Wuj Richin ri Chojmirisabelri'il 25:10 - Kaqchiquel Bible

¹⁰ Kan xtiya' k'a janila rejqalen ri juna' kawineq lajuj. Chupan k'a ri juna' ri' ronojel ri ulew ri k'ayin xa kan xtitzolix chire ri rajaw o chire jun rijatzul. Y chuqa' xabachike wineq ri k'ayin richin jun samajel ri niyuqe' pa samaj xtisq'opex-el richin nibe kik'in ri aj pa rachoch.

Wuj Richin ri Chojmirisabelri'il 25:10 ပူးပေါင်းရင်းမြစ်များ

Wuj Richin ri Esdras 1:3

Chi'iwonojel k'a rix ri ix ruwinaq ri Jehová, ja ri Dios xtito'on iwichin. Y rik'in ri ruto'onik rija' xkixbe pa Jerusalem, richin nibepaba-q'anej ri rachoch ri Jehová, ri Dios ri iwichin rix israelita, roma ja rija' ri Dios ri niya'ox ruq'ij ri chiri' pa Jerusalem.

Wuj Richin Bix Chire ri Dios 146:7

Ri Jehová kan nuben ri ruchojmilal kik'in ri yetz'ilox. y kan nuya' kiway ri yewayjan. Kan yerukol k'a ri ek'o pa ximonri'il.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Wuj Richin ri Isaías 49:9

Xtibij chike ri ek'o pa cárcel, chi ke'el-pe, y chike ri ek'o pa q'equ'm, chi tikik'utu-pe-ki'. Y rokik e tzolejineq-pe chupan ri kibey, xtikil ri kiway. Rokik e peteneq chupan ri tz'iran ruwach'ulew, kan k'o ri xtikitej.

Wuj Richin ri Isaías 63:4

Yin xinch'ob chi k'o jun q'ij ninbenya' ri nuq'atbel-tzij pa kiwi'. Kan xoqaqa k'a ri q'ij richin yenkol ri nutinamit.

Wuj Richin ri Jeremías 34:10

Konojel ri e aj-raqen y konojel ri winaqi' richin ri tinamit xkinimaj k'a re jun jikibel-tzij re' ri xkiben y xkiya-el q'ij chike ri loq'on taq samajela' richin xetotej y man xkiben ta chik chike richin xe'ilix más koma rije' y keri' xetotej-el.

Wuj Richin ri Jeremías 34:8

Ri Jehová xch'on chik wik'in yin Jeremías, chirij toq ri rey Sedequías xuben jun jikibel-tzij kik'in konojel ri winaqi' richin ri tinamit Jerusalem richin chi tikiya-el q'ij chike ri kisamajela' richin yetotej-el.

Ez 46:17

Jak'a wi ri q'atoy-tzij nusipaj ta juba' ulew chire jun rusamajel, re ulew re' achi'el xa ta xaxe nuqej ri samajel. Y toq xtapon ri juna' richin nitzolix ronojel, ri ulew ri' xa xtok chik richin ri q'atoy-tzij y xtikichinaj kan ri e ralk'ual rija'.

Wuj Richin ri Chojmirisabelri'il 25:11

Ri juna' toq nitzolix ronojel kan jun juna' richin uxlanen chiwe rix: Roma man jun tiko'n niben y man ye'ik'ol ta ri pixik' ri yebe'el-pe chupan ri iwulew, ni man ye'iwelesaj ta el ri ruq'a' uva y man ye'iwux ta ruwech.

Wuj Richin ri Chojmirisabelri'il 25:13

Chupan ri juna' toq nitzolix ronojel kan xtok chik k'a iwichin ri iwulew.

Wuj Richin ri Chojmirisabelri'il 25:41

K'ari' rija' y ri e ralk'ual xketotej-el pan iwachoch, y xketzolej kik'in ri kach'alal y xkebek'oje' chupan ri kachoch ri kichinan kan.

Wuj Richin ri Chojmirisabelri'il 25:54

Wi xa man ta nikolotej, xtikolotej ta k'a toq xtapon ri juna' toq nitzolix ronojel, y chuqa' xkekolotej ri ralk'ual.

San Lucas 1:74

Chi xqojrukol chikiwech ri e etzelanel qichin, richin keri' man jun xibinri'il qik'in niqasamajij rija'.

2 Corintios 3:17

Roma toq nikik'ul ri ajaw Jesucristo, ja ri ru-Espíritu rija' ri nikik'ul. Y ri akuchi nik'oje-wi ri ru-Espíritu rija', kan yekolotej chuxe' ri nabey jikibel-tzij.

Gálatas 4:25

Ri Agar, kan achi'el-wi ri jikibel-tzij ri xban pa ruwi' ri juyu' Sinaí, ri pa ruwach'ulew Arabia. Chuqa' nuk'exewachuj ri nuwinaq judío ri kitzeqeliben ri pixa' ri k'o pa Jerusalem. Y roma ri' ek'o pa ximonri'il richin ri pixa'.

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

1 Pedro 2:16

Kan kixk'ase' k'a achi'el ri winaqi' ri etotajineq chik. Jak'a man tikusaj ri solbelri'il ri' richin niben ri etzelal. Xa kan kixok k'a rusamajela' ri Dios.