Wuj Richin ri Chojmirisabelri'il 23:34 - Kaqchiquel Bible

³⁴ tubij chike ri ruwinaq: Ri q'ij wolajuj chire ri ik' wuqu' ja q'ij ri' richin yixuxlan y niya' nuq'ij yin, y niben jun nimaq'ij kichin ri taq jay e banon rik'in ruq'a-che'. Wuqu' k'a q'ij xtinimaq'ijuj chinuwech yin.

Wuj Richin ri Chojmirisabelri'il 23:34 ပူးပေါင်းရင်းမြစ်များ

1 Rey 12:32

Chuqa' xutikeriba-q'anej jun nimaq'ij ri kan k'o chi niban ronojel wolajuj q'ij richin ri ik' waqxaqi', achi'el toq ri aj-Judá yenimaq'ijun, y nikiya' ruq'ij ri Jehová. Kan ja rija' ri xsuju ri kamelabel, y re' xuben pa Betel chuwech ri nima-alaj achij wákix ri rubanon-q'anej. Chuqa' xeruya' sacerdote chiri' ri akuchi niya-wi kiq'ij ri ch'aqa' chik dios ri pa ruwi' taq juyu'.

1 Rey 8:2

Y xkimol k'a ki' rik'in ri rey Salomón konojel ri winaqi' ri' chupan ri ik' wuqu' ri rubini'an Etanim, toq ninimaq'ijux ri nimaq'ij richin ri taq jay banon rik'in ruq'a-che'.

1 Rey 8:65

Ri Salomón y ri winaqi' xenimaq'ijun k'a wuqu' q'ij, y chirij ri nimaq'ij ri', xenimaq'ijun chik wuqu' q'ij richin ri nimaq'ij richin ri taq jay banon rik'in ruq'a-che'. Y kan konojel k'a ri winaqi' ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto.

Wuj Richin ri Esdras 3:4

Y chuqa' kan xkinimaq'ijuj ri nimaq'ij richin taq jay ri e banon rik'in ruq'a-che', achi'el ri tz'ibatel kan. Y xkiporoj chikop richin kamelabel ronojel q'ij achi'el ri k'o chi nikiben.

Wuj Richin ri Nehemías 8:14

Y rije' xq'ax k'a chikiwech ri tz'ibatel chi k'o chi yek'oje' pa taq kachoch ri e banon rik'in ruq'a-che' chupan ri ik' ri'.

Ex 23:16

Chuqa' xtiben ri nimaq'ij richin ri nabey ruwech ri itiko'n, ri niwelesaj chuwech ri iwulew. Y pa ruk'isibel, toq nik'is ri juna', xtiben chuqa' ri jun nimaq'ij richin toq nik'ol ronojel ruwech ri itiko'n ri xiben.

Ex 34:22

Chuqa' xtinimaq'ijuj toq napon ri kawineq lajuj q'ij, xtinimaq'ijuj toq napon ri ruq'ijul richin niq'et ri nabey taq ruwech ri i-trigo y chuqa' xtinimaq'ijuj toq napon ri ruq'ijul richin nik'ol ronojel ruwech ri itiko'n.

Ez 45:25

Chuqa' chupan ri q'ij wolajuj chire ri ruwuq ik' k'o chi ninimaq'ijuj wuqu' q'ij toq yeban jay rik'in ruq'a-che'. Y ja ri q'atoy-tzij k'o chi xtik'amon-pe chikopi' ri achi'el rajlabal ri xuk'en-pe pa nabey, richin kamelabel richin kuyubel-mak y junan rajlabal ri xuk'en-pe pa nabey richin sipanik richin ri jalajoj ruwech ixin y ri sipanik richin aceite.

Wuj Richin ri Chojmirisabelri'il 23:33

Xch'on chik ri Jehová rik'in ri Moisés y xubij chire chi

Wuj Richin ri Chojmirisabelri'il 23:42

Chi wuqu' k'a q'ij ri' chi'iwonojel rix xkixk'oje' chupan ri taq jay ri xke'iben rik'in ri ruq'a-che'. Y ri iwijatzul chuqa' xkek'oje' wuqu' q'ij pa taq jay ri e banon rik'in ruq'a-che',

Wuj Richin ri Chojmirisabelri'il 23:43

richin xtoqaqa chikik'u'x chi rix xixk'oje' pa taq jay ri e banon rik'in ruq'a-che' toq xixinwelesaj-pe pan Egipto. Yin Jehová ri i-Dios ri yibin, xcha'.

Wuj Richin ri Q'axanri'il 29:12

Ri q'ij wolajuj chire ri ruwuq ik', niben jun molojri'il richin niya' nuq'ij. Ri q'ij ri' man jun kowilej samaj niben. Y wuqu' k'a q'ij yixnimaq'ijun chinuwech yin.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Juan 7:2

Ri q'ij k'a ri', xa kan naqaj chik k'a k'o-wi ri nimaq'ij toq yeban taq jay banon rik'in ruq'a' taq che'.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Deut 31:10

Y xch'on kik'in y kere' k'a ri xubij chike: Chi wuquteq juna', ri juna' toq nikuyutej ronojel ruwech k'as, chupan ri nimaq'ij richin ri taq jay ri banon rik'in ruq'a' taq che', jari' toq xtisik'ix re pixa' re' richin chi ri winaqi' kan tikak'axaj.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Hebreos 11:9

Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.