Wuj Richin ri Chojmirisabelri'il 27:26 - Kaqchiquel Bible

²⁶ Jak'a ri nabey taq al achija' chike ri iwawej kan e wichin yin, y man ruk'amon ta chi yesuj chik chuwe yin jun bey, y ri' stape' wákix, karne'l o tzuntzun, roma ronojel re' kan e wichin chik yin.

Wuj Richin ri Chojmirisabelri'il 27:26 ပူးပေါင်းရင်းမြစ်များ

2 Rey 7:5

Y toq niq'equmer yan qa xeyakatej-el richin xebe akuchi ek'o-wi-qa ri aj-Siria. Y toq xe'apon chuchi', xkinabej chi xa man jun chik chike ri winaqi' ri' ri k'o ta kan chiri';

Wuj Richin ri Nehemías 10:36

Y keri' chuqa' ri nabey taq qak'ajol y ri nabey taq kal ri qawej, xtiqak'en-pe pa rachoch ri Dios, chikiwech ri sacerdote ri yesamej chiri', achi'el ri tz'ibatel kan chupan ri pixa'.

Ex 13:2

Kan ke'ich'ara' k'a chuwe yin konojel ri e nabey taq al alaboni' ri ye'alex chikikojol ri awinaq y kan keri' chuqa' ri nabey taq achija' ri ye'alex chikikojol ri awej, roma re' kan e wichin yin, xcha' ri Jehová.

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.

Wuj Richin ri Chojmirisabelri'il 27:27

Y wi xa jun nabey al achij chike ri chikopi' ri man e utz ta richin kamelabel, k'o chi nik'ayix rik'in ri rajel ri nuch'ob ri sacerdote, ri janipe' saqipueq ri nrejqalej. Y wi xa ja ri rajaw ri niloq'on chik el k'o chi nuya' chik q'anej jun ro' chire ri rajel, y wi rija' xa man nrajo' ta, xtik'ayix-el rik'in ri rajel ri rubin chik ri sacerdote.

Wuj Richin ri Q'axanri'il 18:17

Jak'a ri nabey taq al kichin ri wákix, ri karne'l y ri tzuntzun, re' man naya' ta q'ij richin chi yekol, roma re' kan e ch'aron richin ye'ok wichin yin. Y ja ri kikik'el ri chikopi' ri xtiya' pa ruwi' ri porobel y xtiporoj chuqa' ronojel ri kiq'anal ri chikopi' ri'. Y re' jare' jun sipanik ri nijubulin chinuwech yin.

Deut 15:19

Kan xke'ich'er k'a chire ri Jehová ri qa-Dios, ri nabey taq achija' kal ri iwawej. Man tikusaj chupan ri isamaj rix ri chikop ri', ni man tisokaj ri rusumal richin nikusaj rix.