Wuj Richin ri Chojmirisabelri'il 25:35 - Kaqchiquel Bible

³⁵ Wi k'o ta jun iwinaq nipe ta jun ruk'ayewal chirij, y napon ta iwik'in, kan tito'. Tibana' utzil chire richin xtik'ase' chi'inaqaj achi'el jun man iwinaq ta ri k'o chi'ikojol, o xa choj q'axel.

Wuj Richin ri Chojmirisabelri'il 25:35 ပူးပေါင်းရင်းမြစ်များ

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

1 Juan 3:17

Jak'a wi k'o jun ri k'o ronojel rik'in ri nik'atzin chire, y nutz'et jun rach'alal ri man jun ruway o rutziaq, y kan man nubij ta ránima richin nuto', kan niq'alajin chi man jun ajowabel richin ri Dios rik'in.

Hechos 11:29

Roma ri' ri qach'alal ri ek'o pan Antioquía xkich'ob k'a yekito-el ri qach'alal ri ek'o pa Judea, chi chikijujunal k'a nikiya-el ri janipe' yetikir nikiya'.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Wuj Richin Bix Chire ri Dios 112:5

Ri utzilej wineq k'o joyowanik rik'in y k'o nuya' pa qajik, ri wineq ri' nik'ayin y niloq'on pa ruchojmilal.

Wuj Richin Bix Chire ri Dios 41:1

Jebel ruwa-ruq'ij ri wineq ri yeruto' ri ek'o pa meba'il. Toq xtipe ri q'ij richin ruk'ayewal, kan xtito'ox roma ri Jehová.

Wuj Richin Bix Chire ri Dios 37:26

Ri choj ruk'aslen jantape' k'o joyowanik rik'in, y nuya' ri niqaj chire. Y koma ri ralk'ual nikil urtisanik ch'aqa' chik winaqi'.

Hebreos 13:2

Toq ek'o ye'apon chi'iwachoch, man k'a tipoqonaj ye'ik'ul. Roma banatajineq chi roma ri samaj ri' ek'o ángel ri e apowineq pa taq jay, y ri xek'ulun kichin man xkinabej ta.

Gálatas 2:10

Xaxe k'a xkichilabej-pe chiqe chi kan ke'oqaqa chiqak'u'x ri man jun k'o kik'in ri ek'o pa Jerusalem. Y jari' ri nintej nuq'ij ninben.

2 Corintios 9:1

Pa ruwi' ri to'onik kichin ri qach'alal ri ek'o pa Jerusalem, man nik'atzin ta chi k'o ta más ninbij-el chiwe.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

Romanos 12:20

Y chuqa' nubij chi ruk'amon chi roj niqaya' ruway ri etzelanel qichin, y wi ta chaqi'j ruchi', ruk'amon richin niqaya' ruya'. Y wi niqaben keri' rik'in, ri etzelanel qichin xa xtiq'aq'er rupalej roma k'ix, nicha' ri ruch'abel ri Dios.

Romanos 12:18

Man k'a tiben oyowal; xa titija' iq'ij chi nik'oje' uxlanibel-k'u'x iwik'in kik'in konojel winaqi'.

Romanos 12:13

Toq ek'o ch'aqa' qach'alal ri k'o nik'atzin chike, kan ke'ito'. Y wi ek'o qach'alal ri e aj juk'an chik, man kixkos richin nisuj chike richin ye'uxlan kan pan iwachoch y niya' ri nik'atzin chike.

San Juan 12:8

Roma ri winaqi' ri man jun k'o kik'in, kan jantape' k'a ek'o iwik'in. Jak'a yin man jantape' ta xkik'oje' iwik'in, xcha' rija'.

Marcos 14:7

Roma ri winaqi' ri man jun k'o kik'in xa kan jantape' k'a ek'o chi'ikojol, y xabachike q'ij niwajo' ye'ito', kan tibana' k'a utzil chike. Jak'a yin man jantape' ta xkik'oje' iwik'in.

San Mateo 25:35

Roma toq yin xiwayjan, rix xiya' nuway. Toq yin xchaqi'j nuchi', rix xiya' nuya'. Toq xk'atzin akuchi ta xik'oje-wi, rix kan xiya' q'ij chuwe.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin Etamabel-Tzij 17:5

Ri xa nutze'ej ri wineq ri man jun k'o rik'in, xa chirij k'a ri xk'iytisan richin nitze'en-wi; roma ri xa nitze'en chirij ri ruk'ayewal, xa kan xtapon k'a chupan ri ruk'ayewal ri'.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Wuj Richin ri Chojmirisabelri'il 19:34

Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

Ex 22:25

Toq niya' méro pa qajik chire jun iwinaq, ri kan man jun k'o rik'in, man tik'utuj ral chire.

Deut 23:19

Man tich'ojij chire jun iwinaq richin nutoj ral ri qajo'n ri rubanon iwik'in, wi ta méro, o xabachike ri yetij o xabachike ri ruqajon iwik'in.

Wuj Richin ri Nehemías 5:1

Chupan k'a ri q'ij ri', ri achi'a' richin ri tinamit y ri kixjayilal xkiben jun nimalej ch'ojinik chikij ch'aqa' qawinaq.

Ex 22:24

y yin kan xtiyakatej k'a woyowal y xkixinkamisaj rik'in espada y ri iwixjayilal kan xkemalkanej kan y ri iwalk'ual xke'ok kan meba'i'.

Wuj Richin ri Nehemías 5:3

Y ek'o ch'aqa' chik nikibij chi roma maneq chik kiway, roma ri' k'o chi xkiyuqubala' kan ri ruwujil ri kulew akuchi kitikon-wi uva y chuqa' ri ruwujil ri kachoch.

Wuj Richin ri Achin Job 31:16

K'ayew ta chuwe yin wi man ta xento' ri winaqi' ri xa man jun k'o kik'in, o man ta xinto' ri malka'n ixoq ri k'o nik'atzin chire y roma ri' e sipojineq ta chik runaq' taq ruwech roma oq'ej.