Wuj Richin ri Chojmirisabelri'il 26:8 - Kaqchiquel Bible

⁸ Ri e wok'al etzelanel iwichin xke'animej chikiwech e wo'o' iwinaq. Y ri e 10,000 xke'animej chikiwech e wok'al iwinaq. Konojel ri etzelanel iwichin xkeken k'a chiwech.

Wuj Richin ri Chojmirisabelri'il 26:8 ပူးပေါင်းရင်းမြစ်များ

1 Crón 11:11

Ri nabey chike ri achi'a' ri xk'oje' ruq'ij, ja ri Jasobeam, ruk'ajol ri Hacmoní. Y ri Jasobeam jun chike ri aj-raqen pa kiwi' ri aj-labal. Y k'o k'a jun q'ij chupan jun oyowal, xerukamisaj e 300 achi'a' rik'in ri rukum.

1 Crón 11:20

Ri Abisai, rach'alal ri Joab, chuqa' jun aj-raqen pa kiwi' ri aj-labal. K'o k'a jun q'ij xeruq'ijuj e 300 achi'a' rik'in ri rukum, y xerukamisaj. Keri' toq xel rutzijol chi kan k'o ruchuq'a' chikiwech ri ch'aqa' achi'a' ri maneq xibinri'il chikiwech.

Ester 9:16

Jak'a ri ch'aqa' chik winaqi' judío ri ek'o pa ronojel tinamit richin ri nima'q taq ruwach'ulew ri ek'o pa ruq'a' ri Asuero, xkimol-ki' ri q'ij oxlajuj richin xekikamisaj ri e etzelanel kichin. Y xekikamisaj k'a e 75,000 achi'a', jak'a ri beyomel kan man xkik'uaj ta. Y chupan ri q'ij kajlajuj, xe'uxlan k'a, xenimaq'ijun y kan janila xekikot.

Wuj Richin ri Chojmirisabelri'il 26:7

Xtinben k'a chike ri e etzelanel iwichin chi xke'animej chiwech y rix kan xke'ikamisaj k'a.

Wuj Richin ri Zacarías 12:8

Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Wuj Richin ri Q'axanri'il 31:4

Xke'acha' k'a el e 1,000 achi'a' pa jujun tzobaj richin ri tinamit Israel, richin chi xkebe pan oyowal, xcha'.

Deut 28:7

Ri Jehová kan xtuben chi xkerujech pan iq'a' ri e etzelanel iwichin, y xke'animej-el chiwech.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Richin ri Josúe 23:10

Roma jun achin chi'ikojol rix, ye'animej k'a e 1,000 achi'a' chuwech, roma ja ri Jehová ri qa-Dios ri nibanon oyowal pa qak'exel achi'el rubin rija'.

Wuj Kichin ri To'onela' 15:15

Y ri Sansón kan jari' xutz'et jun bur ri man jani k'iy ta q'ij kamineq; y jari' toq xujoq'-el ri baq richin ri rukaxtate',*f5* y rik'in ri' xerukamisaj e 1,000 achi'a' aj-Filistea.