Wuj Richin ri Chojmirisabelri'il 23:6 - Kaqchiquel Bible

⁶ Y chupan ri q'ij wolajuj, xtichop-el richin ninimaq'ijuj ri kaxlan-wey ri maneq ch'amilej-q'or rik'in, richin niya' nuq'ij yin. Y wuqu' k'a q'ij nitej ri kaxlan-wey ri'.

Wuj Richin ri Chojmirisabelri'il 23:6 ပူးပေါင်းရင်းမြစ်များ

Ex 12:14

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

Deut 16:3

Ri ti chikop ri' nitej rik'in kaxlan-wey ri maneq ch'amilej-q'or rik'in. Wuqu' k'a q'ij nitej ri kaxlan-wey keri'. Re' nuk'exewachuj ri tijoj-poqonal, roma kan chi'anin k'o chi xojel-pe pan Egipto. Keri', kan chijun k'a ik'aslen toqaqa chi'ik'u'x ri q'ij toq xojel-pe pan Egipto.

Deut 16:8

Waqi' q'ij nitej ri kaxlan-wey ri maneq ch'amilej-q'or rik'in, y pa ruwuq q'ij nimol-iwi' y yixuxlan richin niya' ruq'ij-ruk'ojlen ri Jehová ri qa-Dios; ri q'ij ri' kan man jun achike samaj niben.