Wuj Richin ri Chojmirisabelri'il 25:39 - Kaqchiquel Bible

³⁹ Wi k'o ta jun iwinaq ri k'o chi'inaqaj, y nipe ta jun ruk'ayewal pa ruwi' y nuk'ayij ri' iwik'in richin nisamej, man k'a tiben chire achi'el xa jun loq'on samajel.

Wuj Richin ri Chojmirisabelri'il 25:39 ပူးပေါင်းရင်းမြစ်များ

Ex 21:2

Wi ta rix niloq' jun isamajel, ri xa iwinaq, waqi' k'a juna' xkixrusamajij. Jak'a chupan ri ruwuq juna', xtitotej-el y kan man jun k'a ri k'o chi xtutoj kan chiwe.

1 Rey 9:22

Jak'a kan man jun chike ri ruwinaq israelita ri xe'ok ta iliy richin, roma ek'o chike rije' ri xe'ok aj-labal y e aj-raqen pa kiwi', ek'o ri xe'ok rusamajel richin q'atbel-tzij, ek'o ri xe'ok tata'al y ek'o ri xe'ok aj-raqen pa kiwi' ri ye'uk'uan carruaje y achi'a' ri yech'oke' chirij kiej.

Wuj Richin ri Nehemías 5:5

Wakami qonojel k'a roj israelita, ri qalk'ual y ri qamam xa oj junan; xa junan ri qati't-qamama'. Man rik'in ri' ri qalk'ual xe'ok pan ilinri'il kik'in ch'aqa' chik qawinaq. Kan banatajineq chik k'a, chi ek'o chike ri qami'al e ximon chik pa samaj. Roj man jun yojtikir niqaben richin yeqakol roma ri qulew y ri qatiko'n richin uva xa kan kichin chik k'a ri qawinaq, xecha'.

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

Wuj Richin ri Chojmirisabelri'il 25:46

Y kan ye'iya' kan chike ri iwalk'ual richin nikichinaj kan toq rix yixken-el. Kan xke'ok k'a kan kichin ri iwijatzul richin yekisamajij rije'. Y rix israelita man k'a ke'iya' pa tijoj-poqonal ri iwinaq.

Wuj Richin ri Jeremías 34:14

toq xtitz'aqet wuqu' juna', chikijujunal rije' ri k'o jun loq'on samajel kik'in, k'o chi xtiya'ox q'ij chire richin nitotej-el. Jak'a ri ite-itata' man xinkak'axaj ta y man xkiya' ta kixikin chire ronojel re'.

Wuj Richin ri Jeremías 30:8

Yin Jehová k'iytisanel richin ronojel, kan xkixinkol-wi chupan ri tijoj-poqonal. Xtinq'ej k'a ri yugo ri ya'on chi'iqul. Chuqa' xtinraq'ach'ij ri kolo' ri achoq ik'in ixximon-wi, richin rix man jun bey chik xkixxime' pa taq kow samaj kik'in ri man e iwinaq ta.

Wuj Richin ri Jeremías 27:7

Y konojel k'a tzobaj winaqi' xtikilij ri Nabucodonosor, chuqa' ri ruk'ajol y ri rumam, k'a ja toq xtapon na ri q'ij chi ri kiruwach'ulew xtik'oje' chuxe' rutzij nima'q taq tzobaj winaqi' y chuxe' kitzij ri rey ri kan k'o janila kiq'ij.

Wuj Richin ri Jeremías 25:14

Chuqa' rije' xke'uk'uex pa ximonri'il koma nima'q taq tzobaj winaqi'. Keri' yin Jehová xtinya' ri rutojbalil-mak pa kiwi', xicha' chike.

Ex 22:3

Jak'a wi paq'ij xukamisaj ri eleq'om, kan xtiq'alajirisex k'a chi kan kamisanel. Y toq jun eleq'om nichap, kan xtutoj k'a ronojel ri xreleq'aj y wi maneq achoq ik'in nutoj-wi, kan xtik'ayix k'a el rija' richin nutoj ri releq'.

Ex 1:14

Kan xk'ayewatej k'a ri kik'aslen roma ri ilinri'il xya'ox pa kiwi'. Xeya'ox k'a pa banoj ch'abeq richin xkiben xan chire richin nok ladrillo y ronojel ri kow taq samaj richin pa juyu', y kan xetz'ilox k'a chubanikil ri samaj ri'.

San Mateo 18:25

Roma ri samajel ri' man nitikir ta nutoj ri ruk'as, roma ri' ri rey xubij chi tik'ayix ri samajel ri', rachibilan ri rixjayil y ri e ralk'ual; y chuqa' kan xtik'ayix ronojel ri k'o rik'in, richin chi nitojtej ri ruk'as.

2 Crón 28:10

Keri' chuqa' rix kan ich'obon chi ri winaqi' aj-Judá y aj-Jerusalem, chi achi'a' chi ixoqi', ye'ok samajela' ri yeyuqe' pa samaj iwik'in. Jak'a rik'in ronojel re yixtajin chubanik, rix kan ix makuwineq chuwech ri Jehová ri qa-Dios.

Wuj Richin ri Jeremías 34:8

Ri Jehová xch'on chik wik'in yin Jeremías, chirij toq ri rey Sedequías xuben jun jikibel-tzij kik'in konojel ri winaqi' richin ri tinamit Jerusalem richin chi tikiya-el q'ij chike ri kisamajela' richin yetotej-el.

Wuj Richin ri Jeremías 34:9

Y rija' xubij chike chi wi k'o loq'on taq samajela' aj-Judá, achi'a' o ixoqi', k'o chi tikiya-el q'ij chike richin yetotej-el richin chi man jun kiwinaq nok kisamajel.