Wuj Richin ri Chojmirisabelri'il 26:40 - Kaqchiquel Bible

⁴⁰ Stape' ri iwijatzul, xtikiya' chikij ri itzel taq kibanobal rije' y chuqa' ri kichin ri kite-kitata', roma konojel rije' man xkinimaj ta nutzij; y xa xkipaba-ki' chinuwech.

Wuj Richin ri Chojmirisabelri'il 26:40 ပူးပေါင်းရင်းမြစ်များ

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Os 5:15

Xkitzolej k'a y xkibe akuchi ink'o-wi. Xkik'oje' chiri' k'a toq xtitzolej-pe kik'u'x chire ri kimak. K'a toq ri winaqi' xtikiya' chik wejqalen yin. Chupan k'a ri tijoj-poqonal xkinkikanoj, xcha' ri Jehová.

Wuj Richin ri Q'axanri'il 5:7

Ri wineq ri xbanon ri ch'a'oj k'o chi nuq'alajirisaj chi ja rija' ri xmakun y nutoj ri ch'a'oj ri xuben. Y pa ruwi' re' k'o chi nuya' ri jun chire ri ro' chire ri achoq chire xuben-wi ri ch'a'oj.

Ez 36:31

K'ari' k'a xtoqaqa chi'ik'u'x ronojel ri xe'iben y kan itzel xtina-qa, roma ri itzel taq banobel ri xe'ibanala' y ri yalan xixetzelan.

Wuj Richin Bix Chire ri Dios 32:5

Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

1 Rey 8:47

Y wi chupan ri ruwach'ulew ri akuchi xe'uk'uex-wi el, xtitzolin-pe kik'u'x awik'in y nikik'utuj kuyubel kimak chawe y xtikibij chi rije' xemakun, xkijel rubanik ri apixa' y xkiq'ej ruwi' jumul,

Wuj Richin ri Josúe 7:19

Jari' toq ri Josué xubij chire ri Acán: Kan chuwech k'a ri Jehová ri qa-Dios tabij ri qitzij, y tabij chuwe wakami achike ri xaben. Man k'a tawewaj chinuwech, xcha'.

Wuj Richin ri Chojmirisabelri'il 26:24

kan xkiyakatej chiwij y kan xtinya' chik wuqu' mul rutojbalil pan iwi' roma ri imak ri ye'iben.

Wuj Richin ri Chojmirisabelri'il 26:21

Y wi rix chaq nipaba-iwi' chinuwech y wi chaq man ninimaj ta nutzij, xtinya' chik wuqu' mul rutojbalil pan iwi'.

Wuj Richin ri Chojmirisabelri'il 5:5

Toq k'o jun wineq ri xuben keri' kan ja rija' ri nejqalen ri rumak, y k'o chi nuk'utuj kuyubel rumak.

Wuj Richin ri Esdras 10:11

Wakami k'a, tik'utuj kuyubel imak chuwech ri Jehová ri qa-Dios ri chuqa' ki-Dios ri qati't-qamama'. Tibana' k'a ri nrajo' rija', y kan tich'ara' k'a iwi' kik'in ri winaqi' ri kichin ch'aqa' chik ruwach'ulew, y kik'in ri ixoqi' ri man e qawinaq ta, xcha'.

Wuj Richin ri Jeremías 14:20

Kan oj makuwineq-wi chawech, roma ri itzel taq qabanobal roj y ri etzelal ri xekiben ri qati't-qamama'. Kan oj makuwineq-wi chawech Jehová.

Wuj Richin ri Josúe 22:15

Konojel ri e taqon-el xebe k'a pa ruwach'ulew Galaad, ri akuchi ek'o-wi ri e ka'i' tzobaj rik'in nik'aj. K'ari' xech'on kik'in y xkibij:

1 Rey 8:48

jari' toq xkech'on awik'in. Wi kan rik'in ronojel kánima xtitzolej-pe kik'u'x awik'in rat, stape' k'a ek'o na chupan ri kiruwach'ulew ri e etzelanel qichin, y wi yech'on ta awik'in rat Jehová pa ruchojmilal re awachoch re xinpaba-q'anej ri akuchi niya'ox-wi aq'ij ak'ojlen, chupan re atinamit Jerusalem, chupan re qaruwach'ulew ri xaya' chike ri qati't-qamama',

Wuj Richin ri Esdras 9:6

Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.

Wuj Richin ri Esdras 9:15

Jehová, ri qa-Dios, rat kan janila at choj qik'in, roma xojaya' kan jun q'ataj. Y roj kan qitzij na wi k'o qamak chawech rat, y roma ri' kan man yojtikir ta yojk'oje' chawech, xicha'.

Wuj Richin ri K'uxla'anik 1:20

Nimalej Jehová, tabana' utzil qojatzu-pe chi janila oj k'ayewatajineq; kan janila k'a rukiy ri qaq'axo'n. Kan nich'ujer ri qánima, roma kan janila xojmakun chawech. Ri qawinaq ri e eleneq-el chuchi' re tinamit kan xekamisex, y ri ek'o kan chupan, chuqa' kan xoqaqa k'a ri kamik kik'in.

Ez 14:23

Toq xtatz'et ri itzel kibanobal y ri itzel taq bey ri xkik'uaj, jari' toq xtikuqer ak'u'x roma xtiq'ax k'a chawech achike roma keri' xinben kik'in y man chaq k'ate' ta keri' xinben, xcha'.