Wuj Richin ri Chojmirisabelri'il 26:16 - Kaqchiquel Bible

¹⁶ yin kan xtinteq k'a pe jun nimalej ruk'ayewal ri nuk'en-pe xibinri'il. Chuqa' xtinteq k'a pe jun nimalej yabil chiwij richin xtuk'is ri iwuchuq'a' y xtinteq k'a pe nimalej k'aten chiwij y xtipe k'a por pa runaq' taq iwech roma ri nimalej k'aten ri'. Y kan xkixmayamo' k'a qa. Ri itiko'n ri xtiben-qa kan man xtitej ta chik roma xa ja ri etzelanel iwichin xketijo.

Wuj Richin ri Chojmirisabelri'il 26:16 ပူးပေါင်းရင်းမြစ်များ

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

Wuj Richin ri Achin Job 18:11

Xabakuchi k'a nibe-wi; kan jantape' ruxibin-ri'; y kan nuna' chi k'o tzeqelibeyon richin.

Wuj Richin ri Achin Job 20:25

Y ri ch'ab ri' xtuk'owisaj ri ruch'akul, y ri rutza'n ri ch'ab, ri nich'ich'an, kan xtuteq'uj ri ruk'ay. Kan jari' toq ri ránima xtuxibij-ri', roma kan jari' xutz'et ri rukamik.

Wuj Richin ri Achin Job 31:8

wi ta keri', utz ta nrelesaj ronojel ri nutikon-qa y nuya' chike ch'aqa' chik, y chuqa' ri nutikon-qa kan yek'uq-el chinuwech.

Wuj Richin Bix Chire ri Dios 109:6

Nu-Dios yin, tabana' k'a chire re wineq re' chi ri niq'aton-tzij pa ruwi', ja ta ri wineq ri banoy etzelal. Kan ja ta k'a ri rachibil ri k'o pa rijkiq'a' xtiyakatej chirij.

Wuj Richin Bix Chire ri Dios 73:19

Pa jun ramaj k'a xkewuluwu', y roma ri kixibinri'il xke'apon pa kamik.

Wuj Richin Bix Chire ri Dios 78:33

Roma ri' xuben chire ri kik'aslen chi xk'is achi'el nik'is-el ri kaq'iq', xuben chike chi ri juna' ri xek'ase-el, rik'in ruk'ayewal xkik'owisaj.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin Etamabel-Tzij 3:33

Ri Jehová kan ruyon k'a ri man utz ta ri nuteq pa ruwi' ri rachoch ri aj-mak, jak'a pa ruwi' ri rachoch ri wineq ri choj ruk'aslen kan ruyon k'a urtisanik ri nuteq-pe.

Wuj Richin ri Isaías 10:4

Kan man jun xtik'oje' kan iwik'in, xaxe xtiqasaj-iwi' chikiwech ri xkixuk'uan-el pa ximonri'il, ó xa xkixkamisex kan. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Isaías 62:8

Ri Jehová kan xuya' rutzij chi rik'in ri nimalej ruchuq'a' man jun bey chik xtuya' q'ij chi ja ri e etzelanel kichin xketijo ri kiway, ni man xtikiqum ta ki-vino ri aj-Sión.

Wuj Richin ri Isaías 7:2

Y toq xya'ox rutzijol chire ri rey Acaz y ri aj-Judá chi ri aj-Siria xjunamatej-kiwech kik'in ri aj-Israel, jari' toq ri aj-Judá kan janila xsilon ri kánima roma xibinri'il, achi'el toq yesilon ri nima'q taq che' roma ri kaq'iq'.

Wuj Richin ri Jeremías 12:13

Rije' xtikitik-qa trigo y xa ruyon k'ix ri xtel-pe. Ronojel ri kisamaj xa man jun xuq'ajuj-wi. Kan xek'ixbitej roma ri kitiko'n roma yin kan yakatajineq woyowal chikij.

Wuj Richin ri Jeremías 15:3

Yin Jehová ri yibin. Yin xtinteq kaji' ruwech ruk'ayewal pa kiwi': Xkekamisex pa labal o chuqa' xkekiwech' tz'i' o ja ri aj-xik' taq chikopi' ri xketijo ri kich'akul o ri chikopi' k'uxunela' xkek'ison kichin.

Wuj Richin ri Jeremías 15:8

Xtinben k'a chi xkemalkanej kan janila chi ixoqi', kan más e k'iy chuwech ri sanayi' ri k'o chuchi' ri palou. Kan ja ri pa nik'aj-q'ij xtinteq k'a pe ri kamik pa kiwi' ri alk'ualaxela'. Chuqa' chaq k'ate' k'a xtinya-pe bis y nimalej xibinri'il pa kiwi'.

Wuj Richin ri Jeremías 20:4

Roma ri Jehová kere' nubij: Xtinben k'a chawe chi xtak'en-qa akiy rat y ri awachibil xtikik'en akiy, roma xkekamisex chi espada koma ri e etzelanel iwichin. Y kan chawech k'a rat xtinjech-el chijun tinamit Judá pa ruq'a' ri rey richin Babilonia. Y rija' xkerukamisaj jujun chike rije' rik'in espada y ri ch'aqa' chik xkeruk'uaj-el pa ximonri'il.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Ez 24:23

Man xtiwelesaj ta ri kuchubel-ijolon, ni ta ri ixajab. Chuqa' man xtijiq' ta oq'ej. Xa kan xkixbek'is roma ri imak y kan junan k'a xkixjilon chi'iwonojel.

Ez 33:10

Rat Ezequiel, ri awinaq israelita nikibij chi janila k'iy ri kimak kejqalen y roma k'a ri kimak ri' xa kichapon yek'is-qa. Y nikik'utuj ri achike k'a yetikir nikiben richin yek'ase'.

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Wuj Richin ri Miqueas 6:15

Xtiben-qa ri itiko'n, jak'a xa man ja ta rix yixk'olo. Xtiyitz' k'a ri aceituna, jak'a xa man xtikusaj ta ri aceite. Xtiyitz' k'a ri uva, jak'a xa man xtiqum ta ri vino.

Wuj Richin ri Hageo 1:6

Rix xixtikonej-qa, jak'a xa juba' ok ri xik'ol. Yixwa', jak'a man ninoj ta ri ipan. Yixqumun, jak'a man nik'o ta qa ri chaqi'j-ichi'. Nikusaj itziaq pim, jak'a man yixmeq'e' ta chupan. Y ri nuk'ul rajel chiq'ij, achi'el xa nuk'ul pa jun peqes ri xa teq'el.

Wuj Richin ri Zacarías 14:12

Jak'a ri Jehová xtuteq-pe jun nimalej ruk'ayewal pa kiwi' ri winaqi' ri xkeyakatej chirij ri Jerusalem. Kan k'a yebiyaj na ri winaqi' toq xtuben yan chike chi xtiq'ey ri kich'akul; keri' chuqa' ri runaq' taq kiwech y ri kaq'.

Wuj Richin ri Malaquías 2:3

Chuqa' yin xtinya' ruk'ayewal pa kiwi' ri iwijatzul, y kan xtink'eq k'a el chi ipalej ri nikipamaj ri chikopi' ri ye'isuj chinuwech, richin junan xkixink'eq-el rik'in ri pamaj.

Deut 28:51

Rije' xkekitej ri kal ri iwawej y xkekitej ri itiko'n ri iya'on-qa chuwech ri iwulew y kan xkixk'ayewatej, man xtikiya' ta kan i-trigo, ni i-vino, ni ri aceite, ni ta ri taq alaji' kal ri e kokoj y nima'q taq iwawej, y roma ri' rix xkixken roma wayjal.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

Hebreos 10:31

¡Kan nimalej ruk'ayewal chire ri wineq wi niqaqa pa ruq'a' ri k'aslik Dios!

Wuj Kichin ri To'onela' 6:11

Chirij ri' xpe ri ángel richin ri Jehová pa tinamit Ofrá y xbetz'uye' chuxe' jun paten-che' richin ri Joás, ri rijatzul kan ri Abiézer. Y ri Joás k'o k'a jun ruk'ajol rubini'an Gedeón, y ri Gedeón najin chujosq'ixik juba' ru-trigo chiri' chupan ri yitz'bel-uva; y pan ewel k'a najin chubanik koma ri winaqi' aj-Madián.

1 Sam 2:33

Wi xtinya' ta kan jujun chike ri awijatzul richin yinkisamajij, xaxe richin xtikitej poqon. Jak'a konojel ri aj pan awachoch xkeken toq k'a man jani ke'ok-q'anej achi'a'.