Wuj Richin ri Chojmirisabelri'il 26:32 - Kaqchiquel Bible

³² Xtitole' k'a kan ri iruwach'ulew, y ri e etzelanel iwichin xkepe richin yek'oje' chupan ri iruwach'ulew y kan xtikimey k'a ri rubanik.

Wuj Richin ri Chojmirisabelri'il 26:32 ပူးပေါင်းရင်းမြစ်များ

1 Rey 9:8

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Y xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y achike roma kere' xuben chire re jay re kan richin rija'?, xkecha'.

Wuj Richin ri Isaías 24:1

Ri Jehová kan xtiberujosq'ij jebel chijun ri ruwach'ulew. Kan xtuyoj, kan xtuwulaj ri ruwach'ulew, y konojel ri ek'o chupan kan xkerutaluj-el.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin ri Isaías 5:9

Ri Jehová k'iytisanel richin ronojel kan xubij k'a chuwe chi ri jay ri' kan xketole' k'a kan rupan. Stape' e nima'q y kan jebel kibanik, jak'a xa kan xkemalin kan.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

Wuj Richin ri Isaías 64:10

Ri tinamit ri ek'o pa qaruwach'ulew xa kan xetole' k'a kan. Ri tinamit Sión xa kan xok kan jun tz'iran ruwach'ulew, y tolan-tolan xuben kan.

Wuj Richin ri Jeremías 12:11

Kan xtikitoloba' k'a kan y kan xtikiben kan tz'iran ruwach'ulew chire y k'ari' man jun chik xtiniman chire.

Wuj Richin ri Jeremías 18:16

Jak'a re wakami ri iruwach'ulew xtok jun tz'iran. Konojel winaqi' richin ch'aqa' chik ruwach'ulew ri xkeq'ax keri' kan janila xtikimey y kan xtikisiloj ri kijolon. Y jantape' k'a xtikiyojobej.

Wuj Richin ri Jeremías 19:8

Kan xtinben chire ri Jerusalem chi konojel ri winaqi' ri xkeq'ax chiri' xtikixibij-ki' chuwech y xtikiyojobej roma wulatejineq chik kan ronojel.

Wuj Richin ri Jeremías 25:11

Chijun k'a ri itinamit kan xtik'is y kan xtitole' kan. Y re tzobaj winaqi' re' kan xtibekisamajij oxk'al lajuj juna' ri rey richin Babilonia.

Wuj Richin ri Jeremías 25:18

Xinya' k'a chire ri rey richin Judá, chike ri aj-raqen, chike ri aj-Jerusalem y chike ri ch'aqa' chik winaqi'. Xinya' k'a chike richin yek'is y kan xtitole' kan jumul ri kitinamit. Koma rije' ri ch'aqa' chik winaqi' xtisach kik'u'x, kan xtiban tze'en chikij y xtiqaqa itzel pa kiwi'. Y keri' k'a kan xke'ok jun k'ambel-tzij achi'el nitz'et re wakami.

Wuj Richin ri Jeremías 25:38

Xel k'a pe achi'el jun koj ri nel-pe chupan ri rujul y roma ri nimalej royowal, ri ruwach'ulew kan xtik'is y kan xtok kan tz'iran. Chuqa' xtuteq-pe jun nimalej ruk'ayewal richin chi ri winaqi' kan xkekamisex k'a chi espada.

Wuj Richin ri Jeremías 33:10

Yin Jehová kere' ninbij: Rix nibij chi chupan re tinamit re' kan man jun chik wineq k'o, ni chikop. Pa taq tinamit richin Judá y pa taq bey richin Jerusalem xa kan tolan chik.

Wuj Richin ri Jeremías 44:2

Kere' ninbij yin Jehová k'iytisanel richin ronojel, ri i-Dios: Rix kan xitz'et ronojel ri ruk'ayewal ri xinteq-pe pa ruwi' ri Jerusalem y pa kiwi' konojel tinamit richin Judá. Y roma ri', re wakami kan man jun chik wineq k'o chiri' y kan xwuluwu' kan jumul,

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri K'uxla'anik 4:12

Ri e etzelanel qichin man xketikir ta xke'ok-apo chupan ri qatinamit: Keri' xkich'ob ri e rey y konojel ri winaqi' richin ri ruwach'ulew.

Wuj Richin ri K'uxla'anik 5:18

roma ri juyu' richin Sión kan tolan-tolan chik, y xa kan xaxe k'a ri utiwa' ri yebiyajilan chiri'.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Dn 9:18

Kan tawak'axaj k'a ri nuch'abel, tatzu-pe ri ruk'uluwachin ri tinamit ri akuchi ninatex-wi ri abi'. Yin nink'utuj re utzil re' chawe man roma ta choj ri qak'aslen chawech, xa kan roma k'a ri ruk'iyal ri ajoyowanik rat.

Dn 9:2

Jari' k'a toq yin Daniel xintz'et k'a jebel ri wuj ri xuya' ri Jehová chire ri q'alajirisey ruch'abel rubini'an Jeremías, ri akuchi nubij-wi chi nibetz'aqet yan ri juna' oxk'al lajuj ri ek'o pa ximonri'il ri aj-Jerusalem.

Wuj Richin ri Habacuc 3:17

Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.

San Lucas 21:20

Jak'a toq xtitz'et chi ri Jerusalem sutin rij koma aj-labal, tiwetamaj k'a chi jari' xapon ri q'ij richin niwulex.

Deut 28:37

Kan xkixkimey k'a ri winaqi' roma ri nik'uluwachij y kan xkech'on itzel chiwij y chuqa' xketze'en chiwij konojel ri winaqi' ri ek'o chiri' akuchi xkixuk'uex-wi roma ri Jehová.