Wuj Richin ri Chojmirisabelri'il 25:55 - Kaqchiquel Bible

⁵⁵ Yin Jehová ri i-Dios ri yibin chi kan titaqej k'a ronojel re' roma rix ix nusamajela' yin. Ja yin xinelesan-pe iwichin chupan ri ruwach'ulew Egipto.

Wuj Richin ri Chojmirisabelri'il 25:55 ပူးပေါင်းရင်းမြစ်များ

Wuj Richin ri Chojmirisabelri'il 25:42

Man k'a kek'ayix achi'el loq'on samajela' roma yin xixinwelesaj-pe chi'iwonojel rix pan Egipto; roma kan ix wichin yin.

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

1 Corintios 9:21

Y toq yik'oje' chikikojol ri winaqi' ri man e judío ta, ri man ek'o ta chuxe' ri rupixa' ri Moisés, kan ninna' k'a qa wi' chi man in judío ta. Keri' ninben roma ninwajo' chi rije' chuqa' nikikuquba' kik'u'x rik'in ri Cristo. Jak'a chuqa' man ninbij ta chi ninmestaj kan ri rupixa' ri Dios, roma kan ninben-wi ronojel ri xubij ri Cristo.

1 Corintios 9:19

Stape' yin man in ximil ta chuxe' rutzij jun wineq, jak'a pa wánima yin xalex-wi chi xixime' chubanik ri niqa' chikiwech konojel, richin ek'o ta más ri nikikuquba' kik'u'x rik'in ri Cristo.

Romanos 6:22

Jak'a re wakami ri mak kan man jun chik ruq'a' chiwe; xa kan ixk'o chik pa ruq'a' ri Dios. Roma ri' toq ik'ulun chik jun k'aslen ch'ajch'oj, y pa ruk'isibel nuk'en-pe ri k'aslen ri man k'isel ta.

Romanos 6:14

Ruk'amon chi ri mak kan man jun ta chik ruq'a' chiqe. Pa ruk'exel re' ja ta ri rutzil ri Dios nitz'eton ri niqaben, y man ja ta ri pixa'.

Wuj Richin ri Isaías 43:3

Roma ja yin Jehová, ri in i-Dios. Ja yin ri Loq'olej ri ink'o pan iwi' rix israelita. Chuqa' yin ri in ikolonel. Kan xinya' ri tinamit Egipto richin xixinkol, y ri tinamit Etiopía y ri Sabá xinya' pan ik'exel.

Wuj Richin Bix Chire ri Dios 116:16

Jehová, kan qitzij na wi chi yin in asamajel rat. Xkatinsamajij achi'el xarusamajij ri nte', roma kan xinawelesaj-pe chupan ri ximonri'il.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Wuj Richin ri Chojmirisabelri'il 25:54

Wi xa man ta nikolotej, xtikolotej ta k'a toq xtapon ri juna' toq nitzolix ronojel, y chuqa' xkekolotej ri ralk'ual.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.