Wuj Richin ri Chojmirisabelri'il 25:24 - Kaqchiquel Bible

²⁴ Roma ri' chupan chijun ri iruwach'ulew kan xtiya' q'ij richin chi ri wineq nukol ri rulew.

Wuj Richin ri Chojmirisabelri'il 25:24 ပူးပေါင်းရင်းမြစ်များ

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

Efesios 1:14

Ri Espíritu ri' nujikiba' chiqe chi k'o más xtiqichinaj chila' chikaj, toq kan xtitz'aqet ri qakolotajik ri kan rubanon chik chiqe chi oj richin chik rija'. Y ronojel re' richin niqanimirisaj rubi' y niqaya' ruq'ij-ruk'ojlen ri Dios.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

Wuj Richin ri Chojmirisabelri'il 25:31

Jak'a wi ri xoral k'o chupan ko'ol tinamit ri man sutin ta rij chi tz'aq, re' kan junan rubanikil xtiban chire rik'in ri ulew richin tiko'n. K'o ruq'a' chire richin nukol, y wi man nitikir ta nukol, k'a ja chupan ri juna' toq nitzolix ronojel, k'ari' xtitzolix chik.

Wuj Richin ri Chojmirisabelri'il 25:27

Xtrajlaj k'a janipe' juna' nrajo' richin napon ri juna' toq nitzolix ronojel, richin nibeqaqa-pe ri rajel, y jari' ri xtutzolij chire ri xloq'on, y ri ulew xtok chik kan richin rija'.

Wuj Richin ri Chojmirisabelri'il 25:23

Man k'a tik'ayij ri iwulew richin q'asen, roma ri ulew ri akuchi ixk'o-wi kan wichin yin, roma rix xa ix q'axel y man ja ta rix ri ix rajaw.

Wuj Richin ri Chojmirisabelri'il 25:25

Wi k'o ta jun iwinaq ri nik'oje' pa meba'il y roma ri' nuk'ayij juba' rulew, ri rach'alal ri k'o más naqaj chire rija' k'o chi nuloq' kan ri nuk'ayij kan ri rach'alal.

Ez 7:13

Y wi k'o ta jun nuk'ayij rulew, kan man jun bey chik xtitikir xtukol, stape' k'a k'iy juna' xtik'ase-el, roma kan konojel xkenwelesaj-el. Y re' kan jujik chi xtibanatej roma kan man xtinjel ta chik ri nuch'obonik.

Wuj Richin ri Jeremías 32:7

nipe ri Hanamel ruk'ajol ri nuch'utitata' Salum. Y xubij chuwe chi ri Hanamel xtoch'on wik'in pa ruwi' jun ulew y xtubij chuwe chi tinloq'o' ri rulew rija' ri k'o pa tinamit Anatot, roma ja yin ri in rach'alal ri ink'o más naqaj y roma ri' ruk'amon richin ninloq'.