Wuj Richin ri Chojmirisabelri'il 26:10 - Kaqchiquel Bible

¹⁰ Kan k'a xtitej na ri iyakon kan roma kan pa ruk'iyal ri xk'oje' iwik'in; y toq xtik'en-pe ri k'ak'a' itiko'n, k'o chi xtiwelesaj-el ri k'a k'o na iwik'in richin niyek kan ri k'ak'a'.

Wuj Richin ri Chojmirisabelri'il 26:10 ပူးပေါင်းရင်းမြစ်များ

Wuj Richin ri Chojmirisabelri'il 25:22

Toq xtiben k'a qa ri itiko'n chupan ri ruwaqxaq juna' kan k'a xtitej na ri itiko'n ri iyakon kan chupan ri ruwaq juna'. Y chupan ri ruwaqxaq juna' toq nik'ol ri itiko'n ri xiben, kan k'a nitej na ri iyakon kan.

San Lucas 12:17

Roma ri' ri beyom ri' xuch'ob-qa pa ránima: ¿Achike ta ninben richin keri' ninyek ronojel ri ixin ri xink'ol? Roma kan man jun chik akuchi ninya-wi, xcha-qa.

2 Rey 19:29

Ri Isaías xubij chik chire ri Ezequías: Re' jare' jun retal chawe rat ri achike xtibebanatej: Re juna' re' y ri ruka'n juna' apo, rix xtitej trigo ri choj keri' nel-pe. Jak'a pa rox juna' yixbetikonej. Jari' toq yixtikir nitik-qa ruwech ri iwulew rik'in uva, y xtitej ri ruwech.

Wuj Richin ri Josúe 5:11

Chupan ri q'ij wolajuj richin ri ik' ri', jari' toq xkitej ri nabey mul ri ruwech ri tiko'n ri richin ri ruwach'ulew ri'. Xkitej k'a jalajoj ruwech ixin k'ilin y chuqa' xkitej kaxlan-wey ri maneq ch'amilej-q'or rik'in.

Joel 2:24

Ri akuchi nich'ay-wi ri trigo, kan xtinoj chik jun bey, y ri kik'ojelibal ri vino y ri aceite kan xtipulin chik.