Wuj Richin ri Chojmirisabelri'il 26:6 - Kaqchiquel Bible

⁶ Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Wuj Richin ri Chojmirisabelri'il 26:6 ပူးပေါင်းရင်းမြစ်များ

Wuj Richin ri Isaías 35:9

Chiri' man xkeq'ax ta koj, ni man xke'apon ta k'uxunela' taq chikopi'. Xaxe winaqi' ri e kolotajineq chik ri xkeq'ax chiri'.

Wuj Richin ri Sofonías 3:13

Ri ti juba' ri xkekolotej kan chiwe man xtikiben ta chik ri man utz ta. Man xtikitz'uk ta chik tzij. Kan man jun chik itzel ch'obonik xtikimey. Kan xkewa-xke'uk'ya' chi utzil, xke'uxlan k'a y kan man jun chik xtinaqo kichin.

Wuj Richin Bix Chire ri Dios 147:14

Ja rija' ri niya'on ri uxlanen chupan ri iruwach'ulew. Rija' nuya' pa ruk'iyal ri trigo richin yixnoj jebel.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Wuj Richin ri Hageo 2:9

Ri ruka'n rachoch kan más k'a jebel xtiban chire chuwech ri nabey. Y chupan ri jay ri', rija' xtuya' uxlanibel-k'u'x, nicha' ri Jehová ri k'o ronojel uchuq'a' pa ruq'a', xcha' ri Hageo.

Os 2:18

Roma ri nutinamit Israel, toq xtapon k'a ri q'ij ri', xtinben jun jikibel-tzij kik'in ri chikopi'; kik'in ri k'uxunela' taq chikopi', kik'in ri aj-xik' taq chikopi' y kik'in ri kumatzi'. Xtinpaba' k'a ronojel oyowalen chirij, xtinben k'a chi kan kuqul kik'u'x xkek'ase'.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Wuj Richin Bix Chire ri Dios 29:11

Nuya' uchuq'a' chire ri rutinamit, y nrurtisaj rik'in uxlanen.

Ez 14:15

Y wi ta chuqa' xkenteq-el k'uxunela' taq chikopi' richin chi yekikamisaj konojel ri winaqi' y wi ta re ruwach'ulew re' xke'ok ta kan tz'iran, ri akuchi man jun wineq najowan niq'ax roma kan ek'o k'iy k'uxunela' taq chikopi'.

Wuj Richin ri Achin Job 11:19

Xkakotz'e-qa y man jun xtaxibij ta awi' stape' ek'o ye'etzelan awichin. Y re' xtuben chike ri winaqi' chi xkatkikanoj y xtikik'utuj utzil chawe.

Ex 23:29

Jak'a xa chi jutaqba' xkek'is ri winaqi' ri' richin chi man nitole' ta kan ri ruwach'ulew jumul y keri' man xkek'iyer ta k'a pe ri k'uxunela' taq chikopi' chiwij.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

Wuj Richin ri Zacarías 9:10

Rija' kan xkeruwulaj k'a ri carruaje e richin labal richin ri Israel. Y xkeruk'is k'a ri kiej e richin labal ri ek'o pa Jerusalem. Y xkeruk'is chuqa' ri ch'ab ri yekusex pa labal. Rija' kan xtrelesaj ronojel oyowal pa taq ruwach'ulew. Rija' xtuq'et-tzij chupan chijun ruwach'ulew; xtitiker-el chuchi' jun palou, xtapon k'a chuchi' jun chik palou, xtitiker-el chuchi' ri raqen-ya' Éufrates, y xtapon k'a pa ruk'isibel chire re ruwach'ulew.

Wuj Richin ri Miqueas 4:4

Chupan ri q'ij ri' konojel k'a winaqi' man xtikixibij ta ki', y chikijujunal k'o kijuwi-uva y ri ruche'el ri kiwíkix, richin xtikitej pa ruk'iyal. Keri' nubij ri Jehová ri k'o pa ruwi' ronojel.

Ez 14:17

Rik'in juba' xtinteq ta pe jun labal pa ruwi' ri ruwach'ulew richin xkeken k'a ri winaqi' y ri awej,

Ez 5:17

Kan xtinteq k'a pe nima'q taq wayjal y chuqa' k'uxunela' taq chikopi' chi'ikojol richin yekik'is ri iwalk'ual. Chuqa' xtinteq-pe nima'q taq yabil y labal chi'ikojol richin keri' e k'iy xkeken. Yin Jehová ri yibin ronojel re', xcha'.

Wuj Richin Bix Chire ri Dios 85:8

Yin kan xtinwak'axaj k'a ri xtubij ri Jehová Dios, roma kan nusuj uxlanen chiqe roj ri oj rutinamit y chike ri kan kich'aron-ki' chire rija', richin chi man yetzolej ta chik kan chupan ri etzelal.

Wuj Richin Bix Chire ri Dios 4:8

Rik'in uxlanibel-k'u'x xkikotz'e-qa y keri' xkiwer jebel; roma xaxe rat Jehová ri yabanon chuwe chi kuqul nuk'u'x yik'ase'.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

2 Rey 2:24

Y ri Eliseo xtzu'un k'a kan chirij y xerutz'et, y kan xuya' etzelanik pa kiwi' pa rubi' ri Jehová. Y xe'el k'a pe ka'i' ixoq taq oso chikij, y xekik'is e kawineq ka'i' chike rije'.

Romanos 5:1

Kan man jun wi k'a qamak yojk'ulun chuwech ri Dios roma ri kuqubabel-k'u'x. Y roma ri' toq junan chik qawech rik'in ri Dios roma ri qajaw Jesucristo.

Hechos 12:6

Kan xaxe chik k'a ri junaq'a' ri' nrajo' chi man napon ri ruch'obon ri Agripa, chi nrelesaj-pe ri Pedro y nuq'et-tzij pa ruwi' chikiwech ri winaqi'. Ri Pedro ximil k'a rik'in ka'i' cadena chikikojol e ka'i' achi'a' chajinela', y niwer. Y ri akuchi niban-wi-apo oken ri pa cárcel ek'o k'a chuqa' chajinela'.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Wuj Richin ri Jeremías 31:26

K'ari' yin Jeremías xik'astej y xinjeq ri runaq' taq nuwech y xina' chi ri xiwer kan utz xuben chuwe.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin Bix Chire ri Dios 3:5

Yin xikotz'e-qa y xiwer, xik'astej chik el, roma kan ja rat ri xato'on wichin.

Wuj Richin Etamabel-Tzij 6:22

Re ruchojmilal re', kan yixruyuqej chupan ri ik'aslen, toq yixwer, kan yixruchajij k'a; y toq yixk'astej, kan achi'el nitzijon iwik'in.

Wuj Richin Etamabel-Tzij 3:24

Jari' chuqa' xtibanon chiwe chi toq yixkotz'e-qa, man xtixibij ta iwi', y chuqa' toq yixkotz'e-qa, kan jebel xkixwer ri junaq'a'.

Wuj Richin ri Achin Job 5:23

Ri abej ri ek'o pan awulew xa xke'ok awachibil; y ri k'uxunela' taq chikopi' kan xke'ok chuqa' awachibil.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Wuj Richin ri Chojmirisabelri'il 26:7

Xtinben k'a chike ri e etzelanel iwichin chi xke'animej chiwech y rix kan xke'ikamisaj k'a.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Chojmirisabelri'il 25:18

Kan tiyaka' k'a pa taq iwánima ronojel ri chojmirisabel y ri pixa' ri nuya'on chiwe, y kan titaqej k'a, richin keri' kan xkixk'ase' rik'in uxlanibel-k'u'x chuwech re ruwach'ulew.

Wuj Richin ri Chojmirisabelri'il 25:19

Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.

2 Crón 20:30

Keri' xk'oje' k'a uxlanibel-k'u'x chupan ri q'atbel-tzij richin ri Josafat, roma ri Dios xuben chike ri ch'aqa' chik tinamit, richin man xeyakatej ta pe chirij ri Judá.

Wuj Richin Bix Chire ri Dios 144:14

Ri qawákix kan jantape' k'a xkek'oje' kal; ri e etzelanel qichin man yetikir ta nikijeq jun chik bey richin ye'ok-pe qik'in. Man xqojuk'uex ta chik el pa ximonri'il. ni man xtak'axatej ta raqoj-chi'ij richin xibinri'il pa taq bey.

Wuj Richin ri Isaías 35:8

Y chiri' xtik'oje' jun nimalej bey, y xtubini'aj Bey Kichin ri Winaqi' ri Janila e Ch'ajch'oj. Man jun wineq ri man ch'ajch'oj ta rik'in ri ruk'aslen ri xtiq'ax ta chiri', jak'a kichin ri ch'ajch'oj kik'aslen chuwech ri Dios. Y ri achike xkebe chupan ri bey ri', stape' man nel ta kánima, man xkesach ta.

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Os 2:20

Xkatok chik k'a wixjayil y kan utz xtinben awik'in. Keri' rat kan xtawetamaj chik nuwech yin Jehová.