Wuj Richin ri Chojmirisabelri'il 26:43 - Kaqchiquel Bible

⁴³ Rokik k'a ri iwijatzul ek'o chupan ri kiruwach'ulew ri etzelanel kichin, k'o chi xtitole' k'a kan ri iruwach'ulew rix richin xtuxlan. Jari' k'a toq rije' xtoqaqa chikik'u'x chi ek'o pa ruk'ayewal roma ri kimak, y chuqa' roma man xkiya' ta rejqalen ri nupixa' y man xkinimaj ta ri xinbij chike.

Wuj Richin ri Chojmirisabelri'il 26:43 ပူးပေါင်းရင်းမြစ်များ

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

2 Crón 36:21

Ronojel re' xbanatej richin xtz'aqet ri rubin ri Jehová chire ri Jeremías ri q'alajirisey ruch'abel. Keri' ri ruwach'ulew Judá xk'oje' kan rik'in uxlanenri'il, k'a toq xtz'aqet na oxk'al lajuj juna' richin xuxlan.

Wuj Richin ri Achin Job 5:17

Jebel ruwa-ruq'ij ri wineq ri nijich'ex roma ri Dios; roma ri', rat Job, kan tak'ulu' ri tijoj-poqonal ri nuya' ri Dios chawe, ri Dios ri k'o ronojel uchuq'a' pa ruq'a'.

Wuj Richin Bix Chire ri Dios 119:67

Nabey chuwech richin xaya' tijoj-poqonal pa nuwi', yin xa man nutzeqeliben ta ri abey, jak'a re wakami kan nutaqen k'a ri apixa'.

Wuj Richin Bix Chire ri Dios 119:71

Janila utz xuben chuwe toq rat xinaya' pa tijoj-poqonal, richin yin ninwetamaj ri apixa'.

Wuj Richin Bix Chire ri Dios 119:75

Jehová, yin wetaman chi ri chojmilal ri naben rat kan pa rubeyal-wi, chi toq yinaya' pa tijoj-poqonal, xa kan roma ri awajowabal pa nuwi'.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 50:17

Rat xa nawetzelaj ri ruchojmilal ri ninya' yin. Xa naben chire ri nuch'abel chi kan man jun rejqalen.

Wuj Richin ri Isaías 26:16

Toq xe'aya' ri qawinaq pa tijoj-poqonal, xatkikanoj k'a, y xech'on k'a awik'in

Wuj Richin ri Jeremías 31:19

Toq k'a oj k'ajol na, kan xqach'er-el-qi' awik'in, jak'a re wakami xtzolin-pe qak'u'x y kan niqaya' chiqij ri qamak. Kan niq'ax k'a chiqawech ri xqaben y roma ri' oj k'ixbitajineq y kan qajineq qaq'ij, yecha' ri aj-Israel.

Dn 9:14

Roma ri', rat Jehová xaya' q'ij chi xpe re jun ruk'ayewal re' pa qawi'; ronojel ri samaj ri naben rat kan pa ruchojmilal-wi. Jak'a roj xa man xqanimaj ta ri atzij.

Wuj Richin ri Chojmirisabelri'il 26:11

Yin kan xkik'oje' k'a chi'ikojol y kan man xkixinwixowaj ta.

Wuj Richin ri Chojmirisabelri'il 26:15

y wi rix xtiwixowaj ri pixa' ri nuya'on chiwe, y man xtitaqej ta ri nuch'abel, y wi xtiq'ej ruwi' ri jikibel-tzij ri qabanon,

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Wuj Richin ri Chojmirisabelri'il 26:41

Roma ri' yin xtinpaba-wi' chikiwech rije', y xkenteq chuqa' el pa kiruwach'ulew ri etzelanel kichin. Y chiri' xtiqasex k'a kiq'ij y xtikejqalej ri kimak.

Am 5:10

Toq'ex iwech rix ri nitz'uk-tzij chikiwech ri yechojmirisan richin ri yebanatej. Rix ye'iwixowaj ri winaqi' ri yebin ri qitzij.

Wuj Richin ri Zacarías 11:8

Pa jun ik' xenwelesaj k'a el oxi' chike ri yuq'unela', roma xkiben chuwe richin xik'o yan nuk'u'x kik'in. Chuqa' ri winaqi' xa kan xinketzelaj.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.