Wuj Richin ri Chojmirisabelri'il 27:18 - Kaqchiquel Bible

¹⁸ Jak'a wi xa k'o yan chik k'a juna' tiq'ax toq xtitzolix ronojel, ri sacerdote nuch'ob k'a ri janipe' chik juna' nrajo' chi napon ri jun chik kawineq lajuj juna' y pa ruwi' ri' nrelesaj wi ri janipe' k'o chi nutoj kan ri rajaw ri ulew ri'.

Wuj Richin ri Chojmirisabelri'il 27:18 ပူးပေါင်းရင်းမြစ်များ

Wuj Richin ri Chojmirisabelri'il 25:27

Xtrajlaj k'a janipe' juna' nrajo' richin napon ri juna' toq nitzolix ronojel, richin nibeqaqa-pe ri rajel, y jari' ri xtutzolij chire ri xloq'on, y ri ulew xtok chik kan richin rija'.

Wuj Richin ri Chojmirisabelri'il 27:14

Toq k'o jun wineq nujech ri rachoch chuwe, ja ri sacerdote xtibin ri janipe' ri rajel. Stape' jotol rajel o qajineq rajel ja ri rubin ri sacerdote jari' k'o chi nitoj.

Wuj Richin ri Chojmirisabelri'il 27:17

Wi ri wineq ri' nusuj ri juba' rulew ri' toq k'ari' jun juna' tiq'ax kan toq xtzolix ronojel, ri sacerdote nuch'ob k'a ri janipe' ri k'o chi nutoj kan richin ri kawineq lajuj juna'.

Wuj Richin ri Chojmirisabelri'il 27:19

Y wi ri rajaw ri ulew nrajo' nukol yan ri ulew ri rusujun chuwe yin, k'o chi nutoj jun chik ro' chire ri saqipueq ri xutoj yan pa nabey, richin chi nitzolin chik pa ruq'a'.

Wuj Richin ri Chojmirisabelri'il 27:23

ri sacerdote kan xtuch'ob k'a janipe' saqipueq ri k'o chi nutoj ri rajaw ri ulew, roma nuk'en chirij ri janipe' juna' nrajo' richin napon toq nitzolix ronojel; ri rajaw kan xtutoj k'a ri saqipueq toq ri sacerdote kan ruch'obon chik ri janipe' k'o chi nutoj; y re saqipueq re' xtijach chuwe yin.