Wuj Richin ri Chojmirisabelri'il 25:5 - Kaqchiquel Bible

⁵ Chuqa' man tik'ol ruwech ri pixik' y chuqa' man ye'iwux ri ruwech ri uva, roma re' kan juna' richin uxlanen richin ri ulew.

Wuj Richin ri Chojmirisabelri'il 25:5 ပူးပေါင်းရင်းမြစ်များ

Wuj Richin ri Isaías 37:30

Y k'ari' xubij chire ri Ezequías: Re' jare' jun retal chawe rat, ri achike xtibebanatej: Re juna' re' y ri ruka'n apo juna', rix xtitej trigo ri choj keri' nel-pe. Jak'a pa rox juna' yixbetikonej. Jari' toq yixtikir nitik-qa ruwech ri iwulew rik'in uva, y xtitej ri ruwech.

2 Rey 19:29

Ri Isaías xubij chik chire ri Ezequías: Re' jare' jun retal chawe rat ri achike xtibebanatej: Re juna' re' y ri ruka'n juna' apo, rix xtitej trigo ri choj keri' nel-pe. Jak'a pa rox juna' yixbetikonej. Jari' toq yixtikir nitik-qa ruwech ri iwulew rik'in uva, y xtitej ri ruwech.

Wuj Richin ri Chojmirisabelri'il 25:4

Jak'a ri pa ruwuq juna' k'o chi nuxulan ri ulew richin niya' nuq'ij: Man k'a kixtiko'n chupan ri juna' ri' y man k'a ke'iwelesaj-el ri ruq'a' ri uva.

Wuj Richin ri Chojmirisabelri'il 25:6

Chupan ri juna' ri', xabachike k'a utz niberuk'ama' juba' pixik' ri yebe'el-pe chupan ri ulew richin nitej: Rix, ri isamajela' chi achi'a' chi ixoqi' ri e yuqul pa samaj iwik'in y chuqa' ri man e iwinaq ta ri ek'o chi'ikojol,

Wuj Richin ri Chojmirisabelri'il 25:11

Ri juna' toq nitzolix ronojel kan jun juna' richin uxlanen chiwe rix: Roma man jun tiko'n niben y man ye'ik'ol ta ri pixik' ri yebe'el-pe chupan ri iwulew, ni man ye'iwelesaj ta el ri ruq'a' uva y man ye'iwux ta ruwech.