Wuj Richin ri Chojmirisabelri'il 25:19 - Kaqchiquel Bible

¹⁹ Ri ulew kan xtiwachin k'a y xtitej ronojel ri xtuya' y kan xtinoj k'a ipan chire y kan xkixk'ase' chiri' rik'in uxlanibel-k'u'x.

Wuj Richin ri Chojmirisabelri'il 25:19 ပူးပေါင်းရင်းမြစ်များ

1 Rey 5:5

Roma ri' yin wakami ninwajo' ninpaba-q'anej jun rachoch ri Jehová ri nu-Dios, roma kan keri' rubin chire ri nata' toq k'a k'es na rija'. Ri Jehová xubij chire ri nata' chi xtuya' kan jun chike ri ruk'ajol pa ruk'exel rija' chupan ri ruq'atbal-tzij. Y chuqa' xubij chi ri ruk'ajol ri', jari' ri xtipaban-q'anej ri rachoch.

Wuj Richin Bix Chire ri Dios 67:6

Re ruwach'ulew kan xtiwachin k'a; roma rat xqojawurtisaj, rat ri at qa-Dios.

Wuj Richin Bix Chire ri Dios 85:12

Ri Jehová kan xtuya' k'a ri urtisanik pa qawi', y ri qaruwach'ulew kan xtiwachin k'a.

Wuj Richin Etamabel-Tzij 1:33

Jak'a ri wineq ri kan nuben ri nubij ronojel re na'oj re', kan kuqul k'a ruk'u'x xtik'ase', kan k'o k'a uxlanen pa ruk'aslen, y man nuxibij ta ri' chi k'o ta nuk'uluwachij.

Wuj Richin ri Isaías 1:19

Y wi rix xtiwak'axaj ri nuch'abel y xtinimaj nutzij, kan xtitej k'a ri xtiwachin chuwech re ruwach'ulew.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Ez 36:30

Kan xtinben k'a chi janila xkewachin ri jalajoj ruwech che' y kan xtiwachin k'a ri ulew, richin man jun bey chik xtiqasex iq'ij chikikojol ri ch'aqa' chik winaqi' roma wayjal.

Joel 2:24

Ri akuchi nich'ay-wi ri trigo, kan xtinoj chik jun bey, y ri kik'ojelibal ri vino y ri aceite kan xtipulin chik.

Joel 2:26

Kan xkixwa' k'a jebel, kan k'a ja toq xtinoj na ri ipan. Chupan ri q'ij ri', rix kan xtiya' k'a nuq'ij yin, roma kan xenben meyel taq banobel iwik'in. Y kan man jun bey chik xkixink'ixbisaj rix ri nutinamit.

Wuj Richin ri Chojmirisabelri'il 25:18

Kan tiyaka' k'a pa taq iwánima ronojel ri chojmirisabel y ri pixa' ri nuya'on chiwe, y kan titaqej k'a, richin keri' kan xkixk'ase' rik'in uxlanibel-k'u'x chuwech re ruwach'ulew.

Wuj Richin ri Chojmirisabelri'il 25:20

Rik'in juba' xtibij-qa ¿Achike k'a xtiqatej chupan ri juna' wuqu' wi man jun xtiqatik-qa y kan man jun xtiqak'ol?

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Wuj Richin ri Chojmirisabelri'il 26:6

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.