Wuj Richin ri Chojmirisabelri'il 26:25 - Kaqchiquel Bible

²⁵ Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Chojmirisabelri'il 26:25 ပူးပေါင်းရင်းမြစ်များ

2 Sam 24:15

Y kan chupan k'a ri nimaq'a' ri' ri Jehová xuteq-pe jun nimalej yabil pa ruwi' ri Israel. Xuchop k'a pe pa Dan y xapon k'a pa Beerseba y xeken e 70,000 winaqi'.

1 Rey 8:33

Wi ta ri nuwinaq xkech'akatej-el roma jun chik tinamit ri etzelanel qichin roma xemakun chawech rat, jak'a wi xa xtitzolin-pe kik'u'x y xtikik'utuj kuyubel-mak chawech y xtikiya' chik aq'ij ak'ojlen, y xtikik'utuj utzil chawe pa ruchojmilal re awachoch;

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

2 Rey 17:3

Chirij re' xbeyakatej k'a pe ri Salmanasar rey kichin ri aj-Asiria, y ri Oseas y ri aj-Israel kan xech'akatej koma rije'. Y ri Oseas kan k'o chi nutoj chire ri rey aj-Asiria.

Wuj Richin Bix Chire ri Dios 94:1

Nimalej Jehová, ri yaya'on rutojbalil ronojel ri mak, kan tak'utu' k'a awi' rat richin naya' rutojbalil-mak.

Ex 5:3

Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

Wuj Richin ri Isaías 1:20

Jak'a wi man xtiwajo' ta xtinimaj nutzij, xa xkixkamisex k'a chi espada, roma ja yin Jehová ri yibin.

Wuj Richin ri Isaías 65:12

Roma ri' kan nink'en-pe ruk'ayewal pan iwi'. Kan xtinben chiwe richin xkixkamisex rik'in espada. Yin xixinwoyoj, jak'a rix man xiniwak'axaj ta. Xich'on iwik'in, jak'a man xiya' ta ixikin richin xiniwak'axaj. Xa xiben ri man niqa' ta chinuwech yin, y xicha' ri man utz ta nintz'et yin.

Wuj Richin ri Jeremías 19:7

Re wawe' xtinwulaj-wi ri ich'obonik rix aj-Judá y aj-Jerusalem. Y xtinben chi ri e etzelanel iwichin xkixkich'ek y xkixkikamisaj chi espada. Y chuqa' ri ich'akul kan xtik'atzin richin xtok kiway ri aj-xik' taq chikopi' y ri chikopi' ri ek'o pa k'echelaj.

Wuj Richin ri Jeremías 24:10

Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.

Wuj Richin ri Jeremías 50:28

Xtak'axatej k'a ri ch'abel kichin ri winaqi' ri xke'animej-pe pa ruwach'ulew Babilonia y xke'apon pa tinamit Sión richin xtokitzijoj ri rutojbalil ri xtinya' pa kiwi', roma ri xkiben chire ri wachoch.

Wuj Richin ri Jeremías 51:11

Ri Jehová kan nrajo' yeruk'is ri aj-Babilonia y xuben chike ri rey richin ri ruwach'ulew Media, chi xeyakatej chikij ri aj-Babilonia richin yekik'is. Jare' ri rutojbalil ri nuya' rija' roma xkiqasaj ruq'ij ri rachoch y roma ri' nubij chike ri aj-Media chi tikichojmirisaj ri rute-ch'ab y tikichapa' jebel ri kitobal.

Wuj Richin ri Jeremías 9:16

Kan xkentaluj k'a el pa jun ruwach'ulew ri man ketaman ta, ni ri kite-kitata'. Xtinben chi xketzeqelibex rik'in espada y kan man jun k'a chike rije' ri xtik'ase' kan, xcha' chuwe.

Wuj Richin ri K'uxla'anik 2:21

Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.

Ez 14:17

Rik'in juba' xtinteq ta pe jun labal pa ruwi' ri ruwach'ulew richin xkeken k'a ri winaqi' y ri awej,

Ez 20:37

Xkentz'et jebel jujun chiwe rix achi'el nuben jun yuq'unel kik'in ri rukarne'l y kan xtinjikiba' k'a nutzij iwik'in rix chi'ijujunal.

Ez 29:8

Roma ri' yin Jehová ninbij chi kan xtinben k'a chiwe chi xkixchap chi oyowal y xkixkamisex k'a chi'iwonojel rix y ri iwawej.

Ez 33:2

Rat Ezequiel, kach'on kik'in ri awinaq y taya' re jun rutzijol re' chike: Toq yin xtinben chi xtipe jun labal pa ruwi' jun ruwach'ulew. Ri winaqi' richin ri ruwach'ulew ri' xtikiya' jun chajinel.

Ez 5:17

Kan xtinteq k'a pe nima'q taq wayjal y chuqa' k'uxunela' taq chikopi' chi'ikojol richin yekik'is ri iwalk'ual. Chuqa' xtinteq-pe nima'q taq yabil y labal chi'ikojol richin keri' e k'iy xkeken. Yin Jehová ri yibin ronojel re', xcha'.

Ez 6:3

Kan xtipe jun labal pa kiwi' ri juyu', ri taq'aj ruwi' taq juyu', ri ch'uti'n raqen taq ya' y ri taq'aj. Chuqa' kan xkewulatej k'a ri akuchi niya'ox-wi kiq'ij ri wachibel.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Wuj Richin ri Chojmirisabelri'il 26:6

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Habacuc 3:5

Chuwech rija' ik'owineq-pe nimalej taq yabil Y toq rija' niq'ax, yerukamisaj kan ri winaqi'.

Wuj Richin ri Q'axanri'il 14:12

Y yin xtinben chi man xke'ok ta chupan ri ruwach'ulew, roma kan xtinya-pe jun nimalej yabil pa kiwi' rije', richin yeken y yek'is. Jak'a rat xkatikeriban jun chik k'ak'a' tinamit ri más nim y janila ruchuq'a' chikiwech ri ek'o wakami, xcha'.

Wuj Richin ri Q'axanri'il 16:49

Konojel k'a ri winaqi' ri xeken e 14,700 y chikikojol rije' man xe'ajlex ta ri xeken roma ri yakatajinenri'il richin ri Coré.

Wuj Richin ri Q'axanri'il 31:3

K'ari' ri Moisés xch'on kik'in ri ruwinaq y xubij chike: Ri Jehová nubij chi tibana' ichojmil roma jujun chiwe rix xkixbe pa labal kik'in ri aj-Madián, roma rija' nrajo' chi tibana' ruk'exel chike.

San Lucas 21:11

Xkepe nimalej taq silonel pa jalajoj kiwech ruwach'ulew, wayjal y yabil xabakuchi chire re ruwach'ulew. Xtipe k'a jun nimalej xibinri'il roma ri xkebanatej y xketz'etetej meyel taq banobel chikaj.

Deut 28:21

Kan xtuteq k'a pe jun nima-yabil ri xtuk'en-pe kamik pan iwi' y kan xkixruk'is-el chuwech ri ruwach'ulew ri akuchi xkixbek'oje-wi ri xtiwichinaj kan.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Deut 32:41

Toq yin xtinben rey ri nu-espada ri janila nirepelun, y toq xtinchop ri nuq'atoj-tzij; jari' toq xtinya' ruk'exel chike ri e etzelanel iwichin, y kan xtinya' k'a rutojbalil chike ri ye'etzelan wichin.

Wuj Kichin ri To'onela' 15:11

K'ari' xebe e 3,000 achi'a' richin ri tzobaj Judá akuchi k'o-wi ri jul ri k'o chiri' pan Etam, y xkibij chire ri Sansón: ¿Man awetaman ta k'a chi pa kiq'a' ri aj-Filistea oj qajineq-wi?, xa xojaya' pa k'ayew, xecha' chire. Y ri Sansón xubij chike, chi keri' xuben chike roma rije' chuqa' keri' xkiben chire rija'.