Wuj Richin ri Chojmirisabelri'il 25:28 - Kaqchiquel Bible

²⁸ Jak'a wi man xtitikir ta xtuch'ek ruméro richin nuloq' chik kan ri rulew ri xuk'ayij, ri ulew ri' xtik'oje' pa ruq'a' ri xloq'on, y k'a toq xtapon ri juna' toq nitzolix ronojel k'ari' xtitzolix chire.

Wuj Richin ri Chojmirisabelri'il 25:28 ပူးပေါင်းရင်းမြစ်များ

Wuj Richin ri Jeremías 32:15

Roma rija' nubij chi k'o jun q'ij xkeloq' chik jay, qasanbel-ulew, y ulew ri akuchi e tikon-wi uva chuwech, xicha' chire.

Wuj Richin ri Chojmirisabelri'il 25:13

Chupan ri juna' toq nitzolix ronojel kan xtok chik k'a iwichin ri iwulew.

Wuj Richin ri Chojmirisabelri'il 25:10

Kan xtiya' k'a janila rejqalen ri juna' kawineq lajuj. Chupan k'a ri juna' ri' ronojel ri ulew ri k'ayin xa kan xtitzolix chire ri rajaw o chire jun rijatzul. Y chuqa' xabachike wineq ri k'ayin richin jun samajel ri niyuqe' pa samaj xtisq'opex-el richin nibe kik'in ri aj pa rachoch.

Wuj Richin ri Chojmirisabelri'il 25:29

Wi k'o ta jun nuk'ayij ri ruxoral ri k'o rachoch chupan, ri k'o pa tinamit sutin rij chi tz'aq, k'o ruq'a' chire richin pa nabey juna' nuloq' chik kan jun bey.

Wuj Richin ri Chojmirisabelri'il 25:30

Wi ta rija' man nitikir ta nukol ri ruxoral chupan ri juna' ri', kan xtik'oje' k'a kan pa ruq'a' richin q'asen ri achike ri xloq'on o xtik'oje' kan pa kiq'a' ri rijatzul, y chupan ri juna' toq nitzolix ronojel, man xtitzolix ta chik chire.

Wuj Richin ri Chojmirisabelri'il 25:41

K'ari' rija' y ri e ralk'ual xketotej-el pan iwachoch, y xketzolej kik'in ri kach'alal y xkebek'oje' chupan ri kachoch ri kichinan kan.

Wuj Richin ri Chojmirisabelri'il 27:24

Y toq napon ri juna' toq nitzolix ronojel, ri ulew ri' xtitzolix k'a chire ri nabey rajaw o chike ri e rijatzul kan rija'.