Wuj Richin ri Chojmirisabelri'il 26:13 - Kaqchiquel Bible

¹³ Ja yin Jehová ri i-Dios ri xinelesan-pe iwichin pan Egipto richin chi man xixxime' ta chik pa samaj. Xinben chiwe richin xel ri ejqa'n chiwij y xixsolkopitej chuxe' ri ejqa'n ri'.

Wuj Richin ri Chojmirisabelri'il 26:13 ပူးပေါင်းရင်းမြစ်များ

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Wuj Richin Bix Chire ri Dios 116:16

Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Wuj Richin ri Chojmirisabelri'il 25:38

Ja yin Jehová ri i-Dios, ri xinelesan-pe iwichin pan Egipto richin ninya' ri ruwach'ulew Canaán chiwe y kan ja yin ri xinok i-Dios.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Chojmirisabelri'il 25:55

Yin Jehová ri i-Dios ri yibin chi kan titaqej k'a ronojel re' roma rix ix nusamajela' yin. Ja yin xinelesan-pe iwichin chupan ri ruwach'ulew Egipto.

Wuj Richin ri Isaías 51:23

Pa ruk'exel ri' rija' xtuya' chike ri e etzelanel iwichin. Rije' ojer kan xkibij chiwe chi tik'aqa-qa-iwi' pan ulew richin chi xkeq'ax-el chiwij. Roma rije' kan xebiyin pan iwi', achi'el yebiyin chupan ri bey.

Wuj Richin ri Chojmirisabelri'il 25:42

Man k'a kek'ayix achi'el loq'on samajela' roma yin xixinwelesaj-pe chi'iwonojel rix pan Egipto; roma kan ix wichin yin.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Ez 30:18

Ri aj-Egipto janila kinimirisan-ki' roma ri kuchuq'a'. Jak'a yin xtinwelesaj ri uchuq'a' y ri nimirisanen ri k'o kik'in. Ri chiri' pa tinamit Tafnes kan xtibeq'equmatej roma ri sib. Y chuqa' pa ruwi' chijun ri ruwach'ulew Egipto kan xtibemuqumu', rokik ri winaqi' xke'uk'uex-el pa ximonri'il.

Os 11:4

Kan xenbochi'ij k'a rik'in ajowabel, kan achi'el k'a jun te'ej ri nrejqaj ri ti ral, keri' xinben chike, kan xiqaqa k'a pe kik'in richin chi xentzuq.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Wuj Richin ri Isaías 9:3

Rat qa-Dios xtawinaqirisaj ri qatinamit. Y kan janila kikoten ri xtaya' chiqe. Kan janila xqojkikot awik'in, achi'el toq napon ri ruq'ijul richin nik'ol ri tiko'n, y achi'el toq yojkikot toq niqataluj ri xqamej-pe ri k'o rejqalen chuwi-kiq'a' ri e etzelanel qichin.

Wuj Richin ri Jeremías 28:2

Ri Jehová k'iytisanel richin ronojel, Dios richin ri tinamit Israel nubij chi rija' xtrelesaj ri ruchuq'a' ri rey richin Babilonia pan iwi' rix, achi'el nrelesaj ri yugo richin jun chikop.

Wuj Richin ri Jeremías 28:4

Chuqa' ri Jehová xtuben chire ri Jeconías ruk'ajol ri Joaquim, chi xtitzolin-pe y chirij rija' xkepe konojel aj-Judá ri xe'uk'uex-el pa ximonri'il chiri' pa Babilonia, roma ri Dios kan xtrelesaj-el ri ruchuq'a' ri Nabucodonosor, xcha' ri Hananías.

Wuj Richin ri Nahum 1:13

Wakami k'a xkatinwelesaj chuxe' ri kuchuq'a' rije'. Chuqa' kan xkatotej pa kiq'a'.