Wuj Richin ri Chojmirisabelri'il 26:36 - Kaqchiquel Bible

³⁶ Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin ri Chojmirisabelri'il 26:36 ပူးပေါင်းရင်းမြစ်များ

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Rutikeribel 4:12

Roma wi xtasamajij chik ri ulew, xa kan man xtik'ase' ta chik ri atiko'n y kan xaxe k'a xkabe-kela' xkabe-kela' xtaben pa ruwi' re ruwach'ulew y kan man jun k'a akuchi xkak'oje-wi-qa, xcha'.

2 Crón 14:14

Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

Wuj Richin ri Achin Job 13:25

¿Achike roma toq kan janila niqa' chawech chi yinaxibij? Roma yin xa in achi'el ok jun ti ruxaq che'. ¿Achike roma toq at yakatajineq chuwij? Roma yin xa in achi'el ok jun chaqi'j ti ruxaq k'im.

Wuj Richin Bix Chire ri Dios 53:5

Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Wuj Richin Bix Chire ri Dios 53:6

¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin Bix Chire ri Dios 89:43

Pa ruwi' ri' kan man xato' ta chik toq nibe pan oyowal. Xaben chire chi xch'akatej.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin ri Isaías 30:17

Xaxe k'a jun xkixoqotan-el ix 1,000 y iwonojel rix xkixanimej-el chikiwech e wo'o'. Xa kan juba' ri xkixk'oje' kan, achi'el toq nuyonij kan jun che' pa ruwi' jun juyu', o achi'el jun retal ri ya'on pa ruwi' jun juyu', xcha' ri Dios.

Wuj Richin ri Isaías 7:2

Y toq xya'ox rutzijol chire ri rey Acaz y ri aj-Judá chi ri aj-Siria xjunamatej-kiwech kik'in ri aj-Israel, jari' toq ri aj-Judá kan janila xsilon ri kánima roma xibinri'il, achi'el toq yesilon ri nima'q taq che' roma ri kaq'iq'.

Wuj Richin ri Isaías 7:4

Y tabij chire chi tuchajij-ri', man tuxibij-ri' y man tisach ruk'u'x roma ri koyowal ri Resín y ri Pécah; roma rije' xa man jun xketikir xtikiben. Xa e achi'el chik ka'i' rutza'n-si' ri choj yebuqun.

Wuj Richin ri Jeremías 37:10

Roma stape' rix xke'ik'is konojel ri aj-labal aj-Babilonia y yek'oje' ta kan jujun achi'a' ri e sokotajineq, re achi'a' re' xkeyakatej k'a pe y xtikiya' ruq'aq'al ri itinamit, xcha' ri Dios chuwe.

Wuj Richin ri Jeremías 46:16

Ri achi'a' ri' kan xtikipajk'ij kaqen y xketzaq. K'ari' xtikibij chikiwech chi rije' xketzolin pa kitinamit y pa kiruwach'ulew ri akuchi xe'alex-wi, nej chire ri espada ri yeruk'is.

Wuj Richin ri K'uxla'anik 1:3

Ri winaqi' aj-Judá pa ruwi' ri kan janila xkitej poqon y janila kow xesamej. Chuqa' kan xbekiya' k'a ki' pa ximonri'il. Rije' xebek'oje' chikikojol ch'aqa' chik winaqi' kichin ri ruwach'ulew, kan man xkil ta uxlanen. Konojel ri xe'oqotan kichin xebekila' k'a akuchi kewan-wi-ki', kan xekiya' k'a pa latz'.

Wuj Richin ri K'uxla'anik 1:6

Ri jebelej rubanikil ri tinamit Sión xa xk'is ronojel. Ri e tata'al xa kan xebe achi'el nikiben ri masat ri man nikil ta kiway. Xa kan xk'is k'a kuchuq'a' chikiwech ri e tzeqelibeyon kichin.

Wuj Richin ri K'uxla'anik 4:19

Ri e etzelanel qichin kan xojkitzeqelibej. Kan anineq xepe chiqij achi'el nikiben ri kot. Xojkitzeqelibej k'a pa ruwi' taq juyu', y xekiyala' k'a pikbel pa qabey pa tz'iran ruwach'ulew.

Ez 21:12

Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Ez 21:15

Roma ri' kan xtimayamo-qa ri kánima; kan janila k'a e k'iy ri xkeken. Pa taq ronojel jay xtapon ri kamik, ja espada re' ri josq'in chik jebel richin nuk'eq koyopa', y e k'iy k'a ri xkerukamisaj.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Os 8:3

Ri tinamit Israel xa man xrajo' ta k'a ri utz, roma ri' kan ja ri e etzelanel richin ri xketzeqeliben richin.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Chojmirisabelri'il 26:35

Keri' xtuxlan ri iruwach'ulew rokik man ixk'o ta rix chuwech, roma man xiya' ta q'ij chire richin xuxlan, y keri' xtuxlan k'iy juna' ri man xuxlan ta iwoma rix y koma ri iwijatzul toq xixk'oje' chuwech.

Deut 1:44

Jak'a ri winaqi' amorreo ri ek'o chiri' xa xixkik'ul chi oyowal y k'ari' xixkoqotaj-pe, kan e achi'el k'a q'atz'utuj ri xebejopojo-pe chiwij y kan xixkich'ek k'a chiri' pa ruwach'ulew Seír y xixkitzeqelibej k'a pa tinamit Hormá.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Wuj Richin ri Josúe 7:5

Ri aj-Ai xekikamisaj k'a pe e juba' ma e juwineq waqlajuj achi'a' chike ri e rijatzul kan ri Israel y xekitzeqelibej-pe ri ch'aqa' chik toq xe'el-pe chiri' chuchi' ri tinamit y xe'apon k'a akuchi ye'elesex-wi abej; y xech'akatej chupan ri xulan-bey y roma ri' ri e rijatzul kan ri Israel xmayamo-qa ri kánima.

1 Sam 17:24

Y konojel k'a ri achi'a' ri aj-Israel, toq nikitz'et ri Goliat, ye'animej chuwech, y janila nikik'en rukiy.