rije': ¿K'o kami tinamit kichin ri tzobaj richin Israel, ri man xepe ta richin ri molojri'il chuwech ri Jehová wawe' pa Mispá?, xecha'. Kere' xkibij roma chupan ri nabey molojri'il kan kiya'on kitzij chi kan xkekamisex ri man xkepe ta chuwech ri Jehová.

Wuj Richin ri Josúe 7:25

Y chiri' ri Josué xubij chire ri Acán: ¿Achike roma xaya' re ruk'ayewal re' pa qawi'? Ri Jehová xtuya' k'a ruk'ayewal pan awi' rat re q'ij re', xcha'. Keri' k'a konojel ri e rijatzul ri Israel xekik'eq chi abej, y toq xekikamisaj yan chi abej, xekiporoj.

Wuj Richin ri Chojmirisabelri'il 27:27

Y wi xa jun nabey al achij chike ri chikopi' ri man e utz ta richin kamelabel, k'o chi nik'ayix rik'in ri rajel ri nuch'ob ri sacerdote, ri janipe' saqipueq ri nrejqalej. Y wi xa ja ri rajaw ri niloq'on chik el k'o chi nuya' chik q'anej jun ro' chire ri rajel, y wi rija' xa man nrajo' ta, xtik'ayix-el rik'in ri rajel ri rubin chik ri sacerdote.

Wuj Richin ri Chojmirisabelri'il 27:29

Y chuqa' ri wineq ri kan ch'aron chik richin napon pa kamik, kan man jun xtikolon richin, kan k'o k'a chi napon na chupan ri kamik.

Deut 7:26

Roma ri' man jun tik'uaj pan iwachoch ri man niqa' ta chuwech ri Dios, richin chi man yixk'is. Kan tiwetzelaj k'a ronojel re', roma ri Dios rubin kan chi xa nik'is jumul.

Ez 44:29

Utz nikitej ri jalajoj ruwech ixin ri nisuj chuwe y chuqa' ri chikop richin ri kamelabel richin kuyubel-mak. Y ronojel ri nijech chuwe kan xtok k'a kichin rije'.

Ez 48:14

Re ulew re' ja re' ri más utz chupan chijun ri ruwach'ulew Israel. Man tik'ayix juba' chire ri ulew o xtijal o xa xtiq'ax ta pa ruq'a' jun chik wineq, roma re ulew re' kan jachon chuwe yin Jehová.

Wuj Richin ri Chojmirisabelri'il 21:22

Jak'a rije' utz nikitej ronojel sipanik ri e poron: ri sipanik ri nalex-pe pan iwánima ri nisuj chuwe yin, y ri kamelabel richin mak ri kan xaxe chuwe yin ch'aron-wi.

2 Crón 31:14

Ri jun levita rubini'an Coré ruk'ajol ri Imná, ja rija' ri nichajin ri ruchi' ri k'o pa relebel-q'ij chire ri ruwa-jay richin ri rachoch ri Dios. Ja rija' ri xya'ox kan richin nuk'ul chikiwech ri winaqi' ri janipe' nalex-pe pa kánima. Y chuqa' ja rija' nik'ulun chikiwech ri winaqi' ri kan k'o chi nikiya-apo y nutaluj chik chikiwech ri e sacerdote, y chuqa' ri ch'aqa' chik ri kan e ch'aron chik chire ri Jehová.