Wuj Richin ri Chojmirisabelri'il 25:48 - Kaqchiquel Bible

⁴⁸ Wi ri ruk'ayin ri' k'o ta jun ruchaq' o jun runimal, rije' k'o kiq'a' richin nikikol.

Wuj Richin ri Chojmirisabelri'il 25:48 ပူးပေါင်းရင်းမြစ်များ

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

Wuj Richin ri Nehemías 5:5

Wakami qonojel k'a roj israelita, ri qalk'ual y ri qamam xa oj junan; xa junan ri qati't-qamama'. Man rik'in ri' ri qalk'ual xe'ok pan ilinri'il kik'in ch'aqa' chik qawinaq. Kan banatajineq chik k'a, chi ek'o chike ri qami'al e ximon chik pa samaj. Roj man jun yojtikir niqaben richin yeqakol roma ri qulew y ri qatiko'n richin uva xa kan kichin chik k'a ri qawinaq, xecha'.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Wuj Richin ri Chojmirisabelri'il 25:35

Wi k'o ta jun iwinaq nipe ta jun ruk'ayewal chirij, y napon ta iwik'in, kan tito'. Tibana' utzil chire richin xtik'ase' chi'inaqaj achi'el jun man iwinaq ta ri k'o chi'ikojol, o xa choj q'axel.

Wuj Richin ri Chojmirisabelri'il 25:47

Rik'in juba' k'o ta jun ri man iwinaq ta ri k'o chi'ikojol ri kan xbeyomer. Y chuqa' rik'in juba' k'o ta jun iwinaq ri k'o chunaqaj rija' y nipe ta jun ruk'ayewal chirij. Y ri iwinaq nuk'ayij ta ri' rik'in ri beyom ri' o rik'in jun chike ri e ralk'ual ri beyom.

Wuj Richin ri Chojmirisabelri'il 25:49

Y chuqa' ri k'o kiq'a' richin yekolon ja ri ruch'utitata', o jun ruk'ajol ri ruch'utitata', o jun rach'alal ri k'o más naqaj chire. Y wi ri ruk'ayin-ri' nitikir ta nuch'ek ruméro, k'o ruq'a' richin nukol-el-ri' ruyon rija'.