Wuj Richin ri Chojmirisabelri'il 26:17 - Kaqchiquel Bible

¹⁷ Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Chojmirisabelri'il 26:17 ပူးပေါင်းရင်းမြစ်များ

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin Bix Chire ri Dios 53:5

Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Jeremías 19:7

Re wawe' xtinwulaj-wi ri ich'obonik rix aj-Judá y aj-Jerusalem. Y xtinben chi ri e etzelanel iwichin xkixkich'ek y xkixkikamisaj chi espada. Y chuqa' ri ich'akul kan xtik'atzin richin xtok kiway ri aj-xik' taq chikopi' y ri chikopi' ri ek'o pa k'echelaj.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Richin ri K'uxla'anik 1:5

Ri e etzelanel richin xa kan xe'ok-q'anej tata'al pa ruwi'. Ri itzel yetz'eton richin, wakami xa xebe pa jotol. Ronojel re tijoj-poqonal re' xuya' ri Jehová pa kiwi' ri winaqi', kere' xkik'uluwachij roma ri kimak kan pa ruk'iyal ri xkiben. Ri winaqi' kan xe'uk'uex-el pa ximonri'il koma ri e etzelanel kichin.

1 Sam 31:1

Rokik re', ri aj-Filistea xkichop oyowal kik'in ri israelita. Jak'a rije' xa xe'animej chikiwech ri aj-Filistea, y xeken k'a chuwa taq juyu' richin Guilboa.

1 Sam 4:10

Xkiben k'a oyowal ri aj-Filistea y kan xekich'ek k'a ri israelita. Toq xech'akatej, chikijujunal xe'animej y xebe pa taq kachoch. Kan janila e k'iy ri aj-labal ri xeken, ri kajlabal e 30,000.

Wuj Richin ri Rutikeribel 4:12

Roma wi xtasamajij chik ri ulew, xa kan man xtik'ase' ta chik ri atiko'n y kan xaxe k'a xkabe-kela' xkabe-kela' xtaben pa ruwi' re ruwach'ulew y kan man jun k'a akuchi xkak'oje-wi-qa, xcha'.

Wuj Richin ri Josúe 7:4

Y xebe k'a e 3,000 achi'a', y rije' xa xe'animej-pe roma xa xkixibij-pe-ki' chikiwech ri aj-Ai.

1 Rey 8:33

Wi ta ri nuwinaq xkech'akatej-el roma jun chik tinamit ri etzelanel qichin roma xemakun chawech rat, jak'a wi xa xtitzolin-pe kik'u'x y xtikik'utuj kuyubel-mak chawech y xtikiya' chik aq'ij ak'ojlen, y xtikik'utuj utzil chawe pa ruchojmilal re awachoch;

Wuj Richin Bix Chire ri Dios 44:10

Xaben chiqe chi xqatzolij-qi' chiqij chikiwech ri e etzelanel qichin. Xaya' q'ij chi rije' xkik'uaj-el ronojel ri k'o qik'in.

Wuj Richin ri Jeremías 44:11

Roma ri' kere' ninbij yin Jehová k'iytisanel richin ronojel: Re wakami, yin ninben chi ninteq-pe ri ruk'ayewal pan iwi' y xkixink'is rix aj-Judá.

Ez 15:7

Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Wuj Kichin ri To'onela' 3:8

Y roma ri' ri Jehová kan xyakatej janila royowal chikij y xerujech pa ruq'a' ri Cusán-risataim, rey richin Mesopotamia; y kan xkisamajij waqxaqi' juna'.

Wuj Kichin ri To'onela' 3:14

Y rije' waqxaqlajuj juna' xe'ok samajela' richin ri Eglón rey kichin ri aj-Moab.

Wuj Kichin ri To'onela' 6:2

Y rije' kan xkiben k'a chike ri israelita chi xkitej poqon, y roma ri' xkikanola' ri akuchi xkewala-wi-ki': Ek'o xkewala-ki' kojol taq juyu', pa ruwi' taq juyu' y pa taq jul ri ek'o chiri'. Chiri' xek'oje-wi richin xkito-ki'.

1 Sam 12:15

Jak'a wi rix man xtiwak'axaj ta ri ruch'abel ri Jehová y kan man xkixniman ta chire, jari' k'a toq rija' kan xtuya' ri rutojbalil-mak pan iwi' rix y pa ruwi' ri i-rey.

2 Rey 13:3

Y ri Jehová kan xyakatej janila royowal pa ruwi' ri tinamit Israel, y k'iy juba' juna' xerujech pa ruq'a' ri Hazael rey richin Siria, y pa ruq'a' ri Ben-hadad ri ruk'ajol.

2 Rey 13:7

Y kan man e k'iy ta chik aj-labal ri xek'oje' kan rik'in ri Joacaz, xaxe chik k'a e kawineq lajuj achi'a' ri yech'oke' chirij kiej, e lajuj carruaje y 10,000 aj-labal ri nikiben oyowal chikaqen, ri xekanej kan rik'in; roma ri rey richin Siria kan xeruk'is k'a konojel, kan xuben chike achi'el ri poqolaj.

Wuj Richin Bix Chire ri Dios 53:6

¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin ri Isaías 30:17

Xaxe k'a jun xkixoqotan-el ix 1,000 y iwonojel rix xkixanimej-el chikiwech e wo'o'. Xa kan juba' ri xkixk'oje' kan, achi'el toq nuyonij kan jun che' pa ruwi' jun juyu', o achi'el jun retal ri ya'on pa ruwi' jun juyu', xcha' ri Dios.

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri K'uxla'anik 2:4

Ri Dios kan xok k'a achi'el jun etzelanel qichin; xuchojmirisaj k'a ri ruk'aqbal-ch'ab richin chi xojruq'ijuj. Kan xuk'is k'a ronojel ri kan jebel rubanon, ri royowal kan xuya' k'a pe pa qawi' achi'el jun q'aq'.