Wuj Richin ri Chojmirisabelri'il 26:14 - Kaqchiquel Bible

¹⁴ Wi rix o ri iwijatzul man ninimaj ta nutzij y man niben ta achi'el ri nubin chiwe,

Wuj Richin ri Chojmirisabelri'il 26:14 ပူးပေါင်းရင်းမြစ်များ

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Chojmirisabelri'il 26:18

Wi chire ronojel re', man ninimaj ta nutzij kan xtinya' k'a wuqu' mul ri rutojbalil pan iwi' roma ri imak.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Hechos 3:23

Jak'a achike k'a ri man xtiniman ta chire, xtelesex k'a el chiqakojol ri oj rutinamit chik ri Dios, y xtiqaqa k'a ri kamik pa ruwi', nicha' ri rutz'iban kan ri Moisés.*f11*

Wuj Richin ri Malaquías 2:2

Wi rix man xtiwak'axaj ta y wi man xtinimirisaj ta ri nimalej nubi' rik'in ronojel ri iwánima, yin Jehová in k'iytisanel richin ronojel kan xtinwoyoj k'a pe ri itzel pan iwi'. Y pa ruwi' ri urtisanik ri ik'ulun chik wik'in yin, xa xtiqaqa itzel pan iwi'.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri Josúe 23:15

Wi xtiq'ej ruwi' ri rujikibel-tzij ri Jehová ri qa-Dios ri ruya'on chiwe, y kan xkixbe chikij ri jujun chik dios, xtiya' kiq'ij, y xke'isamajij; wi xtiben keri' ri Jehová ri qa-Dios xtuya-pe ruk'ayewal pan iwi'. Achi'el k'a ri urtisanik ri xuya' rija' pa qawi', keri' chuqa' xtuya-pe ri etzelanik pan iwi', y xkixruk'is-el chuwech ri ruwach'ulew ri xuya' chiqe, xcha' ri Josué.

Wuj Kichin ri To'onela' 2:15

Y xabakuchi k'a yebe-wi pan oyowal, ri Jehová man xeruto' ta y kan xuben chike chi nikitej poqon; achi'el rubin rija' chike, y kan rujikiban chi keri' nuben; y kan janila k'a xepoqonatej.

1 Sam 12:15

Jak'a wi rix man xtiwak'axaj ta ri ruch'abel ri Jehová y kan man xkixniman ta chire, jari' k'a toq rija' kan xtuya' ri rutojbalil-mak pan iwi' rix y pa ruwi' ri i-rey.

2 Crón 7:19

Jak'a wi rix y ri iwijatzul xtijech'ej kan iwi' wik'in yin, y wi man xtitaqej ta ronojel ri nupixa' ri nuya'on chiwe, y xa xke'isamajij ri ch'aqa' chik dios y kan xtiya' kiq'ij,

Wuj Richin Etamabel-Tzij 3:33

Ri Jehová kan ruyon k'a ri man utz ta ri nuteq pa ruwi' ri rachoch ri aj-mak, jak'a pa ruwi' ri rachoch ri wineq ri choj ruk'aslen kan ruyon k'a urtisanik ri nuteq-pe.

Wuj Richin ri Jeremías 11:8

Jak'a rije' xa man xkak'axaj ta y man xkiya' ta kixikin chire ri nuch'abel. Xa kan ja ri rurayibel ri kánima ri xuk'uan kichin y roma ri' xinben chi xpe ri ruk'ayewal pa kiwi', achi'el ri nubij chupan ri jikibel-tzij, xcha' ri Dios.

Wuj Richin ri Jeremías 26:4

Tabij chike chi yin Jehová kere' ninbij: Tinimaj nutzij y tibana' achi'el nubij ri nupixa'.

Wuj Richin ri Jeremías 28:8

Ri e q'alajirisey ri ruch'abel ri Dios ri xek'oje' ojer kan, k'a toq man jani qojalex roj, rije' xkiq'alajirisaj chi xtibanatej labal pa kiwi' nima'q taq ruwach'ulew y chi xtipe yabil y wayjal pa kiwi' ri nima'q taq q'atbel-tzij.

Wuj Richin ri Jeremías 40:2

Y ri Nebuzaradán xubij chuwe: Ri Jehová ri a-Dios xubij yan re jun ruk'ayewal re' pa ruwi' re aruwach'ulew.

Dn 9:13

Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

Os 7:12

Toq xkebe chuk'utuxik, yin kan xtinya' k'a achi'el jun ya'l richin pikbel, richin chi yetzaq chupan, achi'el toq yeqaqa ri aj-xik' taq chikopi' chupan ri pikbel. Xtinya' k'a rutojbalil ri kimak pa kiwi', roma ri itzel xekibanala'.

2 Rey 22:13

Kixbiyin richin nibek'ulubej ri Jehová pa nuwi' yin y pa kiwi' konojel winaqi' richin ri tinamit Judá, chirij ri ch'abel ri e tz'ibatel kan chupan ri wuj ri xilitej. Jujik chi ri Jehová yakatajineq royowal chiqij roma ri qate-qatata' man xeniman ta chire ri wuj ri', richin xkiben ta ronojel achi'el nubij ri tz'ibatel kan, xcha'.

2 Crón 34:24

Yin Jehová ninbij chi xtinteq-pe jun nimalej ruk'ayewal pa ruwi' re tinamit re' y pa kiwi' konojel ri winaqi' ri ek'o chupan, kan achi'el k'a ri itzel oyonik ri tz'ibatajineq kan chupan ri wuj ri xril, ri xsik'ix chuwech ri rey richin Judá.

Wuj Richin Bix Chire ri Dios 81:12

Roma ri' xenya' kan rik'in ri rukowirinen ri kánima; y xebiyin k'a achi'el ri xkajo' rije'.

Wuj Richin ri Jeremías 32:23

Rije' xe'ok k'a chupan ri ruwach'ulew ri', jak'a xa man xkinimaj ta ri atzij, ni man xkiben ta achi'el nubij ri apixa'. Kan man jun k'a xkiben chire ronojel ri xabij chike k'a re wakami, roma ri' rat xaben chi xpe jun ruk'ayewal pa qawi'.