Wuj Richin ri Chojmirisabelri'il 26:39 - Kaqchiquel Bible

³⁹ Y ri man xkeken ta, ri xkek'oje' kan chikikojol ri etzelanel kichin, kan xkek'is k'a roma ri itzel kibanobal, achi'el xeken ri ite-itata' roma ri kimak.

Wuj Richin ri Chojmirisabelri'il 26:39 ပူးပေါင်းရင်းမြစ်များ

Ez 4:17

Xaxe chik k'a juba' kiway y kiya' ri xtinya' y xtikitzula' k'a ki' rik'in jun nimalej xibinri'il y roma ri kimak eqal-eqal xkenk'is, xcha'.

Ez 33:10

Rat Ezequiel, ri awinaq israelita nikibij chi janila k'iy ri kimak kejqalen y roma k'a ri kimak ri' xa kichapon yek'is-qa. Y nikik'utuj ri achike k'a yetikir nikiben richin yek'ase'.

Ez 24:23

Man xtiwelesaj ta ri kuchubel-ijolon, ni ta ri ixajab. Chuqa' man xtijiq' ta oq'ej. Xa kan xkixbek'is roma ri imak y kan junan k'a xkixjilon chi'iwonojel.

Ez 6:9

Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.

Deut 28:65

Rokik ixk'o chuwech ri ruwach'ulew ri' man xkixuxlan ta juba', ni man xtiwil ta ch'uch'ujil, roma ri Jehová xtuben chiwe richin xkixk'ase' rik'in xibinri'il. Xtibison iwech y xtik'oje' q'axo'n pa taq iwánima.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Zacarías 10:9

Stape' yin kan xentaluj k'a el pa taq tinamit, pa taq ruwach'ulew ri ek'o nej, jak'a chiri' xkinoqaqa chikik'u'x y k'o k'a jun q'ij xketzolej chik pe junan kik'in ri kalk'ual.

Os 5:15

Xkitzolej k'a y xkibe akuchi ink'o-wi. Xkik'oje' chiri' k'a toq xtitzolej-pe kik'u'x chire ri kimak. K'a toq ri winaqi' xtikiya' chik wejqalen yin. Chupan k'a ri tijoj-poqonal xkinkikanoj, xcha' ri Jehová.

Ez 36:31

K'ari' k'a xtoqaqa chi'ik'u'x ronojel ri xe'iben y kan itzel xtina-qa, roma ri itzel taq banobel ri xe'ibanala' y ri yalan xixetzelan.

Ez 20:43

Chiri' k'a toq xtoqaqa chi'ik'u'x ronojel ri itzel taq banobel ri xe'iben, toq xitz'ilobisaj-iwi' rik'in ri mak. Y k'ari' k'a xa itzel xtina-qa roma ri itzel taq banobel ri'.

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Wuj Richin ri K'uxla'anik 4:9

Kan más wi k'a utz ruwa-kiq'ij ri xeken chi espada chuwech ri xeken roma wayjal. Rije' xa kan eqal-eqal na k'a xpe ri kikamik, roma man jun chik k'o kik'in richin nikitej.

Wuj Richin ri Jeremías 31:29

Ri ojer kan, ri winaqi' kere' nikibij: Ri te'ej-tata'aj xkitej ch'om taq uva y xa ja ri alk'ualaxela' nijuch'uch' key. Jak'a chupan ri q'ij ri' man xtibix ta chik,

Wuj Richin ri Jeremías 29:12

Chupan ri q'ij ri', rix xkixch'on wik'in y yin kan xkixinwak'axaj.

Wuj Richin ri Jeremías 3:25

Qaqasaj k'a qi' rik'in k'ixbilal, roma xqaya-qi' pa k'ixbilal, roma kan ja toq k'a oj ak'uala' na y k'a re wakami, roj y ri e qati't-qamama' kan oj makuwineq-pe chuwech ri qajaw Dios y man qaniman ta pe rutzij, xecha' ri winaqi'.

Wuj Richin ri Nehemías 1:9

Jak'a wi rik'in ronojel iwánima nitzolej-pe ik'u'x wik'in, y nitaqej ri nupixa' y kan niben, stape' ta k'a pa ruk'isibel chire ri ruwach'ulew ix nutalun-wi-el, k'a chiri' xkixinwelesaj-wi-pe richin yixink'uaj chupan ri ruwach'ulew ri nucha'on, ri akuchi utz chi niya'ox-wi nuq'ij, keri' ri abin kan chire rija'.

Deut 30:1

Xinbij yan chiwe ronojel ri urtisanik y ronojel ri etzelanik ri xtik'uluwachij. Y wi rix man nikuquba' ta ik'u'x, kan xkixrutaluj k'a el chuwech re ruwach'ulew. Jak'a wi xtoqaqa chi'ik'u'x,

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Wuj Richin ri Isaías 14:21

Roj kan xkeqakamisaj ri awalk'ual roma ri itzel ri xe'aben rat y ri ate-atata'. Richin keri' rije' man xtikiq'et ta tzij pa ruwi' jun ruwach'ulew, ni man xtikipaba' ta el jun chik tinamit.

Wuj Richin ri Isaías 24:16

Kan xtak'axatej k'a ri bix, k'a pa rutikeribel y pa ruk'isibel chire ri ruwach'ulew. Y kere' ri xtikibixaj: Nim ruq'ij ri Dios ri kan choj ruk'aslen, xkecha'. Jak'a yin xtinbij: Toq'ex nuwech yin, toq'ex nuwech yin. Man jun achoq ik'in xtinkuquba-wi nuk'u'x, roma konojel xa e q'olonel.

Wuj Richin ri K'uxla'anik 1:3

Ri winaqi' aj-Judá pa ruwi' ri kan janila xkitej poqon y janila kow xesamej. Chuqa' kan xbekiya' k'a ki' pa ximonri'il. Rije' xebek'oje' chikikojol ch'aqa' chik winaqi' kichin ri ruwach'ulew, kan man xkil ta uxlanen. Konojel ri xe'oqotan kichin xebekila' k'a akuchi kewan-wi-ki', kan xekiya' k'a pa latz'.

Deut 8:20

Achi'el k'a nuben ri Jehová chike ri winaqi' richin ri ruwach'ulew ri yerujech pan iq'a', keri' chuqa' xtuben chiwe rix wi man xtiqataqej ta ri ruch'abel ri Jehová ri qa-Dios.

2 Crón 34:24

Yin Jehová ninbij chi xtinteq-pe jun nimalej ruk'ayewal pa ruwi' re tinamit re' y pa kiwi' konojel ri winaqi' ri ek'o chupan, kan achi'el k'a ri itzel oyonik ri tz'ibatajineq kan chupan ri wuj ri xril, ri xsik'ix chuwech ri rey richin Judá.

Wuj Richin ri Esdras 9:7

Chupan k'a ri q'ij ri' toq k'a e k'es na ri qate-qatata', k'a re wakami, kan ojk'o pe chupan ri mak. Y roj, ri qa-rey y ri e qa-sacerdote kan xojach pa kiq'a' ri rey ri kichin ch'aqa' chik ruwach'ulew roma ri itzel taq qabanobal roj. Ri nuwinaq kan xejach pa kamik rik'in espada, pa ximonri'il y pa kiq'a' eleq'oma'; y pa k'ixbilal ri ojk'o-wi k'a re wakami.