Wuj Richin ri Chojmirisabelri'il 24:2 - Kaqchiquel Bible

² Tabij chike ri awinaq israelita chi tikik'ama-pe aceite ri banon rik'in jebelej olivo, richin chi jantape' k'o aceite richin yek'at ri taq candil ronojel aq'a'.

Wuj Richin ri Chojmirisabelri'il 24:2 ပူးပေါင်းရင်းမြစ်များ

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

Wuj Richin Bix Chire ri Dios 119:105

Ri ach'abel rat Jehová kan achi'el jun q'aq' ri nusaqirisaj ri nubey; kan jun saqil akuchi yibiyin-wi.

Wuj Richin Bix Chire ri Dios 119:130

Ri rusolik rij ri ach'abel kan nisaqirisan. Kan nusaqirisaj k'a kiwech ri maneq kinojibal.

Ex 39:37

ri candelabro ri banon rik'in q'anapueq ri jebel ch'ajch'oj, ri taq candil ri e cholan pa ruwi' y ronojel ri samajibel ri yek'atzin chire y ri aceite ri nik'atzin richin ri taq candil.

Ex 40:24

Chuqa' xuya-apo ri candelabro chupan y xuya' pa xokon chire ri jay ri', k'a juk'an-pe chire ri akuchi k'o-wi ri mesa.

Wuj Richin Etamabel-Tzij 6:23

Roma ronojel re ruchojmilal re', kan achi'el jun lámpara richin saqil, ri tijonik kan nisaqirisan-wi chupan ri ik'aslen, y ri ch'olinik richin etamabel, jari' ri bey richin ri k'aslen.

Wuj Richin ri Isaías 11:2

Y ri Espíritu richin ri Jehová kan jantape' k'a xtik'oje' rik'in, richin niberuya' na'oj y nojibel, richin niberuya' uchuq'a' y etamabel, richin xtok pixabanel. Y xtik'oje' rukiy ri Jehová chuwech.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Wuj Richin ri Chojmirisabelri'il 24:1

Ri Jehová xch'on chik rik'in ri Moisés y xubij chire:

Wuj Richin ri Chojmirisabelri'il 24:3

Ri Aarón y ri nimalej sacerdote ri xtik'oje' kan pa ruk'exel, ja rije' ri xkechojmirisan ri candil richin chijun aq'a' yek'at chinuwech yin chupan ri wachoch ri juk'an-pe chire ri tasbel rupan ri jay. Re' kan jun pixa' ri nuya'on chiwe rix richin q'asen y chike ri iwijatzul.

San Mateo 4:16

Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Lucas 1:79

Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

San Lucas 12:35

Tinaba' iwi' y jantape' tik'at ri i-candil,

San Juan 1:4

Rik'in k'a rija' k'o-wi ri k'aslen. Y re k'aslen re', jare' ri nisaqirisan ri kik'aslen ri winaqi'.

San Juan 1:9

Y kan xoqaqa ri qitzij saqil ri' chuwech chijun re ruwach'ulew richin nusaqirisaj ri kik'aslen ri winaqi'.

San Juan 5:35

Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.