Wuj Richin ri Chojmirisabelri'il 25:43 - Kaqchiquel Bible

⁴³ Man k'a ke'iya' pa tijoj-poqonal ri iwinaq ri kik'ayin-ki' iwik'in rix, xa kan titaqej k'a ri nubin yin.

Wuj Richin ri Chojmirisabelri'il 25:43 ပူးပေါင်းရင်းမြစ်များ

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

2 Crón 28:10

Keri' chuqa' rix kan ich'obon chi ri winaqi' aj-Judá y aj-Jerusalem, chi achi'a' chi ixoqi', ye'ok samajela' ri yeyuqe' pa samaj iwik'in. Jak'a rik'in ronojel re yixtajin chubanik, rix kan ix makuwineq chuwech ri Jehová ri qa-Dios.

Wuj Richin ri Achin Job 31:13

Wi yin man ta xinchojmirisaj ri kich'ojinik ri nusamajela', wi man ta xinwak'axaj ri ruch'ojinik ri nusamajel achin y ri ruch'ojinik ri nusamajel ixoq, toq xe'oqaqa wik'in,

Wuj Richin ri Achin Job 31:14

wi man ta choj xinben kik'in ¿Achike ta kami ninben yin toq yibepa'e' chuwech ri Dios? Y ¿achike ta kami ninbij chire toq rija' nuq'et-tzij pa nuwi' roma ri nubanobal?

Ex 1:17

Jak'a ri k'exelo'n ri' kan xkixibij-ki' chuwech ri Dios y man xkiben ta achi'el ri xubij ri rey chike, roma ri' rije' xa man xekikamisaj ta ri taq alaboni'.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

Ex 5:14

Y toq man xetikir ta xkiben, kan janila k'a xech'ay ri caporal koma ri aj-raqen ri e ruya'on ri rey, y xkik'utuj k'a chike: ¿Achike roma man xijech ta ronojel ri xan richin iwir y chuqa' re wakami man xijech ta achi'el ri ibanon-pe?, xecha' chike.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin ri Isaías 58:3

Y man rik'in ri' nikik'utuj achike roma yemewayin, y yin man yentz'et ta. Nikik'utuj achike roma nikiya-ki' pa k'ayew, y yin xa man yentz'et ta. Jak'a yin Jehová ninbij chike: ¿Achike roma nibij keri', toq xa niben ri achike niqa' chiwech chupan ri q'ij richin meway? Y chuqa' niben chike ri isamajela' chi janila yesamej chupan ri q'ij ri'.

Ez 34:4

Rix man ye'ibochi'ij ta, achi'el ri yuq'unel ri man yeruto' ta juba' ri taq karne'l ri maneq kuchuq'a', ni man yeraq'omaj ta juba' ri taq e yawa'i' ni man nupis ta juba' kaqen toq e q'ajineq y ni man yerukanoj ta ri yesach kan. Keri' rix kan e iya'on pa poqon.

Wuj Richin ri Chojmirisabelri'il 25:17

Man k'a ke'iq'ol ri iwinaq, xa kan xtik'oje' nukiy chiwech, roma ja yin in Jehová ri i-Dios rix.

Wuj Richin ri Chojmirisabelri'il 25:42

Man k'a kek'ayix achi'el loq'on samajela' roma yin xixinwelesaj-pe chi'iwonojel rix pan Egipto; roma kan ix wichin yin.

Wuj Richin ri Chojmirisabelri'il 25:44

Wi niwajo' ye'iloq' isamajela' chi achi'a' chi ixoqi', ke'iloq'o' k'a ri aj juk'an chik ruwach'ulew ri ek'o chi'inaqaj.

Wuj Richin ri Chojmirisabelri'il 25:46

Y kan ye'iya' kan chike ri iwalk'ual richin nikichinaj kan toq rix yixken-el. Kan xke'ok k'a kan kichin ri iwijatzul richin yekisamajij rije'. Y rix israelita man k'a ke'iya' pa tijoj-poqonal ri iwinaq.

Wuj Richin ri Chojmirisabelri'il 25:53

Rix k'o chi nitz'et chi ri beyom man tuya' pa tijoj-poqonal ri iwinaq ronojel q'ij ri xtik'oje' rik'in rija'. Jak'a kan utz tubana' rik'in achi'el jun samajel richin chi q'ij.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Efesios 6:9

Y keri' chuqa' rix ajaw; ja ri utz ri tibana' kik'in ri isamajela'. Y man jun itzel tibila' o tibanala' chike richin tikixibij-ki'. Rije' kan k'o kajaw ri chila' chikaj. Man timestaj k'a chi rix chuqa' k'o jun iwajaw. Y rija' kan junan nuben chiqe qonojel.

Deut 25:18

Chi rije' man xkixibij ta ki' chuwech ri Dios. Rije' xojkichop chi oyowal toq janila oj kosinaqi' chik y maneq chik quchuq'a', y ja ri ek'o kan chiqij ri xekichop nabey.

Colosenses 4:1

Rix ajaw, kan xaxe k'a ri utz y ri choj tibana' kik'in ri isamajela', toqaqa chi'ik'u'x chi rix chuqa' k'o jun iwajaw chila' chikaj.