Wuj Richin ri Chojmirisabelri'il 26:31 - Kaqchiquel Bible

³¹ Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Chojmirisabelri'il 26:31 ပူးပေါင်းရင်းမြစ်များ

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

2 Rey 22:19

Ri awánima xok ch'uch'uj y xaqasaj-awi' chinuwech toq xawak'axaj ri nubij ri wuj chirij re tinamit re' y chikij ri winaqi' ri ek'o chupan. Rat kan janila xabison toq xawak'axaj chi kan man jun chik wineq xtik'oje' kan y ri ruwach'ulew kan xtik'is. Kan xaretz ri atziaq chawij y xatoq' chinuwech, y yin kan xatinwak'axaj.

2 Crón 36:19

Y ri rachoch ri Dios xkiporoj kan, y xkiwulaj kan ri tz'aq chirij ri Jerusalem. Chuqa' xkiporoj kan ri jay richin ri rey ri akuchi niq'aton-wi-tzij, y xekiyoj kan ronojel ri k'o rejqalen.

Wuj Richin ri Nehemías 1:3

Rije' xkibij k'a chuwe: Ri qawinaq ri ek'o kan chupan ri qaruwach'ulew nikiq'axaj jun nimalej ruk'ayewal y k'ixbilal. Y ri tinamit Jerusalem k'a ja na rubanon, ek'o ram richin ri tz'aq e wulatejineq chiri' y ri ruchi' ri tinamit e k'atineq, xecha' chuwe.

Wuj Richin ri Nehemías 2:17

Ri jun chik q'ij, xinbij k'a chike: Rix nitz'et chi ojk'o pa jun ruk'ayewal: Ri Jerusalem wuluwik wakami y ronojel ri ruchi' xeruk'is q'aq'. Kixanpe y kinito' y qapaba' chik q'anej jun bey ri tz'aq, richin man chik tiqaya' q'ij richin chi yojkik'ixbisaj ri e etzelanel qichin, xicha'.

Wuj Richin ri Nehemías 2:3

Y yin kere' k'a xinbij chire ri rey: Kan xkak'ase' ta k'a jantape' rat rey. ¿Achike ta k'a roma man ta xtibison ri wánima toq ri nutinamit ri akuchi e muqul chuqa' ri aj pa rachoch ri nata' wuluwik wakami y ri tz'alem richin ri ruchi' ri tz'aq e k'atineq roma ri q'aq'?, xicha' chire.

Wuj Richin ri Isaías 1:7

Ri iruwach'ulew xa kan man jun chik k'o chuwech; y konojel ri itinamit kan xeporox. ri e etzelanel iwichin kan chiwech rix nikitej-el ri itiko'n ri ibanon-qa, y kan nimalin kan achi'el toq nikiwulaj kan ri man e aj wawe' ta.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

Wuj Richin ri Isaías 63:18

Xa kan juba' ok q'ij xek'oje' chupan ri awachoch ri qate-qatata', jak'a re wakami ri e etzelanel qichin xa xkixolq'otij.

Wuj Richin ri Isaías 64:9

Ajaw, man tipe janila awoyowal pa qawi' roj, ni man toqaqa chi'ak'u'x beneq ruwech ri qamak, Tajoyowaj k'a qawech roj roma oj atinamit.

Wuj Richin ri Isaías 66:3

Ek'o winaqi' ri nikisuj jun bóyix chuwe, y k'ari' nibekikamisaj kan jun kiwinaq. Rije' nikisuj jun karne'l chuwe, y k'ari' nikisuj jun tz'i' chire ri ki-dios. Nikisuj jalajoj kiwech trigo chuwe, y k'ari' nikisuj ri rukik'el jun aq chire ri dios ri'. Nikisuj pom chuwe yin, y k'ari' nikiya' chik ruq'ij jun wachibel. Ri winaqi' ri' xa kan chikijujunal xkicha' ri achike xkiben, y kan janila xkajo' ri kan ninwetzelaj yin.

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin ri Jeremías 26:6

Wi man xtiben ta ronojel re', k'ari' xtinben rik'in ri wachoch, achi'el xinben rik'in ri tinamit Siló. Xtinben chire re tinamit Jerusalem richin xtiqaqa itzel pa ruwi' y xtok jun k'ambel-na'oj chikiwech konojel ri tzobaj winaqi' richin re ruwach'ulew, xkacha' chike, xcha' ri Dios chuwe.

Wuj Richin ri Jeremías 26:9

¿Achike roma yatikir nabij pa rubi' ri Jehová chi ri rachoch re k'o wawe' kan nuben chire achi'el ri rachoch ri k'o pa Siló ri ojer kan y chi ri qatinamit xtik'is y kan man jun chik xtik'oje' kan chupan?, xecha' chuwe. Y konojel k'a ri winaqi' richin ri tinamit xkimol-apo-ki' chuwij chiri' chupan ri rachoch ri Dios.

Wuj Richin ri Jeremías 4:26

Chuqa' xintz'et chi ronojel ri qasanbel-ulew, ri jebel tiko'n nuya', xe'ok tz'iran. Ronojel tinamit e wulatejineq chik kan, roma ri royowal ri Jehová.

Wuj Richin ri Jeremías 4:27

Ri Jehová xubij: Chijun ri ruwach'ulew xtitole' kan, stape' man xtink'is ta jumul.

Wuj Richin ri Jeremías 4:7

Ri nik'ison kichin ri tzobaj winaqi' ruchapon chik pe bey, achi'el jun koj ri xel yan pe pa rusok. Y rija' noruk'isa' ri iruwach'ulew richin chi nuben kan tz'iran chire y richin nuwulaj kan ronojel.

Wuj Richin ri Jeremías 44:2

Kere' ninbij yin Jehová k'iytisanel richin ronojel, ri i-Dios: Rix kan xitz'et ronojel ri ruk'ayewal ri xinteq-pe pa ruwi' ri Jerusalem y pa kiwi' konojel tinamit richin Judá. Y roma ri', re wakami kan man jun chik wineq k'o chiri' y kan xwuluwu' kan jumul,

Wuj Richin ri Jeremías 44:6

Roma ri' kan janila xyakatej woyowal y kan xinwelesaj woyowal pa ruwi' ri ruwach'ulew Judá y pa taq bey richin ri tinamit Jerusalem. Kan xwuluwu' y xtole' kan re tinamit re', k'a re wakami.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri K'uxla'anik 1:1

Ri nimalej tinamit ri xek'oje' e k'iy ruwinaq ojer kan, wakami xa xuyonij kan. Ri tinamit ri kan nim rubanon chikikojol ri ch'aqa' chik ruwach'ulew, wakami xa xok kan achi'el jun malka'n ixoq. Ri ojer kan ri tinamit ri' ja rija' ri reina pa kiwi' ri ch'aqa' chik ruwach'ulew; jak'a re wakami xa xxime' pa samaj.

Wuj Richin ri K'uxla'anik 1:10

Ri e etzelanel kichin ri aj-Jerusalem kan xkichop-qa ri kibeyomel. Rije' kan xekitz'et k'a toq ri winaqi' maneq Dios chikiwech xe'ok-apo chupan ri rachoch rija', ri rubin kan chi man xabachike ta wineq nok-apo chupan.

Wuj Richin ri K'uxla'anik 2:6

Ri rachoch rija' kan xuwulaj k'a el, achi'el niban chire jun ti mo'k ri k'o chupan ri tiko'n. Xuwulaj k'a el ri akuchi niban-wi molojri'il. Ri Jehová xrelesaj k'a el chupan ri tinamit Sión ri nimaq'ij y ri q'ij richin uxlanen. Roma ri royowal kan xerixowaj k'a kan ri rey y ri e sacerdote.

Wuj Richin ri K'uxla'anik 2:7

Ri Jehová kan xumalij k'a kan ri porobel ri k'o pa rachoch. Xuben kan chire ri rachoch chi kan man jun rejqalen. Xujech k'a pa kiq'a' ri e etzelanel qichin, ri rachoch ri rey. Ri e etzelanel qichin kan xkiraqala' k'a kichi' chupan ri rachoch ri Jehová; achi'el xa ta ja ri q'ij richin nimaq'ij xkiben chupan.

Ez 12:20

Konojel k'a tinamit ri ek'o chiri' kan xketole' kan y xtok tz'iran. K'ari' xtiketamaj ri winaqi' chi ja yin ri' ri in Jehová, xcha'.

Ez 21:15

Roma ri' kan xtimayamo-qa ri kánima; kan janila k'a e k'iy ri xkeken. Pa taq ronojel jay xtapon ri kamik, ja espada re' ri josq'in chik jebel richin nuk'eq koyopa', y e k'iy k'a ri xkerukamisaj.

Ez 21:7

Y wi ta xtikik'utuj chawe chi achike roma yatoq', rat xtabij chike chi roma k'o jun ri xtibebanatej. Y toq xtoqaqa xtuben k'a chire chijun ri ruwach'ulew chi ri winaqi' xtikimalij kik'u'x y xtik'is k'a kuchuq'a' y konojel xkebaybot roma xibinri'il. Kan xtapon yan k'a ri ramaj richin xtibebanatej re', xcha'.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 6:6

Y xabakuchi k'a xkek'oje-wi chire ri ruwach'ulew, xa kan xkenwulaj ri kitinamit. Chuqa' kan xtink'is ri akuchi niya-wi kiq'ij ri wachibel, ri porobel y konojel ri wachibel. Keri', xkek'is ri e kibanon-qa rije'.

Ez 9:6

Xubij chi kekikamisaj k'a chi rijita'q, chi xtani', chi alaboni', chi ixoqi', chi ak'uala'; jak'a man jun tikiben kan chike ri winaqi' ri k'o ketal. Rije' xkichop k'a kikamisaxik ri achi'a' ri k'o kiq'ij ri ek'o chupan ri rachoch ri Jehová.

Dn 2:46

Toq ri Nabucodonosor xrak'axaj ronojel re', kan jari' xuqasaj-ri' k'a pan ulew chuwech ri Daniel, y xubij chi tiya'ox k'iy kamelabel y jubulej pom chuwech.

Am 7:9

Ri juyu' ri akuchi nikiya' kiq'ij ri ki-dios kan xtik'is jumul. Ri kachoch ri ki-dios kan xkewulatej kan. Y ri aj pa rachoch kan ri Jeroboam kan xkenkamisaj rik'in espada, xcha'.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.

Wuj Richin ri Sofonías 3:6

Rija' kan xeruk'is yan ri winaqi' richin ri ch'aqa' chik ruwach'ulew, y ri kachoch richin tobel kan xtole' kan. Ri Dios kan xuben chi ri kibey kan xmalin kan, y man jun chik wineq niq'ax chiri'. Ri kitinamit kan xwulex kan; kan man jun chik xk'oje' kan chiri'.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Hechos 6:14

Roma qak'axan k'a chi nubila' chi ri Jesús aj-Nazaret xtuwulaj re jay re', y chi xtujel-el ronojel ri rubin kan ri Moisés ri nik'atzin chi tiqabana', xecha'.

Hebreos 10:26

Roma ri ketaman chik ri achike rubanik ri qitzij, y man rik'in ri' k'a nikiben chi yemakun stape' ketaman chi man utz ta, wi keri' kan man jun chik k'a xtiken richin yerukol-pe chupan ri kimak.