Wuj Richin ri Chojmirisabelri'il 25:17 - Kaqchiquel Bible

¹⁷ Man k'a ke'iq'ol ri iwinaq, xa kan xtik'oje' nukiy chiwech, roma ja yin in Jehová ri i-Dios rix.

Wuj Richin ri Chojmirisabelri'il 25:17 ပူးပေါင်းရင်းမြစ်များ

Wuj Richin ri Chojmirisabelri'il 19:32

Toq nitz'et jun wineq ri kan k'o chik k'iy rujuna', wi ix tz'uyul, kan kixpa'e' richin nik'ut chi kan k'o ruq'ij, y keri' nik'ut chi yin chuqa' k'o nuq'ij. Yin Jehová ri yibin.

Wuj Richin ri Chojmirisabelri'il 19:14

Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.

Wuj Richin ri Chojmirisabelri'il 25:43

Man k'a ke'iya' pa tijoj-poqonal ri iwinaq ri kik'ayin-ki' iwik'in rix, xa kan titaqej k'a ri nubin yin.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

Romanos 11:20

Jak'a rije' roma ri man xkinimaj ta ri Dios, roma ri' toq xe'elesex-el. Y rix xaxe roma ikuquban ik'u'x rik'in ri Dios toq ixk'o kan pa kik'exel. Roma ri' man ruk'amon ta chi ninimirisaj-iwi'. Xa tixibij-iwi'.

Romanos 3:18

Rije' kan man jun bey nikiquqa' chi nikixibij ta ki' chuwech ri Dios, keri' nubij ri tz'ibatel kan.

Hechos 10:35

Xabachike ta ri qatinamit chiri', ri Dios kan utz yojrutz'et qonojel ri kan niqaxibij-qi' chi yojmakun chuwech y e choj ri qabanobal.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Jeremías 22:16

Kan xeruto' k'a ri man jun k'o kik'in; chuqa' xeruto' ri yetz'ilox y roma ri' kan ronojel utz xel chuwech. Re' nel chi tzij chi kan retaman nuwech.

Wuj Richin Etamabel-Tzij 22:22

Rat, man k'a ke'atz'ila' ri winaqi' ri xa man jun ok k'o kik'in, y chuqa' kan man taqasaj kiq'ij ri chiri' akuchi niban-wi q'atoj-tzij roma rije' xa man tikirel ta chi nikito-ki'.

Wuj Richin Etamabel-Tzij 1:7

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik.

Wuj Richin Bix Chire ri Dios 19:9

Ri rutijonik ri Jehová kan janila utz y kan keri' richin jantape'. Ri q'atbel-tzij richin ri Jehová kan pa ruchojmilal y kan e qitzij.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

Wuj Richin ri Nehemías 5:9

Y xinbij jun bey chik chike: Ri yixtajin chubanik rix man utz ta. K'o chi niqaya' ruk'ojlen ri qa-Dios, richin keri' man yetze'en ta chiqij ri winaqi' richin jun chik ruwach'ulew.

2 Crón 19:7

Tik'oje' rukiy ri Jehová ri qa-Dios chiwech y titz'eta' jebel ri ye'iben, roma rija' man utz ta nutz'et ri man pa ruchojmilal ta ye'iben, chuqa' chi man junan ta niben kik'in ri winaqi' y toq yepuaqix ri q'atoy taq tzij.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.

Deut 25:18

Chi rije' man xkixibij ta ki' chuwech ri Dios. Rije' xojkichop chi oyowal toq janila oj kosinaqi' chik y maneq chik quchuq'a', y ja ri ek'o kan chiqij ri xekichop nabey.

Wuj Richin ri Chojmirisabelri'il 25:14

Roma ri' toq jun wineq nuk'ayij o nuloq' ulew chire jun chik wineq, man k'a tuq'ol ri ruwinaq richin nich'akon chirij.

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

Wuj Richin ri Rutikeribel 22:12

Y xubij chire: Man takamisaj la ak'ajol y man jun taben chire, y roma man xapoqonaj ta xaya' ri juney ak'ajol pa kamik chuwe, wakami q'alaj chik chinuwech chi rat kan k'o-wi rukiy ri Dios chawech, xcha'.

Wuj Richin ri Rutikeribel 20:11

Y ri Abraham xubij: Yin xinch'ob-qa chi re wawe' chupan re tinamit re' maneq rukiy ri Dios chikiwech, y xkinkikamisaj, roma ri wixjayil.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Wuj Richin ri Chojmirisabelri'il 25:36

Man k'a tik'utuj ral ri méro ri xuqej chiwe, y chuqa' man tik'utuj k'iy rajel ri ruway toq nik'ayij chire. Xa kan titaqej k'a ri ninbij yin chiwe richin kan nik'oje' ri iwinaq iwik'in.

Wuj Richin Etamabel-Tzij 16:6

Ri wineq ri kan qitzij nutzeqelibej ri Dios y man numalij ta kan, kan xtikuyutej rumak, y wi kan xtunimaj rutzij ri Dios, man jun itzel xtuk'uluwachij.

Wuj Richin ri Isaías 3:14

Ri Jehová nuq'et k'a tzij pa kiwi' ri tata'al y ri aj-raqen pa kiwi' ri qawinaq. Y rija' nubij chi roj oj achi'el tiko'n uva, y chi rije' xa xek'is yan chuwech ri ulew ri'. Chuqa' kan xkinojisaj yan ri kachoch rik'in ri xkimej kan chuwi-kiq'a' ri meba'i'.